Captain America sló Harry Potter við í miðasölu

Gamla ofurhetjan Captain America náði um helgina að slá nýjustu Harry Potter myndina úr efsta sætinu yfir mest sóttu kvikmyndir Bandaríkjanna.

Alls voru miðar fyrir 65 milljónir dollara seldir á myndina Captain America: The First Avenger en þetta var frumsýningarhelgi hennar. Harry Potter var í öðru sæti með 48 milljónir dollara í miðasölu.

Captain America skartar m.a. Chris Evans, Tommy Lee Jones og Samuel L. Jackson í aðalhlutverkum en hún fjallar um bandarískan hermanna sem tekur þátt í tilraunum, sem breyta honum í mannlegt vopn.

Captain America kom fyrst fram fyrir sjónir almennings í Marvel tímaritinu árið 1941.