Konur eru konum bestar Sif Sigmarsdóttir skrifar 14. september 2011 06:00 Snyrtivörur, útlit, líkamsrækt og kynlíf. Þetta eru yfirlýst efnistök skemmtiþáttar sem hefur á göngu sína á Skjá einum í næstu viku og ætlaður er konum. Hafa margar konur gagnrýnt stöðina fyrir að láta svo einstrengingslegar staðalhugmyndir um konur og hugðarefni þeirra liggja til grundvallar gerð dagskrár fyrir þær. Í umræðunni sem fylgt hefur í kjölfarið hefur klisjunum um þessar kvenréttindakonur kyngt niður eins og skæðadrífu. Tvennt ber þar hæst. Annars vegar hefur það þótt grafa undan gagnrýni kvennanna að sumar gangi þær með varalit og séu jafnvel „sætar“. Hins vegar hefur rökum þeirra verið mætt með einum óviðfelldnasta frasa íslenskrar tungu: „Konur eru konum verstar.“ Það að konur geti ekki staðið vörð um réttindi sín tilhafðar er vitleysa sem er ekki svaraverð. Hins vegar má geta þess að varaliturinn hefur lengi verið hluti af jafnréttisbaráttunni en súffragetturnar báru hann sem tákn um sjálfstæði sitt er körlum líkaði hann ekki. Yfirlýsingin um að konur séu á einhvern hátt öðrum konum skaðræðisskepnur er hins vegar öllu alvarlegri. Svo oft eru þessi orð höfð í frammi að margir virðast farnir að trúa þeim. Þótt það fari ekki hátt – kannski einmitt vegna þess að flestöll umfjöllun um konur snýst um snyrtivörur, útlit, líkamsrækt og kynlíf – er rík hefð fyrir samvinnu kvenna á hinum ýmsu sviðum. Um hana er meira að segja til fjöldi samtaka svo sem KIKS - Konur í kvikmyndum og sjónvarpi og nýstofnað félag kvenna í nýsköpun og sprotafyrirtækjum. Þvert á trú sumra þrífast konur í félagsskap hver annarrar. Ekki nóg með það. Konur finna sér oft fyrirmyndir í öðrum konum. Ekki alls fyrir löngu prýddi forsíðu breska blaðsins The Times skælbrosandi unglingsstúlka. Stúlkan hafði unnið sér það til frægðar að ljúka grunnskóla. Slíkt þykir venjulega ekki fréttnæmt. Stuttu áður hafði hún hins vegar næstum hætt námi með það eina markmið að verða „unglinga-móðir“ eins og vinkonur hennar. En svo kom Michelle Obama í heimsókn í skólann hennar. Stúlkan fann sér fyrirmynd í forsetafrúnni og sneri í kjölfarið lífi sínu til betri vegar. Áhugaverðar konur leynast alls staðar. Forsætisráðherra er kona; handhafi Íslensku bókmenntaverðlaunanna er kona; formaður Samtaka íslenskra tölvuleikjaframleiðenda er kona. Óskandi er að stjórnandi kvennaþáttar Skjás eins, sem sjálf er drífandi athafnakona og eflaust mörgum innblástur, sjái sér fært að breikka efnistök þáttarins og auka þannig bæði skemmtanagildið og fjölga fyrirmyndunum. Því konur eru konum bestar. Viltu birta grein á Vísi? Sendu okkur póst. Senda grein Sif Sigmarsdóttir Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun 10 staðreyndir um verðbólgu og ríkisfjármál Konráð S. Guðjónsson Skoðun Þjóðarmorð með vestrænum vopnum Ingólfur Steinsson Skoðun Viltu vinna of mikið í ár og ennþá meira á næsta ári? Steinunn Þórðardóttir Skoðun Er eitt næturgaman þess virði? Reynir Böðvarsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Er allt í góðu? Reynir Böðvarsson Skoðun
Snyrtivörur, útlit, líkamsrækt og kynlíf. Þetta eru yfirlýst efnistök skemmtiþáttar sem hefur á göngu sína á Skjá einum í næstu viku og ætlaður er konum. Hafa margar konur gagnrýnt stöðina fyrir að láta svo einstrengingslegar staðalhugmyndir um konur og hugðarefni þeirra liggja til grundvallar gerð dagskrár fyrir þær. Í umræðunni sem fylgt hefur í kjölfarið hefur klisjunum um þessar kvenréttindakonur kyngt niður eins og skæðadrífu. Tvennt ber þar hæst. Annars vegar hefur það þótt grafa undan gagnrýni kvennanna að sumar gangi þær með varalit og séu jafnvel „sætar“. Hins vegar hefur rökum þeirra verið mætt með einum óviðfelldnasta frasa íslenskrar tungu: „Konur eru konum verstar.“ Það að konur geti ekki staðið vörð um réttindi sín tilhafðar er vitleysa sem er ekki svaraverð. Hins vegar má geta þess að varaliturinn hefur lengi verið hluti af jafnréttisbaráttunni en súffragetturnar báru hann sem tákn um sjálfstæði sitt er körlum líkaði hann ekki. Yfirlýsingin um að konur séu á einhvern hátt öðrum konum skaðræðisskepnur er hins vegar öllu alvarlegri. Svo oft eru þessi orð höfð í frammi að margir virðast farnir að trúa þeim. Þótt það fari ekki hátt – kannski einmitt vegna þess að flestöll umfjöllun um konur snýst um snyrtivörur, útlit, líkamsrækt og kynlíf – er rík hefð fyrir samvinnu kvenna á hinum ýmsu sviðum. Um hana er meira að segja til fjöldi samtaka svo sem KIKS - Konur í kvikmyndum og sjónvarpi og nýstofnað félag kvenna í nýsköpun og sprotafyrirtækjum. Þvert á trú sumra þrífast konur í félagsskap hver annarrar. Ekki nóg með það. Konur finna sér oft fyrirmyndir í öðrum konum. Ekki alls fyrir löngu prýddi forsíðu breska blaðsins The Times skælbrosandi unglingsstúlka. Stúlkan hafði unnið sér það til frægðar að ljúka grunnskóla. Slíkt þykir venjulega ekki fréttnæmt. Stuttu áður hafði hún hins vegar næstum hætt námi með það eina markmið að verða „unglinga-móðir“ eins og vinkonur hennar. En svo kom Michelle Obama í heimsókn í skólann hennar. Stúlkan fann sér fyrirmynd í forsetafrúnni og sneri í kjölfarið lífi sínu til betri vegar. Áhugaverðar konur leynast alls staðar. Forsætisráðherra er kona; handhafi Íslensku bókmenntaverðlaunanna er kona; formaður Samtaka íslenskra tölvuleikjaframleiðenda er kona. Óskandi er að stjórnandi kvennaþáttar Skjás eins, sem sjálf er drífandi athafnakona og eflaust mörgum innblástur, sjái sér fært að breikka efnistök þáttarins og auka þannig bæði skemmtanagildið og fjölga fyrirmyndunum. Því konur eru konum bestar.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun