Mömmuvænt alþýðupopp í Þjóðleikhúskjallaranum 10. nóvember 2011 07:00 Meðlimir 1860 eru þrír en hljóðfærin sem þeir spila á eru töluvert fleiri. Þeir hafa vakið athygli á tónleikum fyrir snerpu í hljóðfæraskiptum í miðjum lögum. Frá vinstri eru þeir Kristján, Hlynur og Óttar. frettablaðið/anton Tríóið 1860 tók til starfa fyrir réttu ári en hefur þegar látið frá sér sína fyrstu breiðskífu, sem kallast Sagan. Hljómsveitin spilar þjóðlagaskotið popp sem fengið hefur góðar viðtökur hjá landanum. Útgáfutónleikar verða haldnir í Þjóðleikhúskjallaranum í kvöld klukkan 22. „Við Óttar erum æskuvinir og höfum spilað í hinum ýmsu hljómsveitum saman. Við vorum farnir að prófa okkur eitthvað áfram tveir saman, en Óttar sá svo Kidda spila á harmonikku eitthvert kvöldið fyrir rúmu ári og sá að þarna var komið hljóðfærið sem vantaði til að fullkomna okkar hljóm. Þetta byrjaði svo að blómstra um leið og við vorum komnir þrír saman,“ segir Hlynur Júní Hallgrímsson, söngvari sveitarinnar. Auk Hlyns skipa 1860 þeir Óttar Birgisson gítarleikari og Kristján Hrannar Pálsson píanóleikari. 1860 vakti athygli strax frá upphafi því hljómsveitarmeðlimir notuðu sér nútímatækni til að koma sér á framfæri. Þeir byrjuðu strax á því að deila lögunum sínum á samskiptavefnum Youtube. „Við gerðum þetta aðallega fyrir vini okkar til að byrja með en allt í einu hafði einhver linkað á myndband með okkur á einhverjum vinsælum heimasíðum og við komnir með einhver þúsund áhorf á myndband sem var aðallega hugsað fyrir litlu systur, mömmu og ömmu. Það er auðvitað skemmtilegt að geta deilt þessu en þetta vatt upp á sig og við fengum svona smá meðbyr.“ Aðdáendahópur sveitarinnar er því ekki eingöngu bundinn við Ísland og nú þegar hefur fólk hvaðanæva að úr heiminum deilt myndböndum á vefnum þar sem það syngur og spilar sínar útgáfu af lögum sveitarinnar. „Tónlistin okkar á sér eiginlega sjálfstætt líf á Youtube, því oft settum við fyrstu útgáfur af lögum á vefinn, en breyttum síðar hljómagangi eða öðru. Svo sjáum við samt einhvern frá Bandaríkjunum flytja lag með okkur eins og það var bara eftir fyrstu æfingu.“ Bandarískir aðdáendur sveitarinnar munu fá tækifæri til að kynnast sveitinni betur strax eftir áramót því í næstu viku lýkur upptökum á EP-plötu sem sveitin gefur út vestanhafs. Það er fyrirtækið sem sér um sænska listamanninn Tallest Man on Earth sem sér um útgáfuna, en eigandi fyrirtækisins komst einmitt í kynni við bandið þegar hann rakst á myndband sveitarinnar á Youtube. Tónlist 1860 hefur verið mikið spiluð í útvarpi og fyrsta smáskífa plötunnar, Snæfellsnes, sat meðal annars í öðru sæti vinsældarlista Rásar 2 í sumar. Hlynur segir þá félaga hæstánægða með hversu breiður áheyrendahópurinn er. „Maður gerði ráð fyrir því að tónlistin myndi höfða til fólks á sama aldri og maður sjálfur er, en það kom okkur aðeins á óvart að krakkar sem eru talsvert yngri en við eru að fíla þetta og svo eru vinkonur ömmu minnar heitustu aðdáendur okkar.“ Hlynur hvetur fólk til að leggja leið sína í Þjóðleikhúskjallarann í kvöld. „Ef fólk ætlar að mæta á eina tónleika með okkur á lífsleiðinni þá held ég að þetta verði að vera þeir. Við verðum þarna með heilan her af fagfólki með okkur, þetta verður eitthvað alveg sérstakt.“ bergthora@frettabladid.is Tónlist Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Tríóið 1860 tók til starfa fyrir réttu ári en hefur þegar látið frá sér sína fyrstu breiðskífu, sem kallast Sagan. Hljómsveitin spilar þjóðlagaskotið popp sem fengið hefur góðar viðtökur hjá landanum. Útgáfutónleikar verða haldnir í Þjóðleikhúskjallaranum í kvöld klukkan 22. „Við Óttar erum æskuvinir og höfum spilað í hinum ýmsu hljómsveitum saman. Við vorum farnir að prófa okkur eitthvað áfram tveir saman, en Óttar sá svo Kidda spila á harmonikku eitthvert kvöldið fyrir rúmu ári og sá að þarna var komið hljóðfærið sem vantaði til að fullkomna okkar hljóm. Þetta byrjaði svo að blómstra um leið og við vorum komnir þrír saman,“ segir Hlynur Júní Hallgrímsson, söngvari sveitarinnar. Auk Hlyns skipa 1860 þeir Óttar Birgisson gítarleikari og Kristján Hrannar Pálsson píanóleikari. 1860 vakti athygli strax frá upphafi því hljómsveitarmeðlimir notuðu sér nútímatækni til að koma sér á framfæri. Þeir byrjuðu strax á því að deila lögunum sínum á samskiptavefnum Youtube. „Við gerðum þetta aðallega fyrir vini okkar til að byrja með en allt í einu hafði einhver linkað á myndband með okkur á einhverjum vinsælum heimasíðum og við komnir með einhver þúsund áhorf á myndband sem var aðallega hugsað fyrir litlu systur, mömmu og ömmu. Það er auðvitað skemmtilegt að geta deilt þessu en þetta vatt upp á sig og við fengum svona smá meðbyr.“ Aðdáendahópur sveitarinnar er því ekki eingöngu bundinn við Ísland og nú þegar hefur fólk hvaðanæva að úr heiminum deilt myndböndum á vefnum þar sem það syngur og spilar sínar útgáfu af lögum sveitarinnar. „Tónlistin okkar á sér eiginlega sjálfstætt líf á Youtube, því oft settum við fyrstu útgáfur af lögum á vefinn, en breyttum síðar hljómagangi eða öðru. Svo sjáum við samt einhvern frá Bandaríkjunum flytja lag með okkur eins og það var bara eftir fyrstu æfingu.“ Bandarískir aðdáendur sveitarinnar munu fá tækifæri til að kynnast sveitinni betur strax eftir áramót því í næstu viku lýkur upptökum á EP-plötu sem sveitin gefur út vestanhafs. Það er fyrirtækið sem sér um sænska listamanninn Tallest Man on Earth sem sér um útgáfuna, en eigandi fyrirtækisins komst einmitt í kynni við bandið þegar hann rakst á myndband sveitarinnar á Youtube. Tónlist 1860 hefur verið mikið spiluð í útvarpi og fyrsta smáskífa plötunnar, Snæfellsnes, sat meðal annars í öðru sæti vinsældarlista Rásar 2 í sumar. Hlynur segir þá félaga hæstánægða með hversu breiður áheyrendahópurinn er. „Maður gerði ráð fyrir því að tónlistin myndi höfða til fólks á sama aldri og maður sjálfur er, en það kom okkur aðeins á óvart að krakkar sem eru talsvert yngri en við eru að fíla þetta og svo eru vinkonur ömmu minnar heitustu aðdáendur okkar.“ Hlynur hvetur fólk til að leggja leið sína í Þjóðleikhúskjallarann í kvöld. „Ef fólk ætlar að mæta á eina tónleika með okkur á lífsleiðinni þá held ég að þetta verði að vera þeir. Við verðum þarna með heilan her af fagfólki með okkur, þetta verður eitthvað alveg sérstakt.“ bergthora@frettabladid.is
Tónlist Mest lesið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Eva flutt inn í verðlaunahús Kára Lífið Skálda opnar: „Kannski ekki margir nógu vitlausir til að framkvæma þessa hugmynd“ Menning Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Kallaður hinn íslenski Forrest Gump af stóra bróður Lífið Íris Ósk selur tryllt hönnunarhús Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira