Iss piss piss Erla Hlynsdóttir skrifar 31. júlí 2012 06:00 „Væri ég rukkuð fyrir að fara á salernið þá myndi ég glöð pissa á gólfið í staðinn." Þetta eru viðbrögð konu nokkurrar við því að eigandi vegasjoppu íhugar að láta þá sem ekkert versla borga fyrir að nota klósettið. Viðbrögðin má sjá á dv.is, undir frétt þar sem fjallað er um að eigandi Baulu í Borgarnesi sé búinn að fá nóg af „hlandrútum" sem stoppi með tugi farþega sem fari bara á klósettið en kaupi ekkert. Fleiri lesendur dv.is eru ósáttir við eigandann. „Ef hann væri bara með eitt klósett væri þetta ekki vandamál til að byrja með; hann hefði bara ekkert átt að inrétta (sic) 5 klósetbása (sic) á (sic) hvert kyn í litlu sjoppuna sína," segir annar. Ég er nú bara þannig gerð að ég hélt einmitt að salerni á vegasjoppum væru bara fyrir viðskiptavini. Allir sem hafa unnið við að þrífa salerni á mannmörgum stöðum, þar á meðal ég, vita að það kostar að halda úti snyrtilegri klósett-aðstöðu. Eigandinn borgar fyrir hreinsiefni á klósett, gólf, vaska og spegla. Hann borgar fyrir tuskur, salernis-pappír og handsápu. Hann borgar fyrir ljósaperurnar og rafmagnið, og hann borgar fyrir heita vatnið. Síðast en ekki síst borgar hann svo laun þeim sem sér um þrifin. Ef mikil er umferðin þarf sannarlega að þrífa oft á dag. Karlmaður sem skrifar á dv.is er samt vantrúaður. „Ef gjaldtaka verður á klósettin þá endar það með því að allt gras við þjóðvegi landsins verður hlandbrunnið. Af hverju? Svar: Sjoppuliðið ætlar að græða svo svakalega á þessu að það verður ekki stígandi inn á klósettin." Annar maður bendir þá þessum manni á að hafa smá trú á mannkyninu. Þeir sem hafa ferðast um heiminn vita hins vegar að það tíðkast víða einmitt að rukka sérstakt klósettgjald. „Hvað með það? þurfum ekki að apa allt upp eins og er gert í útlöndum! við skulum ekki fara að tala heldur fyrir fleiri útgjöldum!" Nei, suma lesendur dv.is var ekki hægt að sannfæra. „hef alltaf verid svo ánægd med Ísland ad þad er frítt ad míga hvar sem er." (!) Ég hef pissað úti í vindinum. Ég hef pissað við þjóðveginn og fengið strá í rassinn. Ég hef hlaupið frá einum steini til annars, með buxurnar á hælunum, á flótta undan aðvífandi bílaumferð. Fyrir mig er þetta ekki spurning. Ég vil glöð borga fyrir að pissa inni. Viltu birta grein á Vísi? Sendu okkur póst. Senda grein Erla Hlynsdóttir Mest lesið Glútenlaust gull á grillið Anna Gunndís Guðmundsdóttir Skoðun Heilræði fyrir Nýhaldið Sigmundur Davíð Gunnlaugsson Skoðun Evrópa og myrkrið framundan Hilmar Þór Hilmarsson Skoðun Ferðatryggingar og val á kreditkorti Svandís Edda Hólm Jónudóttir Skoðun Lokunaruppboð í Kauphöllinni Baldur Thorlacius Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun Ert þú í góðu netsambandi? Áslaug Arna Sigurbjörnsdóttir Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir Skoðun Stundum hefur Gunnar Smári rétt fyrir sér Magnús Árni Skjöld Magnússon Skoðun
„Væri ég rukkuð fyrir að fara á salernið þá myndi ég glöð pissa á gólfið í staðinn." Þetta eru viðbrögð konu nokkurrar við því að eigandi vegasjoppu íhugar að láta þá sem ekkert versla borga fyrir að nota klósettið. Viðbrögðin má sjá á dv.is, undir frétt þar sem fjallað er um að eigandi Baulu í Borgarnesi sé búinn að fá nóg af „hlandrútum" sem stoppi með tugi farþega sem fari bara á klósettið en kaupi ekkert. Fleiri lesendur dv.is eru ósáttir við eigandann. „Ef hann væri bara með eitt klósett væri þetta ekki vandamál til að byrja með; hann hefði bara ekkert átt að inrétta (sic) 5 klósetbása (sic) á (sic) hvert kyn í litlu sjoppuna sína," segir annar. Ég er nú bara þannig gerð að ég hélt einmitt að salerni á vegasjoppum væru bara fyrir viðskiptavini. Allir sem hafa unnið við að þrífa salerni á mannmörgum stöðum, þar á meðal ég, vita að það kostar að halda úti snyrtilegri klósett-aðstöðu. Eigandinn borgar fyrir hreinsiefni á klósett, gólf, vaska og spegla. Hann borgar fyrir tuskur, salernis-pappír og handsápu. Hann borgar fyrir ljósaperurnar og rafmagnið, og hann borgar fyrir heita vatnið. Síðast en ekki síst borgar hann svo laun þeim sem sér um þrifin. Ef mikil er umferðin þarf sannarlega að þrífa oft á dag. Karlmaður sem skrifar á dv.is er samt vantrúaður. „Ef gjaldtaka verður á klósettin þá endar það með því að allt gras við þjóðvegi landsins verður hlandbrunnið. Af hverju? Svar: Sjoppuliðið ætlar að græða svo svakalega á þessu að það verður ekki stígandi inn á klósettin." Annar maður bendir þá þessum manni á að hafa smá trú á mannkyninu. Þeir sem hafa ferðast um heiminn vita hins vegar að það tíðkast víða einmitt að rukka sérstakt klósettgjald. „Hvað með það? þurfum ekki að apa allt upp eins og er gert í útlöndum! við skulum ekki fara að tala heldur fyrir fleiri útgjöldum!" Nei, suma lesendur dv.is var ekki hægt að sannfæra. „hef alltaf verid svo ánægd med Ísland ad þad er frítt ad míga hvar sem er." (!) Ég hef pissað úti í vindinum. Ég hef pissað við þjóðveginn og fengið strá í rassinn. Ég hef hlaupið frá einum steini til annars, með buxurnar á hælunum, á flótta undan aðvífandi bílaumferð. Fyrir mig er þetta ekki spurning. Ég vil glöð borga fyrir að pissa inni.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun