Mikið úrval gæðamerkja á góðu verði

Jón hefur starfað hjá Húsasmiðjunni í 36 ár. "Fyrstu árin starfaði ég sem smiður, en Snorri Halldórsson, stofnandi Húsasmiðjunnar, var meistari minn. Síðustu ár hef ég starfað sem vörustjóri."

Eitthvað fyrir alla Úrvalið af borvélum hjá Húsasmiðjunni er mikið og ættu allir að finna eitthvað við sitt hæfi. "Við erum með höggborvélar á verðbilinu 2.795 til 119.995 og rafhlöðuborvélar frá 3.800 til 89.995, allar með tveimur rafhlöðum. Almennt má segja að því dýrari sem vélin er, þeim mun betri sé hún. Iðnaðarmanni er mikilvægt að hafa góða vél, sem hann getur treyst, hentuga fyrir verkefnið hverju sinni."

Húsasmiðjan hefur undanfarin 22 ár selt Hitachi-rafmagnsverkfæri frá Japan, sem notið hafa mikilla vinsælda meðal iðnaðarmanna. "Fyrir nokkrum árum hófum við sölu á verkfærum frá Worx. Sá framleiðandi framleiddi í fjölda ára vörur fyrir mörg þekktustu merkin áður en hann ákvað að kom með verkfæri undir eigin nafni. Worx-verkfærin hafa fengið góðar viðtökur og líklega er fjölnotavélin frá Worx ein sú mest selda sinnar gerðar hér á landi undanfarin 2-3 ár."

Nýlega var úrvalið í DeWALT-vélum aukið og verða þær sýnilegri á næstunni í verslunum Húsasmiðjunnar um allt land.

"Fyrir heimilin bjóðum við tæki frá Black & Decker sem eru vel þekkt enda mörg heimili sem luma á eldgömlum Black & Deckervélum sem enn eru í notkun. Jafnframt bjóðum við gott úrval véla frá Power Plus, mjög ódýrar vélar fyrir heimili, okkar lægsta lága verð."

Sölumenn Húsasmiðjunnar hafa flestir mikla starfsreynslu og bjóða upp á ráðgjöf og hjálp við að velja réttu borvélina. "Þarftu iðnaðarvél eða vandaða heimilisvél, með eða án höggs, vél sem þú notar mikið eða lítið? Á að bora í stein, málm, tré, gifs eða nota aðallega sem skrúfvél? Starfsmenn hjálpa viðskiptavinum við að finna réttu vélina eftir þörfum hvers og eins. Húsasmiðjan rekur sitt eigið verkstæði í Skútuvogi 12. Þar eru jafnframt flestir varahlutir til á lager. Allar vélarnar okkar eru með þriggja ára ábyrgð."

Algengustu höggborvélar fyrir heimilin eru 500-600 watta snúru vélar; því fleiri sem wöttin eru, þeim mun aflmeiri er vélin. "Iðnaðarmenn nota höggborvélar SDS-Plus, með loftknúnum slögum, sem eru mun hraðvirkari en venjulegar höggvélar. Undanfarin ár hefur það aukist að steypt hús séu einangruð að utan sem þýðir að veggur að innan er mun harðari en í húsum sem einangruð eru að innan, fyrir slíka veggi mæli ég með SDS-Plus-vélum, ég tala nú ekki um ef bora á mörg göt, munurinn er gríðarlegur. Sumar SDS-Plus vélarnar eru með stillingu fyrir meitlun, en fyrir stærri brot þá erum við með bor- og brotvélar fyrir SDS og Max, bora og meitla."

"Við erum með gott úrval af rafhlöðuborvélum, þó einna mest frá Hitachi enda er reynslan af þeim góð og eftirspurn mikil. Stærðirnar eru til dæmis 10,8 volt , 14,4 volt og 18 volt. Svo bjóðum við upp á 18-36 volta SDS-borvélar. Iðnaðarmenn taka helst 18 volta vélar, en ein sú vinsælasta undanfarin ár er Hitachi DS10DFL 10,8 volta öflug en létt vél á frábæru verði, upplýsir Jón Örn.

Nýlega kynnti Húsasmiðjan nýja kynslóð af rafhlöðuvélum frá Hitachi með 4,0Ah rafhlöðu, en áður voru þær mest 3,0Ah. Viðtökur iðnaðarmanna við þeim hafa verið mjög góðar. "Vélarnar eru með led-ljósi og búnaði sem sýnir hversu mikil hleðsla er eftir á rafhlöðunni. Nýju vélarnar eru öflugri en þær eldri og hægt að vinna lengur án þess að hlaða. Þess má geta að Hitachi býður líka allar rafhlöðuvélar án rafhlöðu og hleðslutækis. Tilvalið fyrir þá sem eiga borvél fyrir en langar til dæmis í stingsög sem notar sömu rafhlöður."

Í dag eru flestar rafhlöðuborvélar með Lithium-ion rafhlöðum sem eru mun endingarbetri en þær gömlu og ekki með neitt minni. Ódýrari rafhlöðuborvélar eru flestar með Ni-Cd rafhlöðum, sem þýðir að ávallt skal tæma og fullhlaða rafhlöðuna, annars myndast svokallað "minni" í henni. Það myndast smátt og smátt og hver hleðsla fer að duga skemur. Eins er hleðslutími á slíkum vélum lengri, oft 3-5 tímar en aðeins 40-60 mínútur í dýrari vélum.

Hægt er að sérpanta vörur sem ekki eru til hjá Húsasmiðjunni og tekur það allt að þrjár vikur. "Þó úrvalið sé mikið þá er ómögulegt að vera með allar gerðir frá okkar framleiðendum. Eins er úrval mismikið á milli verslana, enda misstórar, en minni verslanir til dæmis á landsbyggðinni geta alltaf sérpantað frá stærri verslunum með skömmum afhendingartíma."

"Við erum með tilboð á einhverjum vélum í nánast hverjum mánuði og meðlimir í Kjaraklúbbnum okkar fá 5% aflslátt af öllum vélum fyrir utan vörur merktar "lægsta lága verðið". Einnig erum við með Fagmannaklúbb sem við sendum reglulega tilboð á ýmsum vörum."