Hugleiðslunám- skeið um helgina 8. nóvember 2012 11:58 Martin hefur haldið hugleiðslunámskeið um allan heim. Sri Chinmoy-stofnunin á Íslandi stendur fyrir hugleiðslunámskeiðum um helgina undir leiðsögn grafíska hönnuðarins Martin Leitner frá Austurríki. Námskeiðin, sem verða haldin í Sri Chimnoy-miðstöðinni að Skúlagötu 30, þriðju hæð, eru ókeypis og öllum opin. Martin hefur ferðast víða og reynir yfirleitt að bjóða upp á hugleiðslunámskeið á hverjum stað, en Sri Chinmoy-miðstöðin er starfandi í yfir sjötíu löndum víðs vegar um heim. "Ég fékk sjálfur áhuga á hugleiðslu við sextán ára aldur og fór að lesa mér til um hana, en fann svo kennarann minn, Sri Chinmoy, og hef stundað hugleiðslu daglega í ein tíu ár. Hjá mér snýst þetta um frelsi. Að geta stjórnað hugsunum mínum og tilfinningum í stað þess að vera stjórnað af þeim. Þannig upplifi ég mig ekki sem fórnarlamb reiði eða annarra neikvæðra tilfinninga og hef öðlast ró." Sri Chinmoy-miðstöðin var stofnuð á Íslandi árið 1974 en hún byggir á hugmyndafræði Indverjans Sri Chinmoy. Hann var gífurlega afkastamikill á sviði tónlistar, ljóðagerðar, myndlistar, bókmennta og íþrótta. Má til dæmis nefna að Sri Chinmoy-maraþonliðið, sem stofnað var 1977, er það stærsta í heiminum og heldur stofnunin yfir 500 íþróttaviðburði á hverju ári um allan heim. Framlag hans til allra þessara greina vakti víða mikla eftirtekt en hann sagði hugann aðeins setja manninum takmörk og með löngum hugleiðslustundum náði hann ótrúlegum árangri. Árið 1964 flutti hann til New York í þeim tilgangi að deila sínum innri auð með einlægum leitendum á Vesturlöndum. Sri Chinmoy var sömuleiðis mikill friðarsinni. Hann vann fyrir Sameinuðu þjóðirnar og stofnaði Friðarhlaupið árið 1987 og hafa Íslendingar tekið þátt frá upphafi. Í byrjun tóku fimmtíu þjóðir þátt en í dag eru þær 140. Martin hefur hlaupið friðarhlaup um Evrópu og segir þá upplifun óviðjafnanlega. "Þar sameinast ólíkir einstaklingar frá ýmsum þjóðum í að ná settu marki. Þeir hlaupa á milli landa og komast um leið að því að þótt fólk virðist ólíkt í fyrstu eigum við svo ótalmargt sameiginlegt. Ef fleiri gerðu sér grein fyrir því væri auðveldara að lifa í sátt og samlyndi." Hugleiðslunámskeiðin nú um helgina eru fyrir alla þá sem vilja öðlast innri frið og samhljóm. "Það geta allir hugleitt. Það þarf bara að læra tæknina og á námskeiðinu förum við yfir helstu atriði. Það er til mikils að vinna því sá sem hugleiðir lærir að þekkja sjálfan sig og njóta lífsins til fulls. Námskeiðin verða bæði haldin á laugardag og sunnudag og standa frá 13-18. Mikilvægt er að mæta á bæði til að fá sem mest út úr þeim "Pásur verða teknar inni á milli og boðið upp á hressingar. Síðan verður boðið upp á styttri framhaldsnámskeið fyrir þá sem vilja gera þetta að venju," segir Martin. Nánari upplýsingar og skráningarform er að finna á www.hugleidsla.org en áhugasömum er sömuleiðis bent á www.srichinmoy.org og www.worldharmonyrun.org. Eins er hægt að hafa samband í síma 551-8080 og 899-1604. Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Temu kaupin getu hæglega orðið að fíkn Neytendur Telja minni líkur á samdrætti í ferðaþjónustu með aukinni kortaveltu Viðskipti innlent „Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur Verðstríð að hefjast á matvörumarkaði Neytendur Susan Wojcicki er látin Viðskipti erlent Fleiri fréttir Sprenging í sölu á sérsmíðuðum saunaklefum Nútímaleg nálgun í netöryggi Íslensk framleiðsla og traust lausn fyrir byggingarmarkaðinn Með hollustu að leiðarljósi 17 manns látist í slysum sem rekja má til svefns eða þreytu Umferðarofsi stofnar vegfarendum í hættu Greiðsluáskorun Níu holu golfvöllur á gamalli landnámsjörð Ný og nútímaleg sveit í borg Engin málamiðlun þegar kemur að krafti Polestar 4 Hliðarbil ökutækja frá hjólreiðafólki 1.5 metrar 18 holu vatna- og skógavöllur með töfrandi fjallasýn Einn glæsilegasti golfvöllur landsins í Kiðjabergi Stærsti Hiab krani í heimi á sumarsýningu Veltis Áhersla á öryggi viðskiptavina Sjá meira
Sri Chinmoy-stofnunin á Íslandi stendur fyrir hugleiðslunámskeiðum um helgina undir leiðsögn grafíska hönnuðarins Martin Leitner frá Austurríki. Námskeiðin, sem verða haldin í Sri Chimnoy-miðstöðinni að Skúlagötu 30, þriðju hæð, eru ókeypis og öllum opin. Martin hefur ferðast víða og reynir yfirleitt að bjóða upp á hugleiðslunámskeið á hverjum stað, en Sri Chinmoy-miðstöðin er starfandi í yfir sjötíu löndum víðs vegar um heim. "Ég fékk sjálfur áhuga á hugleiðslu við sextán ára aldur og fór að lesa mér til um hana, en fann svo kennarann minn, Sri Chinmoy, og hef stundað hugleiðslu daglega í ein tíu ár. Hjá mér snýst þetta um frelsi. Að geta stjórnað hugsunum mínum og tilfinningum í stað þess að vera stjórnað af þeim. Þannig upplifi ég mig ekki sem fórnarlamb reiði eða annarra neikvæðra tilfinninga og hef öðlast ró." Sri Chinmoy-miðstöðin var stofnuð á Íslandi árið 1974 en hún byggir á hugmyndafræði Indverjans Sri Chinmoy. Hann var gífurlega afkastamikill á sviði tónlistar, ljóðagerðar, myndlistar, bókmennta og íþrótta. Má til dæmis nefna að Sri Chinmoy-maraþonliðið, sem stofnað var 1977, er það stærsta í heiminum og heldur stofnunin yfir 500 íþróttaviðburði á hverju ári um allan heim. Framlag hans til allra þessara greina vakti víða mikla eftirtekt en hann sagði hugann aðeins setja manninum takmörk og með löngum hugleiðslustundum náði hann ótrúlegum árangri. Árið 1964 flutti hann til New York í þeim tilgangi að deila sínum innri auð með einlægum leitendum á Vesturlöndum. Sri Chinmoy var sömuleiðis mikill friðarsinni. Hann vann fyrir Sameinuðu þjóðirnar og stofnaði Friðarhlaupið árið 1987 og hafa Íslendingar tekið þátt frá upphafi. Í byrjun tóku fimmtíu þjóðir þátt en í dag eru þær 140. Martin hefur hlaupið friðarhlaup um Evrópu og segir þá upplifun óviðjafnanlega. "Þar sameinast ólíkir einstaklingar frá ýmsum þjóðum í að ná settu marki. Þeir hlaupa á milli landa og komast um leið að því að þótt fólk virðist ólíkt í fyrstu eigum við svo ótalmargt sameiginlegt. Ef fleiri gerðu sér grein fyrir því væri auðveldara að lifa í sátt og samlyndi." Hugleiðslunámskeiðin nú um helgina eru fyrir alla þá sem vilja öðlast innri frið og samhljóm. "Það geta allir hugleitt. Það þarf bara að læra tæknina og á námskeiðinu förum við yfir helstu atriði. Það er til mikils að vinna því sá sem hugleiðir lærir að þekkja sjálfan sig og njóta lífsins til fulls. Námskeiðin verða bæði haldin á laugardag og sunnudag og standa frá 13-18. Mikilvægt er að mæta á bæði til að fá sem mest út úr þeim "Pásur verða teknar inni á milli og boðið upp á hressingar. Síðan verður boðið upp á styttri framhaldsnámskeið fyrir þá sem vilja gera þetta að venju," segir Martin. Nánari upplýsingar og skráningarform er að finna á www.hugleidsla.org en áhugasömum er sömuleiðis bent á www.srichinmoy.org og www.worldharmonyrun.org. Eins er hægt að hafa samband í síma 551-8080 og 899-1604.
Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Seðlabankinn hafi ekki önnur úrræði en að lækka vexti Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Tónleikastöðum fækkar: „Þetta er bara sorgleg þróun“ Viðskipti innlent Temu kaupin getu hæglega orðið að fíkn Neytendur Telja minni líkur á samdrætti í ferðaþjónustu með aukinni kortaveltu Viðskipti innlent „Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur Verðstríð að hefjast á matvörumarkaði Neytendur Susan Wojcicki er látin Viðskipti erlent Fleiri fréttir Sprenging í sölu á sérsmíðuðum saunaklefum Nútímaleg nálgun í netöryggi Íslensk framleiðsla og traust lausn fyrir byggingarmarkaðinn Með hollustu að leiðarljósi 17 manns látist í slysum sem rekja má til svefns eða þreytu Umferðarofsi stofnar vegfarendum í hættu Greiðsluáskorun Níu holu golfvöllur á gamalli landnámsjörð Ný og nútímaleg sveit í borg Engin málamiðlun þegar kemur að krafti Polestar 4 Hliðarbil ökutækja frá hjólreiðafólki 1.5 metrar 18 holu vatna- og skógavöllur með töfrandi fjallasýn Einn glæsilegasti golfvöllur landsins í Kiðjabergi Stærsti Hiab krani í heimi á sumarsýningu Veltis Áhersla á öryggi viðskiptavina Sjá meira
„Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur
„Svartir sauðir“: Neytendasamtökin vara fólk við því að versla við sjö nafngreind fyrirtæki Neytendur