Jólahús SVFR föstudaginn 2. des

Fyrsta "Opna hús" vetrarins verður haldið föstudaginn 2. desember í sal SVFR að Háaleitisbraut 68. Húsið opnar klukkan 20.00.  Það fjölbreytt dagskrá hjá SVFR á aðventunni. Líkt og undanfarna áratugi mun séra Pálmi Matthíasson mæta með sína árlegu jólahugvekju.

Jólabækur stangaveiðimanna verða kynntar svo um munar. 

Einar Falur Ingólfsson mun kynna þýðingu sína á hinni mögnuðu bók "Íslenskar Laxveiðiár", eða "Rivers of Iceland" eins og hún hét á frummálinu eftir R.N. Stewart. Auk þess mun hann kynna nýja bók um Grímsá í Borgarfirði.

Bubbi Morthens mun kynna nýútkomna bók sína Veiðisögur og enginn annar en Gunnar Bender mætir ásamt Þór Jónssyni með bók þeirra félaga sem ber nafnið "Stórlaxar".

Sé það ekki nóg, þá mun Gunnar Helgason birta svipmyndir úr nýjum mynddiski sem ber nafnið "Leitin að stórlaxinum" sem gefin er út samhliða bók um eftirlætis veiðiflugur kunnra veiðimanna.

Bjarni Júlíusson formaður SVFR mætir og fer yfir ýmislegt sem snýr að ársvæðum og þeim breytingum sem eru á döfinni. Meðal efnis sem verður kynnt er Dunká í Dalasýslu.  Happahylurinn og Myndagetraunin verða á sínum stað með jólaívafi. Að þessu sinni verður Happahylurinn einkar glæsilegur og í boði Intersport.

Félagsmenn eru hvattir til þess að mæta.