Birkir og Hjördís Íslandsmeistarar í tennis

Birkir Gunnarsson úr TFK og Hjördís Rósa Guðmundsdóttir úr BH urðu í dag Íslandsmeistarar í einliðaleik í tennis utanhúss. Keppt var á tennisvöllum TFK í Kópavogi.

Birkir vann Raj Bonifacius í úrslitaleiknum 6-4 og 6-3 og varði þar með meistaratitil sinn sem hann vann í fyrsta sinn í fyrra.

Hjördís Rósa vann Önnu Soffíu Grönholm úr TFK í tveimur settum 6-3 og 6-1. Þetta er annar Íslandsmeistaraitill Hjördísar utanhúss en hún vann einnig sigur sumarið 2011.