Sport Elítan: Vertu sterk/ur og æfðu létt!

Sport Elítan er hópur rúmlega 20 einstaklinga sem að hefur það að markmiði að bæta heilsu Íslendinga og hjálpa íþróttamönnum að ná lengra með því að bjóða uppá fjarþjálfun fyrir einstaklinga. Allir pistlar og hugleiðingar hópsins birtast á Vísi og í dag gefur Stefán Sölvi Pétursson góð ráð sem snúa að lyftingaæfingum.

Ég tek oft eftir því í æfingasalnum að fólk er að rembast með þyngdir sem það ræður ekki við viku eftir viku. Ég lærði það fljótt að til þess að verða sterkur þarf maður að þora að æfa létt. Já, þú last rétt. Þetta reynist mörgum (sérstaklega ungum strákum) erfiður biti að kyngja.

Það er afar sjaldgæft að ég fari í topp þyngdir á æfingum. Æfing er jú, æfing. Ég las það ungur þegar ég byrjaði að æfa að maður ætti að ganga út úr æfingasalnum vitandi að maður gæti örlítið meira. Þetta meira er eitthvað sem maður kreistir svo úr sér á mótsdegi.

En ég geri mér grein fyrir því að það eru ekki allir sem hafa áhuga á að keppa og vilja bara sjá hvað þeir/þær geta í æfingasalnum. Það er í góðu lagi einstaka sinnum en ekki viku eftir viku.

Ég myndi frekar mæla með að toppa eins og það er kallað á 6-8 vikna fresti og hafa gott æfingaprógramm til að fara eftir sem leiðir þig upp að þessari æfingu eða æfingum. Að rembast út í rauðan dauðann æfingu eftir æfingu, viku eftir viku kemur þér bara í niðurbrot og meiðslahættu.

Nú klóra sér eflaust einhverjir í hausnum og spyrja sig hvernig verður maður sterkur ef maður æfir bara létt. En þú þarft að skilja að þó ég segi létt þá meina ég ekki að þú eigir ekki að taka á öllu sem þú eigir. Því þótt þú sért ekki með 100% þyngd á stönginni þá áttu að æfa með 100% afli á stöngina.

Tökum dæmi um að þú eigir 100 kg. í hnébeygju. Þá er gott fyrir þig að æfa með t.d. 80% þyngd eða 80 kg. ákveðin fjölda endurtekninga og setta (fer eftir æfingaprógrammi) með öllu þessu 100 kg. afli.

Svo er hægt að auka æfinga álagið hægt og rólega með hverri viku sem aftur fer eftir æfingaprógrammi, með því að breyta vinnuþyngdar prósentu, endurtekningum, fjölda æfinga setta og hvíldartíma á milli þeirra. Þetta mun með tímanum gera þig sterkari.

Ég hvet alla sem vilja styrkjast að æfa skynsamlega og markvisst að sínum markmiðum. Besta leiðin er að fara eftir leiðsögn þjálfara og einbeita sér að fullum krafti á æfingu að ákveðnu markmiði.

Svo áður en þú veist af verður þú farinn að æfa létt, með hrikalegar þyngdir.

Sport Elítan Fjarþjálfun : Heimasíða

Sport Elítan Fjarþjálfun : Facebook síða

Eftirtaldir skipa hópinn sem stendur á bak við Sport Elítuna:



AlexanderPetersson(handknattleiksmaður)

ArnarGrant(einkaþjálfari)

AronEinarGunnarsson(knattspyrnumaður)

Björgvin Páll Gústavsson(handknattleiksmaður)

Edda Garðarsdóttir(knattspyrnukona)

EinarHólmgeirsson(handknattleiksmaður)

EinarIngiKristjánsson(einkaþjálfari)

GeirGunnarMarkússon(næringarfræðingur)

HelenaSverrisdóttir(körfuknattleikskona)

HelgaMargrètÞorsteinsdóttir(frjálsíþróttakona)

HelgiJónasGuðfinnsson(körfuknattleiksþjálfari)

HermannHreiðarsson(knattspyrnumaður)

HlynurBæringssson(körfuknattleiksmaður)

IngimundurIngimundarson(handknattleiksmaður)

JónArnórStefánsson(körfuknattleiksmaður)

RagnhildurÞórðardóttir(einkaþjálfari)

RúrikGíslason(knattspyrnumaður)

SiljaÚlfarsdóttir(einkaþjálfari)

StefánSölviPétursson(kraftlyftingarmaður)

VilhjálmurSteinarsson(einkaþjálfari)

YesmineOlsson(einkaþjálfari).