Stella fór á kostum í sigri á Noregi

Íslenska kvennalandsliðið í handknattleik vann nauman sigur, 23-22, á B-liði Noregs í vináttulandsleikí Osló í dag. Ísland leiddi í hálfleik, 14-10.

Stella Sigurðardóttir fór hamförum í leiknum og skoraði ellefu mörk. Karen Knútsdóttir kom næst með þrjú mörk en þær Rut Jónsdóttir og Anna Úrsula Guðmundsdóttir skoruðu tvö.

Guðný Jenný Ásmundsdóttir átti fínan leik í markinu og varði sautján skot.

Liðin spila aftur á morgun en að þvi er fram kemur á heimasíðu HSÍ er þetta B-landslið Noregs sterkt.