Ókláruð staka til forsetans Jón Sigurður Eyjólfssoon skrifar 2. júlí 2012 10:15 Það er engu líkara en vitund mín skipti um forrit þegar ég legg land undir fót. Það verður til dæmis á mér mikil umbreyting þegar ég kem heim til Íslands frá Spáni. Um leið og ég labba inn í Leifsstöð falla stökurnar af munni mér og það verður engu líkara en ég finni fyrir Agli Skallagrímssyni berjast um í brjósti mér. Ég einhendi mér svo í hundrað hluti sem ég klára svo aldrei. Aðsama skapi kemur allt spænskt mér spánskt fyrir sjónir eftir þessi umskipti. Svo opnast spænski heimurinn fyrir mér aftur um leið og ég er lentur í Alicante. En þá á Íslendingurinn allt í einu undir högg að sækja. Ég hætti til dæmis að drekka kaffi og á erfitt með að yrkja stökur en gríp fram í fyrir hverjum manni að spænskum sið. Það versta er að ég hafði ekkert spáð í þessum umskiptum þar til ég fékk, nú fyrir helgi, neyðarkall frá Spáni hingað til Íslands. Þá fékk ég þau válegu tíðindi á vefpósti mínum að ég væri fallinn í einu námskeiði í háskólanum í Kordova nema ef ég skilaði verkefni í hvelli sem ég og ætlaði að gera. En þá kom babb í bátinn. Þetta spænska skólaþrugl var ekkert í íslenska forritinu mínu. Heilinn neitaði að skanna spænskar rafskruddur, nafnið á námskeiðinu fannst ekki í minninu og búið var að díkóda kennarann svo mér fannst hann varla geta verið til í alvörunni. Ég gæti best trúað að flestir evrópskir ráðamenn glími við svipað vandamál. Þeir hafa nú setið ófáa fundi saman og fundið lausn vandans á hverjum fundi. En svo fara þeir til síns heimalands þar sem vitundin virkar eftir öðru forriti sem díkódar niðurstöður fundanna og þjappar Merkel og Barosso niður í nokkur kílóbæti. En hvernig er með okkar leiðtoga? Virka þeir eftir einu forriti þegar þeir leika fulltrúa okkar á erlendri grund og svo öðru þegar þeir tala við okkur? Hvað um forsetann til dæmis? Mér finnst að það ætti að gera þá kröfu um að hann virki alltaf eftir sama forritinu. Eða eins og ég segi: Forseti Íslands aldrei skal í útlöndum skipta um forrit og aldrei hirða um útlensku hjal en hlusta þó stundum á ? sjúddirallirei, sjúdirallila. Eins og ég segi, ég á stundum svolítið erfitt með að klára það sem ég byrja á. Viltu birta grein á Vísi? Sendu okkur póst. Senda grein Jón Sigurður Eyjólfsson Mest lesið Vindmyllufyrirtæki í áskrift hjá íslenskum almenningi Linda Jónsdóttir Skoðun Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun Hvers virði er vara ef hún er ekki seld? Jón Jósafat Björnsson Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson Skoðun Metnaðarfull markmið og stórir sigrar Halla Helgadóttir Skoðun Aulatal um að Evrópa sé veik og getulaus Ole Anton Bieltvedt Skoðun Ár vondra vinnubragða í Stúdentaráði HÍ Katla Ólafsdóttir,Mathias Bragi Ölvisson Skoðun „Evrópa er í hnignun“ – Er það samt? Lítum aðeins á söguna Guðni Freyr Öfjörð Skoðun Vilja Ísland í sambandsríki Hjörtur J. Guðmundsson Skoðun
Það er engu líkara en vitund mín skipti um forrit þegar ég legg land undir fót. Það verður til dæmis á mér mikil umbreyting þegar ég kem heim til Íslands frá Spáni. Um leið og ég labba inn í Leifsstöð falla stökurnar af munni mér og það verður engu líkara en ég finni fyrir Agli Skallagrímssyni berjast um í brjósti mér. Ég einhendi mér svo í hundrað hluti sem ég klára svo aldrei. Aðsama skapi kemur allt spænskt mér spánskt fyrir sjónir eftir þessi umskipti. Svo opnast spænski heimurinn fyrir mér aftur um leið og ég er lentur í Alicante. En þá á Íslendingurinn allt í einu undir högg að sækja. Ég hætti til dæmis að drekka kaffi og á erfitt með að yrkja stökur en gríp fram í fyrir hverjum manni að spænskum sið. Það versta er að ég hafði ekkert spáð í þessum umskiptum þar til ég fékk, nú fyrir helgi, neyðarkall frá Spáni hingað til Íslands. Þá fékk ég þau válegu tíðindi á vefpósti mínum að ég væri fallinn í einu námskeiði í háskólanum í Kordova nema ef ég skilaði verkefni í hvelli sem ég og ætlaði að gera. En þá kom babb í bátinn. Þetta spænska skólaþrugl var ekkert í íslenska forritinu mínu. Heilinn neitaði að skanna spænskar rafskruddur, nafnið á námskeiðinu fannst ekki í minninu og búið var að díkóda kennarann svo mér fannst hann varla geta verið til í alvörunni. Ég gæti best trúað að flestir evrópskir ráðamenn glími við svipað vandamál. Þeir hafa nú setið ófáa fundi saman og fundið lausn vandans á hverjum fundi. En svo fara þeir til síns heimalands þar sem vitundin virkar eftir öðru forriti sem díkódar niðurstöður fundanna og þjappar Merkel og Barosso niður í nokkur kílóbæti. En hvernig er með okkar leiðtoga? Virka þeir eftir einu forriti þegar þeir leika fulltrúa okkar á erlendri grund og svo öðru þegar þeir tala við okkur? Hvað um forsetann til dæmis? Mér finnst að það ætti að gera þá kröfu um að hann virki alltaf eftir sama forritinu. Eða eins og ég segi: Forseti Íslands aldrei skal í útlöndum skipta um forrit og aldrei hirða um útlensku hjal en hlusta þó stundum á ? sjúddirallirei, sjúdirallila. Eins og ég segi, ég á stundum svolítið erfitt með að klára það sem ég byrja á.
Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson Skoðun
Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson Skoðun