Viðtökurnar framar vonum

"Viðtökurnar hafa farið fram úr okkar björtustu vonum. Það er mikið að gera og viðskiptavinir eru ánægðir með það vöruúrval sem er í boði. Það koma stöðugt inn nýjar vörur og því alltaf eitthvað nýtt að sjá fyrir þá sem ferðast mikið," segir Ásta Dís Óladóttir, framkvæmdastjóri Fríhafnarinnar. Hún segir viðskiptavini á aldrinum tólf til níutíu ára.

Verslunin er sú eina sinnar tegundar á Norðurlöndunum en sams konar verslanir eru reknar í tveimur flugstöðvum í Bandaríkjunum,; JFK og Miami International. Þá er ein í Terminal 5 á Heathrow og ein á Schiphol-flugvelli. "Ísland varð fyrir valinu vegna þess að stjórnendur fyrirtækisins í Bandaríkjunum hafa trú á Fríhöfninni á Íslandi og voru ánægðir með þá stefnu sem forsvarsmenn Fríhafnarinnar hafa markað sér. Þá kaupa Íslendingar mikið af Victoria? Secret vörum erlendis og var ákveðið að flytja hluta af þeirri verslun inn í landið. Það tók langan tíma að koma þessu í gegn en við urðum fyrst á Norðurlöndunum."

Ásta Dís segir stóran hluta af þeim vörum sem fást í Fríhöfninni á Keflavíkurflugvelli ekki fást í verslunum Victoria?s Secret í Bandaríkjunum eða Bretlandi. "Þetta eru sérstakar vörur, hannaðar fyrir verslanir á flugvöllum, eða Travel retail, eins og það heitir á ensku. Töskurnar, veskin og mikið af þeim fylgihlutum sem við bjóðum upp á eru hvergi fáanlegir annars staðar. Það er það sem gerir það skemmtilegt, öðruvísi og áhugavert að koma í verslunina í Fríhöfninni.

Fylgihlutirnir í versluninni eru sem fyrr segir töskur og veski en sömuleiðis seðlaveski, iPad-töskur, tölvutöskur, ýmsar snyrtitöskur og fleira. "Nýir fylgihlutir koma inn á tveggja mánaða fresti og í byrjun næsta mánaðar er von á jólalínunni þar sem gyllti liturinn verður ráðandi," upplýsir Ásta Dís. Hún segir snyrtitöskurnar hafa verið sérstaklega vinsælar en þær koma í öllum stærðum og gerðum; Allt frá litlum blýanta-snyrtibuddum upp í stór snyrtibox með alls kyns mynstri. "Hinar klassísku Victoria?s Secret rendur og hlébarðamynstur eru vinsælust en söluhæstar eru þrjár snyrtibuddur saman í setti." Vegabréfa- og iPhone-hulstrin eru einnig vinsæl en nýjasta hulstrið er úr leðri. Þá hafa seðlaveskin, stór og smá, gert lukku en þau eru gerð úr kálfskinni og er munstrið sérhannað fyrir Victoria?s Secret.

Í hverjum mánuði koma inn nýjungar í ilm- og litalínurnar en í versluninni er mikið úrval af ilmvötum, sturtusápum, kremum og svokölluðu Body Mist, sem flestir þekkja, ásamt talsverðu úrvali af förðunarvörum. Victoria?s Secret Fantasies Body-línuna (áður Secret Garden) þekkja flestar íslenskar konur en nýlega var farið að framleiða Eau De Toilette í Fantasy-línunni og er það eina línan með Eau De Toilette. Þrjú ný ilmvötn eru væntanleg í þessari línu.

Ásta Dís segir konur á öllum aldri geta fundið Victoria?s Secret-ilm sem hentar enda úrvalið breitt. "Söluhæsta ilmvatnið er Bombshell og er það eitt af aðalsmerkjum fyrirtækisins. Victoria?s Secret Dream Angels Heavenly er söluhæsti ilmurinn í Bandaríkunum.

"Við erum með ferskan ilm, ilm með ávaxtalykt, blómalykt, kryddaðan ilm og margt fleira. Allar ilmtegundirnar eru í Eau De Parfume og fæst krem og Body Mist með sömu lykt."