Ingibergur Árnason er eigandi IB heildverslunar / Auglýsingavara.mynd/hag
Við bjóðum upp á allar auglýsingavörur; allt frá tannþræði upp í golfsett,“ segir Ingibergur Árnason, sem stofnaði IB heildverslun / Auglýsingavörur árið 2003. Fyrirtækið er aðili að PSI, sem eru stærstu samtök auglýsingavöruframleiðenda í Evrópu. „Við erum einnig með úrvals birgja í Asíu sem sérframleiða vörur eftir óskum hvers og eins, og tökum við ýmsum vörum beint frá verksmiðjum,“ útskýrir Ingibergur. En hvaða auglýsingavörur njóta nú mestra vinsælda hjá íslenskum fyrirtækjum? „Á síðasta ári voru USB-minnislyklar langvinsælastir. Við bjóðum upp á mjög vandaða lykla á frábæru verði og í verðinu er innifalið að setja inn vörulista, myndir eða myndbönd sem fyrirtæki vilja koma á framfæri. Þá eru micro-fiber gleraugnaklútar alltaf sígildir og hægt að prenta á þá ljósmyndir og texta, sem er skemmtileg gjöf sem nýtist vel,“ upplýsir Ingibergur og minnist á gamalkunnari hluti sem alltaf njóta vinsælda. „Merktir pennar eru dæmi um vöru sem orðin er fastur hluti af rekstri fyrirtækja, og nú þegar golfvertíðin nálgast er mikið að gera í merktum golfkúlum og golfgjöfum,“ segir Ingibergur. Á www.ibheildverslun.is er aðgangur að mörgum vörulistum sem hjálpa fyrirtækjum að fá skemmtilegar hugmyndir.
