Hressilegt heimabrugg Trausti Júlíusson skrifar 15. febrúar 2013 11:30 Tónlist. Gímaldin og Eva Hauksdóttir. Evulög. Eigin útgáfa Evulög hefur að geyma lög Gímaldins við texta Evu Hauksdóttur. Gímaldin á að baki nokkrar plötur, en Eva er afkastamikill bloggari. Gímaldin syngur sjálfur á plötunni, en stærstan hluta fær hann samt aðra söngvara til að syngja: Karl Hallgrímsson syngur tvö lög, Trausti Laufdal þrjú, Lára Sveinsdóttir, Rúnar Þór og Megas, pabbi Gímaldins, eitt hvert. Fleiri söngvarar koma við sögu. Eva er þekkt og umdeild fyrir hispurslausa framsetningu og fyrir skoðanir sínar, t.d. á femínisma. Hér sýnir hún á sér aðra hlið. Ljóðin hennar, sem eru hugleiðingar um lífið, eru fyrst og fremst snotur, þó að smá broddur leynist á stöku stað. Hér er dæmi: "Ef þig svíkur andans kraftur ekki hætta reyndu aftur hugurinn ber þig hálfa leið hitt er nám og vinna Þér yrði sjálfsagt gatan greið ef gætirðu kvartað minna" (Heilræðavísa). Þetta er mjög hrá og lifandi plata. Hún er greinilega unnin hratt og ekki verið að kippa sér upp við það þó að söngurinn sé ekki alltaf fullkominn. Gímaldin fer sínar eigin leiðir tónlistarlega. Hér eru þetta ýmis tilbrigði við hrátt rokk, sumt minnir á íslenska pönkið. Michael Pollock fyrrum Utangarðsmaður, spilar á gítar í tveimur lögum, en pönkið kemur ekki frá honum, hann spilar á slide-gítar í öðru og kassagítar í hinu. Þessi plata er eiginlega andstæða allra þessara vel og vandvirknislega unnu platna sem eru svo algengar í dag. Hér er bara tekið upp og látið flakka og útkoman er oft mjög skemmtileg. Söngvararnir koma misveg út. Gímaldin hefði alveg mátt syngja meira sjálfur, en þessi söngvarafjöld gefur plötunni samt annan karakter heldur en hún hefði fengið ef hann hefði sungið þetta allt sjálfur. Á heildina litið er þetta mjög skemmtileg plata. Kannski hefði mátt leggja aðeins meira í hana, ekki of mikið samt því það er þessi hrái karakter sem gerir hana svona skemmtilega. Niðurstaða: Ágætir textar Evu Hauks við heimabruggað og hrátt rokk Gímaldins.Gímaldin og Eva Hauksdóttir. Myndir/GVA og Vilhelm Gagnrýni Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira
Tónlist. Gímaldin og Eva Hauksdóttir. Evulög. Eigin útgáfa Evulög hefur að geyma lög Gímaldins við texta Evu Hauksdóttur. Gímaldin á að baki nokkrar plötur, en Eva er afkastamikill bloggari. Gímaldin syngur sjálfur á plötunni, en stærstan hluta fær hann samt aðra söngvara til að syngja: Karl Hallgrímsson syngur tvö lög, Trausti Laufdal þrjú, Lára Sveinsdóttir, Rúnar Þór og Megas, pabbi Gímaldins, eitt hvert. Fleiri söngvarar koma við sögu. Eva er þekkt og umdeild fyrir hispurslausa framsetningu og fyrir skoðanir sínar, t.d. á femínisma. Hér sýnir hún á sér aðra hlið. Ljóðin hennar, sem eru hugleiðingar um lífið, eru fyrst og fremst snotur, þó að smá broddur leynist á stöku stað. Hér er dæmi: "Ef þig svíkur andans kraftur ekki hætta reyndu aftur hugurinn ber þig hálfa leið hitt er nám og vinna Þér yrði sjálfsagt gatan greið ef gætirðu kvartað minna" (Heilræðavísa). Þetta er mjög hrá og lifandi plata. Hún er greinilega unnin hratt og ekki verið að kippa sér upp við það þó að söngurinn sé ekki alltaf fullkominn. Gímaldin fer sínar eigin leiðir tónlistarlega. Hér eru þetta ýmis tilbrigði við hrátt rokk, sumt minnir á íslenska pönkið. Michael Pollock fyrrum Utangarðsmaður, spilar á gítar í tveimur lögum, en pönkið kemur ekki frá honum, hann spilar á slide-gítar í öðru og kassagítar í hinu. Þessi plata er eiginlega andstæða allra þessara vel og vandvirknislega unnu platna sem eru svo algengar í dag. Hér er bara tekið upp og látið flakka og útkoman er oft mjög skemmtileg. Söngvararnir koma misveg út. Gímaldin hefði alveg mátt syngja meira sjálfur, en þessi söngvarafjöld gefur plötunni samt annan karakter heldur en hún hefði fengið ef hann hefði sungið þetta allt sjálfur. Á heildina litið er þetta mjög skemmtileg plata. Kannski hefði mátt leggja aðeins meira í hana, ekki of mikið samt því það er þessi hrái karakter sem gerir hana svona skemmtilega. Niðurstaða: Ágætir textar Evu Hauks við heimabruggað og hrátt rokk Gímaldins.Gímaldin og Eva Hauksdóttir. Myndir/GVA og Vilhelm
Gagnrýni Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir May December: Seint koma sumir en koma þó Kinds of Kindness: Þríréttað hjá listakokknum Yorgos Sjá meira