Renault Clio safnar verðlaunum

Renault Clio hefur verið verðlaunaður af EuroNCAP, hann fékk Gullna stýrið í Þýskalandi og er í úrslitum til Bíls ársins í Evrópu.

Nýr Renault Clio sópar að sér vegtyllum þessa dagana. Hann hefur verið verðlaunaður af EuroNCAP, fékk Gullna stýrið og er í úrslitum til Bíls ársins í Evrópu. Á stuttum tíma hefur Clio því krækt í fleiri verðlaun en heilu bílamerkin ná á einu ári. Renault átti metár í sölu hér heima á síðasta ári og var nýjunda söluhæsta tegundin til einstaklinga á árinu 2012. Nýr Renault Clio er líklegur til að fylgja eftir þessum aukna áhuga á Renault. Clio er fáanlegur með sparneytnum dísil- og bensínvélum auk þess að vera með „Dual Clutch" sjálfskiptingu. Clio er fyrsti bíllinn í Renault línunni sem kynntur er með nýrri nálgun í hönnun sem brátt munu prýða flesta Renault fólksbíla. Þetta nýja og ferska útlit Renault er ættað frá síðustu gerðum tilraunabíla þeirra en þar stjórnar yfirhönnuðurinn Laurens V.D. Acher aðgerðum.

Áhersla á sparneytni

Nýr Renault Clio er með 1,5l dCi 90 hestafla dísilvél með start/stopp búnaði. Þessi nýja dísilvél togar 220 Nm eða 20 Nm meira en núverandi 1,5l dCi vél. Eldsneytisnotkun í blönduðum akstri er 3,4l/100 og C02 útblástur aðeins 90g/ km sem þýðir að hann fær frítt í bílastæðin í miðborginni. Renault Clio er því einn sparneytnasti bíllinn í Renault línunni. Bensínvélin sem er fáanleg í Clio heitir TCe 90 og er ný 3ja strokka 900 rúmsentimetra, 90 hestafla bensínvél með túrbínu og start/stopp búnaði. Þessi nýja bensínvél er að skila álíka afli og hefðbundnar 1,4l Renault bensínvélar hafa gert hingað til. Nýja vélin gefur tónin til framtíðar hjá Renault þar sem minni bensínvélar með túrbínu sem svarar betur yfir allt vinnslusviðið ryðja stærri vélum úr vegi vegna minni eldsneytisnotkunnar og lægri C02 útbásturs. TCe 90 bensínvélin notar einungis 4,3l/100 í blönduðum og C02 útblástur er aðeins 99g/km sem þýðir að hann fær frítt í bílastæðin í miðborginni.

Leiðsögubúnaður með Íslandskorti

Í Expression gerðinni er boðið upp á sjö tommu Media-Nav snertiskjár með leiðsögubúnaði með Íslandskorti auk þess sem allar stýringar fyrir hljómtæki, þráðlausan símabúnað og önnur afspilunartæki svo sem iPod eru í skjánum. Dagljósabúnaður eru LED ljós sem staðsett eru í milli aðalljósa. Hraðamælir er með stafrænum upplýsingum

6 gíra „Dual Clutch" Sjálfskipting

Clio er fáanlegur með 6 gíra beinskiptingu en búast má við að eftirspurnin verði mun meiri eftir 6 gíra „Dual Clutch" sjálfskiptingunni sem væntanleg er á næstunni í Clio og hefur verið mjög vinsæl í Renault Megane. Tveggja kúplinga sjálfskiptingar hafa þann kost fram yfir eldri gerðir sjálfskiptinga að þær tapa minna afli og nýta því eldsneytið betur.

Skreyttur verðlaunum

Nýr Clio getur skreytt sig með verðlaunum því margir af áreiðanlegustu umsagnaraðilum bílaiðnaðarins í Evrópu hafa undanfarið verðlaunað nýjan Renault Clio. EuroNCAP valdi hann nýlega öruggasta bílinn í sínum stærðarflokki, þýskir lesendur AutoBild, blaðamenn og keppnisökumenn veittu honum Gullna stýrið sem áhugaverðasta bílnum í sínum flokki og í keppninni um Bíl ársins í Evrópu er Clio kominn í úrslit sem kunngjörð verða í mars næstkomandi.

Verð Renault Clio

Renault Clio beinskiptur Authentic bensín 2.390.000

Renault Clio beinskiptur Expression bensín 2.590.000 / dísil 2.890.000

Renault Clio beinskiptur Dynamic bensín 2.740.000 / dísil 3.040.000

Renault Clio verður frumsýndur hjá BL Sævarhöfða 2 laugardaginn 16. febrúar næstkomandi.