Erfitt að selja sig 26. ágúst 2011 14:00 Morgan Spurlock segir það erfitt að vera einstæður pabbi í þessum bransa, hann þurfi að verja löngum stundum frá syni sínum en hann reyni að hafa sem mest samband við hann gegnum Skype.Fréttablaðið/Stefán fréttablaðið/stefán Morgan Spurlock er eilítið sér á báti í bandarískri heimildarmyndagerð. Hann sló fyrst í gegn með Super Size Me og hefur síðan þá verið einn vinsælasti heimildarmyndagerðarmaður heims. Freyr Gígja Gunnarsson settist niður með honum og ræddi við hann um vöruinnsetningar í kvikmyndum og hvernig það er að vera fráskilinn. „Núna hef ég smá tíma fyrir sjálfan mig til að skoða landið,“ er meðal þess fyrsta sem Morgan Spurlock segir þegar blaðamaður hittir hann á áttundu hæð Nordica Hotel við Suðurlandsbraut. Hann heimsótti Ísland fyrir sjö árum þegar hann sýndi Super Size Me, myndina sem kom honum á kortið. Núna ætlar Spurlock að borða fisk, fara í Bláa lónið og skoða Gullfoss og Geysi. „Ég ætla ekki að láta eina steik inn fyrir mínar varir, fiskurinn hérna er frábær.“ Og þar með er Íslandskynningu viðtalsins lokið. Tjaldið fellurÞrátt fyrir alvarlegan undirtón í myndum sínum tekur Spurlock sig aldrei hátíðlega heldur nálgast viðfangsefni sín með háði og húmor. The Greatest Movie Ever Sold, sem fjallar um vöruinnsetningar í bandarísku sjónvarpi og kvikmyndum, er engin undantekning þar á. Gagnrýnin á bandaríska afþreyingu er til staðar en hún er sett fram á fyndinn hátt án þess að persónulegri skoðun Spurlocks sé þröngvað upp á áhorfandann. „Ég vil að áhorfendur myndi sér sína eigin skoðun, sumir eiga eftir að segja að þetta sé skandall og það verði að banna þetta, aðrir verða þeirrar skoðunar að vöruinnsetningar séu bara hluti af þessum iðnaði og verði alltaf.“ Hann segist sjálfur hafa orðið meðvitaðri um vöruinnsetningar eftir að hann byrjaði að vinna þessa mynd. Og hann vonast til að áhorfendur horfi á afþreyingarefni með öðrum augum nú þegar tjaldið er fallið. Hringdi í 600 fyrirtækiThe Greatest Movie Ever Sold er eingöngu fjármögnuð af fyrirtækjum og varð Spurlock því að ganga á milli fyrirtækja og selja sjálfan sig. Hann viðurkennir að það ferðalag hafi reynst honum erfiðara en hann átti von á og sest á sálina. „Það kom mér á óvart hversu erfiðlega þetta gekk. Ég hringdi í 600 fyrirtæki en það voru bara fimmtán sem vildu vera með.“ Spurlock reyndi meira að segja við McDonald‘s. „Ég hringdi margoft og skildi eftir mörg skilaboð. Ég útskýrði fyrir þeim að þetta yrði allt öðruvísi núna en þeir svöruðu mér ekki. Það gerðu hins vegar Burger King, KFC og Taco Bell. Og þau vildu alls ekki vera með.“ Kvikmyndagerðin tekur sinn tollSpurlock hefur ekki verið feiminn við að nota fjölskylduna í myndunum sínum. Í Super Size Me stóð eiginkonan hans, Alexandra Jamieson, þétt við bakið á honum og í Where in the World Is Osama Bin Laden? lék ólétta hennar stórt hlutverk. Og þetta virðist hafa tekið sinn toll því þau eru nú skilin eftir að hafa verið gift í sex ár. „Ég er einstæður pabbi og það er mjög erfitt þegar maður er í þessum bransa. Þetta ferðalag sem ég er í núna stendur yfir í þrjár vikur. Ég reyni að vera í sem mestu sambandi við strákinn minn gegnum Skype en það er erfitt að geta ekki verið með honum í svona langan tíma.“ Spurlock bendir jafnframt á þá staðreynd að hann er ekki kvikmyndastjarna sem þénar tuttugu milljónir dala á hverja mynd. „Ég verð því alltaf að vera að og fá hugmyndir.“ Comic-Con næstSpurlock er þegar farinn að leggja drög að næstu mynd, sem fjallar um hátíðina Comic-Con í San Diego, eina áhrifamestu ráðstefnu í heimi. Þangað koma 150 þúsund manns og ráða því hvaða myndir, tölvuleikir og myndasögublöð verða vinsæl næst. Þetta verður óhefðbundin Spurlock-mynd því hann verður ekki í forgrunni sjálfur. „Þeir sem þola mig ekki ættu að geta farið á þessa mynd því röddin mín heyrist ekki einu sinni. En ég er mjög spenntur fyrir henni.“ Lífið Mest lesið Einhleypan: Vandræðalegt þegar þeir eru giftir eða í sambandi Lífið Óskarsverðlaunahafi óléttur í annað sinn Lífið Miðaldra kveikjur: Hlutir sem benda til þess að þú sért miðaldra Lífið Birta Líf og Gunnar eiga von á dóttur Lífið „Undrabarn“ keppir á undanþágu og tekur pabba í kennslustund Lífið Lét sauma bangsa úr fötum látins sonar síns Lífið Er alltaf hrædd Lífið Sjóðheitar og einhleypar inn í haustið Lífið „Hugleikið hver fær að stunda kynlíf og hver ekki“ Tónlist Frestar tónleikaferðalagi vegna andláts Payne Lífið Fleiri fréttir Miðaldra kveikjur: Hlutir sem benda til þess að þú sért miðaldra Óskarsverðlaunahafi óléttur í annað sinn Einhleypan: Vandræðalegt þegar þeir eru giftir eða í sambandi Bein útsending: Bingó Blökastsins Birta Líf og Gunnar eiga von á dóttur Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Sjá meira
fréttablaðið/stefán Morgan Spurlock er eilítið sér á báti í bandarískri heimildarmyndagerð. Hann sló fyrst í gegn með Super Size Me og hefur síðan þá verið einn vinsælasti heimildarmyndagerðarmaður heims. Freyr Gígja Gunnarsson settist niður með honum og ræddi við hann um vöruinnsetningar í kvikmyndum og hvernig það er að vera fráskilinn. „Núna hef ég smá tíma fyrir sjálfan mig til að skoða landið,“ er meðal þess fyrsta sem Morgan Spurlock segir þegar blaðamaður hittir hann á áttundu hæð Nordica Hotel við Suðurlandsbraut. Hann heimsótti Ísland fyrir sjö árum þegar hann sýndi Super Size Me, myndina sem kom honum á kortið. Núna ætlar Spurlock að borða fisk, fara í Bláa lónið og skoða Gullfoss og Geysi. „Ég ætla ekki að láta eina steik inn fyrir mínar varir, fiskurinn hérna er frábær.“ Og þar með er Íslandskynningu viðtalsins lokið. Tjaldið fellurÞrátt fyrir alvarlegan undirtón í myndum sínum tekur Spurlock sig aldrei hátíðlega heldur nálgast viðfangsefni sín með háði og húmor. The Greatest Movie Ever Sold, sem fjallar um vöruinnsetningar í bandarísku sjónvarpi og kvikmyndum, er engin undantekning þar á. Gagnrýnin á bandaríska afþreyingu er til staðar en hún er sett fram á fyndinn hátt án þess að persónulegri skoðun Spurlocks sé þröngvað upp á áhorfandann. „Ég vil að áhorfendur myndi sér sína eigin skoðun, sumir eiga eftir að segja að þetta sé skandall og það verði að banna þetta, aðrir verða þeirrar skoðunar að vöruinnsetningar séu bara hluti af þessum iðnaði og verði alltaf.“ Hann segist sjálfur hafa orðið meðvitaðri um vöruinnsetningar eftir að hann byrjaði að vinna þessa mynd. Og hann vonast til að áhorfendur horfi á afþreyingarefni með öðrum augum nú þegar tjaldið er fallið. Hringdi í 600 fyrirtækiThe Greatest Movie Ever Sold er eingöngu fjármögnuð af fyrirtækjum og varð Spurlock því að ganga á milli fyrirtækja og selja sjálfan sig. Hann viðurkennir að það ferðalag hafi reynst honum erfiðara en hann átti von á og sest á sálina. „Það kom mér á óvart hversu erfiðlega þetta gekk. Ég hringdi í 600 fyrirtæki en það voru bara fimmtán sem vildu vera með.“ Spurlock reyndi meira að segja við McDonald‘s. „Ég hringdi margoft og skildi eftir mörg skilaboð. Ég útskýrði fyrir þeim að þetta yrði allt öðruvísi núna en þeir svöruðu mér ekki. Það gerðu hins vegar Burger King, KFC og Taco Bell. Og þau vildu alls ekki vera með.“ Kvikmyndagerðin tekur sinn tollSpurlock hefur ekki verið feiminn við að nota fjölskylduna í myndunum sínum. Í Super Size Me stóð eiginkonan hans, Alexandra Jamieson, þétt við bakið á honum og í Where in the World Is Osama Bin Laden? lék ólétta hennar stórt hlutverk. Og þetta virðist hafa tekið sinn toll því þau eru nú skilin eftir að hafa verið gift í sex ár. „Ég er einstæður pabbi og það er mjög erfitt þegar maður er í þessum bransa. Þetta ferðalag sem ég er í núna stendur yfir í þrjár vikur. Ég reyni að vera í sem mestu sambandi við strákinn minn gegnum Skype en það er erfitt að geta ekki verið með honum í svona langan tíma.“ Spurlock bendir jafnframt á þá staðreynd að hann er ekki kvikmyndastjarna sem þénar tuttugu milljónir dala á hverja mynd. „Ég verð því alltaf að vera að og fá hugmyndir.“ Comic-Con næstSpurlock er þegar farinn að leggja drög að næstu mynd, sem fjallar um hátíðina Comic-Con í San Diego, eina áhrifamestu ráðstefnu í heimi. Þangað koma 150 þúsund manns og ráða því hvaða myndir, tölvuleikir og myndasögublöð verða vinsæl næst. Þetta verður óhefðbundin Spurlock-mynd því hann verður ekki í forgrunni sjálfur. „Þeir sem þola mig ekki ættu að geta farið á þessa mynd því röddin mín heyrist ekki einu sinni. En ég er mjög spenntur fyrir henni.“
Lífið Mest lesið Einhleypan: Vandræðalegt þegar þeir eru giftir eða í sambandi Lífið Óskarsverðlaunahafi óléttur í annað sinn Lífið Miðaldra kveikjur: Hlutir sem benda til þess að þú sért miðaldra Lífið Birta Líf og Gunnar eiga von á dóttur Lífið „Undrabarn“ keppir á undanþágu og tekur pabba í kennslustund Lífið Lét sauma bangsa úr fötum látins sonar síns Lífið Er alltaf hrædd Lífið Sjóðheitar og einhleypar inn í haustið Lífið „Hugleikið hver fær að stunda kynlíf og hver ekki“ Tónlist Frestar tónleikaferðalagi vegna andláts Payne Lífið Fleiri fréttir Miðaldra kveikjur: Hlutir sem benda til þess að þú sért miðaldra Óskarsverðlaunahafi óléttur í annað sinn Einhleypan: Vandræðalegt þegar þeir eru giftir eða í sambandi Bein útsending: Bingó Blökastsins Birta Líf og Gunnar eiga von á dóttur Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Sjá meira