Leita að húsi

Svo virðist sem alvara sé að færast í leikinn hjá skötuhjúunum Ryan Reynolds og Blake Lively.

Þrátt fyrir ellefu ára aldursmun er parið ástfangið upp fyrir haus og í leit að sameiginlegu heimili ef marka má orð heimildarmanns. Reynolds hefur varið mestum tíma sínum á heimili Lively eftir að hann setti húsið sitt í Los Angeles á sölu í febrúar, en því húsi deildi hann með fyrrum eiginkonu sinni Scarlett Johansson.

Það virðist því sem að ástin ætli að endast eitthvað lengur hjá parinu fallega sem er nú búið að vera saman í sex mánuði.