Prometheus með betri þrívídd en Avatar

Benedict Wong, sem leikur Ravel í spennumyndinni Prometheus, er mjög spenntur fyrir útkomunni. „Ef þú varst hrifinn af þrívíddinni í Avatar þá verðurðu enn hrifnari af þrívíddinni í þessari mynd. Hún er í sérflokki," sagði Wong. „Þeir notuðu RED-myndavélar og tæknimennirnir voru mjög spenntir fyrir þeim."

Wong er einnig ánægður með geimskipið sem hann flýgur í Prometheus en myndin var að hluta til tekin upp hér á landi í fyrra. Hún verður frumsýnd í sumar í leikstjórn Ridleys Scott.