Benedikt Guðmundsson, þjálfari nýliða Þórs úr Þorlákshöfn, þurfti að sætta sig við naumt tap í fyrsta leik undanúrslitaeinvígisins á móti hans gömlu félögum í KR. KR vann 82-79 og er komið í 1-0 en það þarf að vinna þrjá leiki til þess að komast í lokaúrslitin.
„Ég er mjög ánægður með leikinn sem slíkan. Við fengum frábært framlag frá mönnum sem stigu upp í meiðslum annarra. Ég hef lítið yfir leiknum að kvarta og var lítið sem við gátum gert í þessu lokaskoti þeirra. Þetta datt ofan í hjá þeim í þetta skiptið og það er gott fyrir þá að eiga svona tromp í leikmannahóp sínum," sagði Benedikt eftir leik.
Benedikt var bjartsýnn á möguleika sinna manna í einvíginu og stefnir hann hátt.
„Við erum með annan kanann á annari löppinni og hinn var í villuvandræðum. Við eigum fullt erindi í þetta. Við erum komnir hingað og stefnum við bara á Íslandsmeistaratitillinn eins og hin liðin í undanúrslitunum," sagði Benedikt Guðmundsson, þjálfari Þórs frá Þorlákshöfn í lok leiks.
Benedikt Guðmundsson: Við stefnum á Íslandsmeistaratitillinn
Stefán Hirst Friðriksson skrifar

Mest lesið




Baðst afsökunar á tæklingunni í Garðabænum
Íslenski boltinn





Liverpool tilkynnir um risasamning við Adidas
Enski boltinn

„Þetta félag mun aldrei deyja“
Enski boltinn