Svo var barinn opnaður Sif Sigmarsdóttir skrifar 5. júlí 2012 06:00 Hvenær ætlið þið að borga?" hrópaði róninn sem ég spjallaði við fyrir utan ráðstefnuhúsið í Cannes þegar ég sagðist koma frá Íslandi. Ég mældi göturnar meðan eiginmaðurinn sótti þar auglýsingaráðstefnuna Cannes Lion. Það kom á mig fát. Ég hafði staðið í þeirri trú að í augum alþjóðasamfélagsins værum við Íslendingar krúttlega smáþjóðin sem þekkt er fyrir fagra náttúru, glæsilegar konur og Björk. Ég hélt að allir væru löngu búnir að gleyma Icesave. Inni í ráðstefnuhúsinu kvað við kurteisari tón. „Aha, þú kemur frá Íslandi: fegurð, náttúra, Björk…" Eiginmaðurinn kinkaði kolli, upp með sér yfir að vera frá þessu virta landi. En svo var barinn opnaður. Það tók ekki marga drykki fyrir hið raunverulega álit auglýsingabransans að fljóta upp á yfirborðið: „Hvenær ætlið þið svo að borga?" Margir virðast standa í þeirri trú að nýendurkjörinn forseti Íslands hafi bjargað okkur Íslendingum frá skuldabagga sem kenndur er við Icesave. Það gleymist hins vegar oft að málinu er hvergi nærri lokið. Svo kann að fara að ákvörðun Ólafs Ragnars Grímssonar um að synja lögum um Icesave staðfestingar leiði af sér meiri kostnað en samningaleiðin hefði haft í för með sér. Eina afleiðingu ákvörðunar forsetans er auk þess erfitt að meta til fjár: Orðstír Íslands á alþjóðavettvangi er laskaður. Við erum álitin ein af óreiðuþjóðum Evrópu. Þjóðin sem neitar að borga. Á Cannes Lion auglýsingaráðstefnunni voru til umfjöllunar þó nokkur markaðsátök landa sem þurfa andlitslyftingar við þegar kemur að ímyndinni. Í kjölfar jarðskjálftans í Japan árið 2011 varð veraldarvefurinn skyndilega krökkur af ljósmyndum af afleiðingum náttúruhamfaranna. Til að bregðast við þessu íhuga Japanir að bjóða túristum sem heimsækja landið nokkurra mínútna ókeypis internetaðgang fyrir hverja mynd sem þeir deila á vefnum í fríinu. Vonin er sú að ljósmyndir af brosmildum ferðalöngum í fallegu umhverfi með sushi í annarri hendi og hrísgrjónavín í hinni flæði yfir netið og skoli burt eyðileggingunni. Andlitslyfting okkar Íslendinga var einnig verðlaunuð á ráðstefnunni. Markaðsátakið Inspired by Iceland hlaut gull fyrir herferð sem gekk út á að fá Íslendinga til að bjóða útlendingum heim til sín. Inspired by Iceland er frábært framtak. Eina leiðin til að endurheimta orðstírinn er hins vegar að ljúka Icesave með reisn. Sjálfum finnst okkur við rosa krúttleg þar sem við – litla, flippaða smáþjóðin – rífum kjaft og gefum Evrópu fingurinn; Davíð gegn Golíat; Ólafur Ragnar gegn bolabítum heimspressunnar. Það finnst hins vegar engum öðrum. Viltu birta grein á Vísi? Sendu okkur póst. Senda grein Sif Sigmarsdóttir Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun 10 staðreyndir um verðbólgu og ríkisfjármál Konráð S. Guðjónsson Skoðun Þjóðarmorð með vestrænum vopnum Ingólfur Steinsson Skoðun Viltu vinna of mikið í ár og ennþá meira á næsta ári? Steinunn Þórðardóttir Skoðun Er eitt næturgaman þess virði? Reynir Böðvarsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Er allt í góðu? Reynir Böðvarsson Skoðun
Hvenær ætlið þið að borga?" hrópaði róninn sem ég spjallaði við fyrir utan ráðstefnuhúsið í Cannes þegar ég sagðist koma frá Íslandi. Ég mældi göturnar meðan eiginmaðurinn sótti þar auglýsingaráðstefnuna Cannes Lion. Það kom á mig fát. Ég hafði staðið í þeirri trú að í augum alþjóðasamfélagsins værum við Íslendingar krúttlega smáþjóðin sem þekkt er fyrir fagra náttúru, glæsilegar konur og Björk. Ég hélt að allir væru löngu búnir að gleyma Icesave. Inni í ráðstefnuhúsinu kvað við kurteisari tón. „Aha, þú kemur frá Íslandi: fegurð, náttúra, Björk…" Eiginmaðurinn kinkaði kolli, upp með sér yfir að vera frá þessu virta landi. En svo var barinn opnaður. Það tók ekki marga drykki fyrir hið raunverulega álit auglýsingabransans að fljóta upp á yfirborðið: „Hvenær ætlið þið svo að borga?" Margir virðast standa í þeirri trú að nýendurkjörinn forseti Íslands hafi bjargað okkur Íslendingum frá skuldabagga sem kenndur er við Icesave. Það gleymist hins vegar oft að málinu er hvergi nærri lokið. Svo kann að fara að ákvörðun Ólafs Ragnars Grímssonar um að synja lögum um Icesave staðfestingar leiði af sér meiri kostnað en samningaleiðin hefði haft í för með sér. Eina afleiðingu ákvörðunar forsetans er auk þess erfitt að meta til fjár: Orðstír Íslands á alþjóðavettvangi er laskaður. Við erum álitin ein af óreiðuþjóðum Evrópu. Þjóðin sem neitar að borga. Á Cannes Lion auglýsingaráðstefnunni voru til umfjöllunar þó nokkur markaðsátök landa sem þurfa andlitslyftingar við þegar kemur að ímyndinni. Í kjölfar jarðskjálftans í Japan árið 2011 varð veraldarvefurinn skyndilega krökkur af ljósmyndum af afleiðingum náttúruhamfaranna. Til að bregðast við þessu íhuga Japanir að bjóða túristum sem heimsækja landið nokkurra mínútna ókeypis internetaðgang fyrir hverja mynd sem þeir deila á vefnum í fríinu. Vonin er sú að ljósmyndir af brosmildum ferðalöngum í fallegu umhverfi með sushi í annarri hendi og hrísgrjónavín í hinni flæði yfir netið og skoli burt eyðileggingunni. Andlitslyfting okkar Íslendinga var einnig verðlaunuð á ráðstefnunni. Markaðsátakið Inspired by Iceland hlaut gull fyrir herferð sem gekk út á að fá Íslendinga til að bjóða útlendingum heim til sín. Inspired by Iceland er frábært framtak. Eina leiðin til að endurheimta orðstírinn er hins vegar að ljúka Icesave með reisn. Sjálfum finnst okkur við rosa krúttleg þar sem við – litla, flippaða smáþjóðin – rífum kjaft og gefum Evrópu fingurinn; Davíð gegn Golíat; Ólafur Ragnar gegn bolabítum heimspressunnar. Það finnst hins vegar engum öðrum.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun