Hvert fóru Icesave-peningarnir? Þorbjörn Þórðarson skrifar 18. febrúar 2011 18:45 Sigurjón Þ. Árnason og Halldór J. Kristjánsson fyrrverandi bankastjórar Landsbankans. Deloitte í Lundúnum hefur nú rakið slóð peninganna á Icesave-reikningunum fyrir slitastjórn Landsbankans. Slitastjórnin hefur nú ágæta mynd af því hvert þeir fóru en neitar að veita upplýsingar um það til fjölmiðla. Aldrei hefur almennilega verið upplýst um hvert innistæðurnar á Icesave-reikningunum fóru. Hvernig útlánastreymi hjá bankanum var og tengsl þess við innlánasöfnun á Icesave-reikningunum í Bretlandi og Hollandi. Áður en atkvæði voru greidd um Icesave-frumvarpið á miðvikudag lagði Þór Saari þingmaður Hreyfingarinnar fram tvíþætta breytingartillögu við frumvarpið. Annars vegar um að ríkisstjórnin myndi grípa til nauðsynlegra ráðstafna til að endurheimta það fé sem safnaðist inn á Icesave-reikningana og hafa frumkvæði við þar til bæra aðila, m.a yfirvöld í Bretlandi, Hollandi og Evrópusambandinu og óska aðstoðar við að rekja hvert innistæðurnar voru fluttar. Og hins vegar gera ráðstafanir til að þeir sem beri ábyrgð á reikningunum verði látnir bera tjón vegna þeirra.Þegar búið að gera ráðstafanir Fjármálaráðherra sagði við fréttastofu á miðvikudag að þingið hefði þegar hrint slíku í framkvæmd og því hefðu þessar breytingartillögur ekki fengið hljómgrunn á þinginu. „Alþingi var þegar búið efnislega að afgreiða mjög sambærilegar áherslur og setja þær í lög. Það er búið að hrinda því í framkvæmd og það er allt í vinnslu. Það er búið að gefa framkvæmdavaldinu fyrirmæli í lögum um að gera allt sem hægt er til að endurheimta peningana. Við erum að rannsaka og draga þá til ábyrgðar sem ábyrgðina bera. Sérstakur saksóknari hefur byggt upp samstarf við systurstofnanir erlendis eins og Serious Fraud Office í Bretlandi. Skilanefndar og slitastjórnir eru síðan með öflug teymi til að elta þessa peninga og rekja þræðina. Þá er sérstök nefnd á vegum stjórnvalda sem starfar í fjármálaráðuneytinu sem metur möguleika á skaðabótamálum. Þannig að ég tel að það sé verið að sinna öllum þessum þáttum," sagði Steingrímur J. Sigfússon, fjármálaráðherra.Deloitte í Lundúnum búið að fara ofan í saumana á rekstri bankans Slitastjórn Landsbankans fól Deloitte í Lundúnum að rannsaka starfsemi bankans árin fyrir hrun. Í ítarlegri skýrslu Deloitte, en niðurstöður hennar lágu fyrir í lok síðasta árs, er farið ítarlega ofan í saumana á öllum millifærslum. Bæði inn- og útlánum. Páll Benediktsson, talsmaður slitastjórnar bankans, sagði við fréttastofu í dag að bankinn hefði nú ágæta mynd af því með hvaða hætti peningarnir fór af Icesave-reikningunum út úr bankanum og hvert þeir fóru, en hann sagði að bankinn myndi ekki veita nánari upplýsingar um það. Þess má geta að fyrrverandi bankastjórar Landsbankans hafa alltaf sagt að peningar af Icesave-reikningunum í Bretlandi hafi farið í útlán, að mestu til fyrirtækja þar í landi. Hafa ber hins vegar í huga að Icesave-peningarnir, evrur og pund, voru ekki öðruvísi á litinn en aðrir peningar sem fóru í gegnum bankann. Það er því hugsanlega nokkuð umdeilt hvort rétt sé að tala um að Icesave-peningarnir hafi farið í þetta eða hitt, þótt afdrif sparifjár hollenskra og breskra viðskiptavina Landsbankans séu hluti af einu stærsta deilumáli samtímans hér á landi. thorbjorn@stod2.is Icesave Mest lesið Verulega minni verðbólga Viðskipti innlent Að hætta að vera vandræðaleg í nýrri vinnu Atvinnulíf Frá RÚV til Coca-Cola Viðskipti Mun leiða ferskvatnseldi hjá First Water Viðskipti innlent Icelandair hækkað um ríflega fjórðung Viðskipti innlent Ummæli seðlabankastjóra „skringileg“ Viðskipti innlent „Fjárfestar eru bara venjulegt fólk“ Atvinnulíf Sátt Eimskipa við Samkeppniseftirlitið kom Samskipum ekki við Viðskipti innlent Enginn þarf að vera giftur lánunum sínum út lánstímann Samstarf Óvíða sem flugstarfsemi er jafn stór þáttur í efnahagslífi þjóðar Viðskipti innlent Fleiri fréttir Verulega minni verðbólga Mun leiða ferskvatnseldi hjá First Water Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Sjá meira
Deloitte í Lundúnum hefur nú rakið slóð peninganna á Icesave-reikningunum fyrir slitastjórn Landsbankans. Slitastjórnin hefur nú ágæta mynd af því hvert þeir fóru en neitar að veita upplýsingar um það til fjölmiðla. Aldrei hefur almennilega verið upplýst um hvert innistæðurnar á Icesave-reikningunum fóru. Hvernig útlánastreymi hjá bankanum var og tengsl þess við innlánasöfnun á Icesave-reikningunum í Bretlandi og Hollandi. Áður en atkvæði voru greidd um Icesave-frumvarpið á miðvikudag lagði Þór Saari þingmaður Hreyfingarinnar fram tvíþætta breytingartillögu við frumvarpið. Annars vegar um að ríkisstjórnin myndi grípa til nauðsynlegra ráðstafna til að endurheimta það fé sem safnaðist inn á Icesave-reikningana og hafa frumkvæði við þar til bæra aðila, m.a yfirvöld í Bretlandi, Hollandi og Evrópusambandinu og óska aðstoðar við að rekja hvert innistæðurnar voru fluttar. Og hins vegar gera ráðstafanir til að þeir sem beri ábyrgð á reikningunum verði látnir bera tjón vegna þeirra.Þegar búið að gera ráðstafanir Fjármálaráðherra sagði við fréttastofu á miðvikudag að þingið hefði þegar hrint slíku í framkvæmd og því hefðu þessar breytingartillögur ekki fengið hljómgrunn á þinginu. „Alþingi var þegar búið efnislega að afgreiða mjög sambærilegar áherslur og setja þær í lög. Það er búið að hrinda því í framkvæmd og það er allt í vinnslu. Það er búið að gefa framkvæmdavaldinu fyrirmæli í lögum um að gera allt sem hægt er til að endurheimta peningana. Við erum að rannsaka og draga þá til ábyrgðar sem ábyrgðina bera. Sérstakur saksóknari hefur byggt upp samstarf við systurstofnanir erlendis eins og Serious Fraud Office í Bretlandi. Skilanefndar og slitastjórnir eru síðan með öflug teymi til að elta þessa peninga og rekja þræðina. Þá er sérstök nefnd á vegum stjórnvalda sem starfar í fjármálaráðuneytinu sem metur möguleika á skaðabótamálum. Þannig að ég tel að það sé verið að sinna öllum þessum þáttum," sagði Steingrímur J. Sigfússon, fjármálaráðherra.Deloitte í Lundúnum búið að fara ofan í saumana á rekstri bankans Slitastjórn Landsbankans fól Deloitte í Lundúnum að rannsaka starfsemi bankans árin fyrir hrun. Í ítarlegri skýrslu Deloitte, en niðurstöður hennar lágu fyrir í lok síðasta árs, er farið ítarlega ofan í saumana á öllum millifærslum. Bæði inn- og útlánum. Páll Benediktsson, talsmaður slitastjórnar bankans, sagði við fréttastofu í dag að bankinn hefði nú ágæta mynd af því með hvaða hætti peningarnir fór af Icesave-reikningunum út úr bankanum og hvert þeir fóru, en hann sagði að bankinn myndi ekki veita nánari upplýsingar um það. Þess má geta að fyrrverandi bankastjórar Landsbankans hafa alltaf sagt að peningar af Icesave-reikningunum í Bretlandi hafi farið í útlán, að mestu til fyrirtækja þar í landi. Hafa ber hins vegar í huga að Icesave-peningarnir, evrur og pund, voru ekki öðruvísi á litinn en aðrir peningar sem fóru í gegnum bankann. Það er því hugsanlega nokkuð umdeilt hvort rétt sé að tala um að Icesave-peningarnir hafi farið í þetta eða hitt, þótt afdrif sparifjár hollenskra og breskra viðskiptavina Landsbankans séu hluti af einu stærsta deilumáli samtímans hér á landi. thorbjorn@stod2.is
Icesave Mest lesið Verulega minni verðbólga Viðskipti innlent Að hætta að vera vandræðaleg í nýrri vinnu Atvinnulíf Frá RÚV til Coca-Cola Viðskipti Mun leiða ferskvatnseldi hjá First Water Viðskipti innlent Icelandair hækkað um ríflega fjórðung Viðskipti innlent Ummæli seðlabankastjóra „skringileg“ Viðskipti innlent „Fjárfestar eru bara venjulegt fólk“ Atvinnulíf Sátt Eimskipa við Samkeppniseftirlitið kom Samskipum ekki við Viðskipti innlent Enginn þarf að vera giftur lánunum sínum út lánstímann Samstarf Óvíða sem flugstarfsemi er jafn stór þáttur í efnahagslífi þjóðar Viðskipti innlent Fleiri fréttir Verulega minni verðbólga Mun leiða ferskvatnseldi hjá First Water Sátt Eimskipa við Samkeppniseftirlitið kom Samskipum ekki við Óvíða sem flugstarfsemi er jafn stór þáttur í efnahagslífi þjóðar Spá enn einum fundinum án breytingar Icelandair hækkað um ríflega fjórðung Munu fljúga til Nashville næsta sumar Rúv tapað nærri hálfum milljarði á árinu Átta sagt upp hjá Arion banka Bein útsending: Ársfundur Orkustofununar á Akureyri Hagnaður félags Björns Braga dróst verulega saman Ummæli seðlabankastjóra „skringileg“ Icelandair fyrsta samstarfsflugfélag bandarísks risa Spá verðbólgu undir fjórum prósentum á næsta ári Fjármálaeftirlitið samþykkir samruna Landsbankans og TM Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Sjá meira