Umfjöllun og viðtöl: Valur - Fram 25-26 Kristinn Páll Teitsson skrifar 3. október 2013 18:45 Mynd/Vilhelm Sterkur kafli í seinni hálfleik tryggði Frömurum nauman sigur á Valsmönnum í Vodafone höllinni í kvöld. Eftir að hafa verið fimm mörkum undir um miðbik seinni hálfleiks settu Framarar í lás, unnu lokamínútur leiksins 7-1 og skiluðu sigri. Liðin voru jöfn að stigum fyrir leik kvöldsins þrátt fyrir að vera spáð ólíku gengi í vetur. Þrátt fyrir að vera ríkjandi Íslandsmeistarar var Fram spáð fallbaráttu á meðan Valsliðið sem rétt slapp við fall á síðasta tímabili var spáð titlinum. Miklar breytingar hafa verið á báðum leikmannahópum og eru fáir leikmenn eftir úr Íslandsmeistararliði Framara. Gestirnir byrjuðu leikinn betur í Vodafone höllinni og voru sanngjarnt yfir um miðbik fyrri hálfleiks þegar þjálfarar Valsliðsins tóku leikhlé. Hrókeringar í liðinu virtust skila sér því smátt og smátt náðu Valsmenn betri tökum á leiknum. Valsliðið fór með eins marka forskot í hálfleik í stöðunni 14-13. Um miðbik seinni hálfleiks virtust Valsmenn ætla að sigla þessu heim, eftir tæplega korter voru þeir komnir með fimm marka forskot og meðbyrinn með sér. Þá tók hinsvegar við góður kafli hjá gestunum þar sem Svavar Már Ólafsson lokaði markinu og Valsliðið skoraði ekki í tíu mínútur. Smátt og smátt minnkaði bilið milli liðanna og náðu Framarar að jafna þegar fimm mínútur voru eftir. Á lokametrunum voru gestirnir með meðbyrinn með sér og náðu að lokum að vinna nauman eins marka sigur. Gríðarlega mikilvægur sigur fyrir Framara sem fögnuðu líkt og Íslandsmeistaratitilinn væri aftur í höfn og engan skal undra. Samkvæmt spámönnum var þeim spáð botnbaráttu en þeir sýndu í dag að þeir munu berjast í öllum leikjum. Geir Guðmundsson var flottur í liði Valsmanna með níu mörk og í liði gestanna var Garðar Sigurjónsson með átta. Sá sem stal senunni var hinsvegar Svavar Már Ólafsson, 11 varðir boltar af 17 í seinni hálfleik og lagði grundvöllinn að sigrinum. Garðar: Þurfum að sýna að við erum ennþá Íslandsmeistarar„Þetta var frábært, þetta er sennilega ótrúlegasti sigur og skemmtilegasti leikur sem ég hef nokkurntíman spilað," sagði Garðar Sigurjónsson, leikmaður Fram brosmildur eftir leikinn. „Við fögnum örugglega ekki aftur svona þegar við vinnum einn leik. Það héldu eflaust allir að þetta væri búið þegar Valsliðið náði fimm marka forskoti en við vissum að við ættum ennþá séns," Gríðarleg fagnaðarlæti brugðust út hjá gestunum eftir leikinn, þessi sigur var þeim kærkominn. „Við berjumst allan tímann og náum að koma til baka og vinna þetta með einu, annað árið í röð. Það eru ekki margir eftir úr því liði svo þetta var alveg ótrúlegt." „Við berum ekki virðingu fyrir neinu liði, við mætum dýrvitlausir í alla leiki og ætlum að sýna að við getum barist. Þótt við séum ekki með sterkasta hópinn getum við ennþá barist," Framarar eru ríkjandi Íslandsmeistarar og Garðar vill að þeir sýni að þeir séu þess verðugir. „Bikarinn er í Safamýrinni og verður þar þangað til einhverjir aðrir verða Íslandsmeistarar. Alveg sama hversu margir fóru frá því í fyrra þurfum við að sýna að við erum ennþá Íslandsmeistarar." Garðar mætti í kvöld gömlum félaga á línunni, Ægir Hrafn varð Íslandsmeistari með liðinu á síðasta tímabili áður en hann skipti yfir í Val. „Ég fór einusinni aðeins utan í hann og hann svaraði í sömu mynt. Það er gaman af Ægi, hann er toppnáungi og það var gaman að berjast við hann í kvöld," sagði Garðar að lokum. Geir: Engin afsökun fyrir þessu„Ég hefði frekar tekið 0 mörk og vinna þennan leik, þetta er mjög fúlt," sagði Geir Guðmundsson, leikmaður Vals eftir leikinn. Geir átti góðan leik í sóknarleiknum í dag og skoraði 9 mörk. „Vörnin var léleg í 45 mínútur í dag þar sem við réðum ekkert við línumanninn hjá þeim. Svo um miðbik seinni hálfleiksis frýs sóknarleikurinn og það er bara okkur að kenna," Um miðbik seinni hálfleiksins leit allt út fyrir að Valsmenn ætluðu að gera út um leikinn þegar þeir náðu fimm marka forskoti. Framarar gáfust hinsvegar ekki upp og unnu lokamínútur leiksins 7-1. „Ég veit ekki hvað gerðist, þeir tóku Gumma úr umferð sem kom okkur kannski eitthvað á óvart en það er ekki afsökun fyrir þessu. Ég verð að hrósa Frömurum, þeir hættu aldrei og komu á okkur allan leikinn. Gulli og Framarar fá hrós frá mér," Valsmenn voru í miklum vandræðum með að stoppa Garðar á línunni hjá Fram. „Við einfaldlega náðum ekki að loka á hann né á sendingarnar. Við töluðum um þetta fyrir leikinn og við vissum hvað við ættum að gera en við vorum bara alltaf of seinir." Miklar hrókeringar voru á leikmannahóp Valsmanna fyrir tímabilið og menn eru enn að læra inn á hvorn annan í varnarleiknum. „Þetta er allt annar varnarleikur en við höfum allir verið að læra síðustu ár, aðrar hreyfingar. Við erum hinsvegar búnir að vera að gera þetta í þrjá mánuði og við eigum að geta mun betur, ég er mjög ósáttur með þetta," sagði Geir að lokum. Svavar: Ótrúlega gaman að fá að koma inná„Það var ótrúlega gaman að fá að koma inná og spreyta sig í dag," sagði Svavar Már Ólafsson, markmaður Fram eftir leik. Svavar stimplaði sig inn með látum, fékk aðeins eitt mark á sig á síðasta korterinu og hélt búrinu hreinu í tólf mínútur samfleytt. „Ég var nú ekkert að telja, maður hugsar bara um næsta bolta og leikinn. Það er það sem skiptir máli í þessu, ef maður lokar markinu gengur vel," Allt annað var að sjá til gestanna fyrsta korterið og seinna korterið í seinni hálfleik. „Við ætluðum ekki að gefa þeim neina virðingu, við börðumst eins og ljón allan leikinn. Á tímabili datt það niður í seinni hálfleik en svo small allt saman seinasta korterið," Framarar leiddu lengst af í fyrri hálfleik og Svavar var ánægður með spilamennsku liðsins í þeim hálfleik. „Ég var ánægður með spilamennskuna í fyrri hálfleik, við vorum virkilega flottir áður en þetta datt skyndilega niður rétt fyrir lok hálfleiksins. Sem betur náðum við að rífa okkur upp og hengdum aldrei haus heldur héldum áfram," Þetta var annar sigurleikur Framara í röð sem byrja tímabilið vel. „Þrátt fyrir miklar hrókeringar á liðinu ætlum við að berjast fyrir hverju stigi. Það er góð liðsheild og það eru frábærir strákar í liðinu. Það er gaman að vera hluti af þessu, sérstaklega í dag," sagði Svavar. Íslenski handboltinn Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Sterkur kafli í seinni hálfleik tryggði Frömurum nauman sigur á Valsmönnum í Vodafone höllinni í kvöld. Eftir að hafa verið fimm mörkum undir um miðbik seinni hálfleiks settu Framarar í lás, unnu lokamínútur leiksins 7-1 og skiluðu sigri. Liðin voru jöfn að stigum fyrir leik kvöldsins þrátt fyrir að vera spáð ólíku gengi í vetur. Þrátt fyrir að vera ríkjandi Íslandsmeistarar var Fram spáð fallbaráttu á meðan Valsliðið sem rétt slapp við fall á síðasta tímabili var spáð titlinum. Miklar breytingar hafa verið á báðum leikmannahópum og eru fáir leikmenn eftir úr Íslandsmeistararliði Framara. Gestirnir byrjuðu leikinn betur í Vodafone höllinni og voru sanngjarnt yfir um miðbik fyrri hálfleiks þegar þjálfarar Valsliðsins tóku leikhlé. Hrókeringar í liðinu virtust skila sér því smátt og smátt náðu Valsmenn betri tökum á leiknum. Valsliðið fór með eins marka forskot í hálfleik í stöðunni 14-13. Um miðbik seinni hálfleiks virtust Valsmenn ætla að sigla þessu heim, eftir tæplega korter voru þeir komnir með fimm marka forskot og meðbyrinn með sér. Þá tók hinsvegar við góður kafli hjá gestunum þar sem Svavar Már Ólafsson lokaði markinu og Valsliðið skoraði ekki í tíu mínútur. Smátt og smátt minnkaði bilið milli liðanna og náðu Framarar að jafna þegar fimm mínútur voru eftir. Á lokametrunum voru gestirnir með meðbyrinn með sér og náðu að lokum að vinna nauman eins marka sigur. Gríðarlega mikilvægur sigur fyrir Framara sem fögnuðu líkt og Íslandsmeistaratitilinn væri aftur í höfn og engan skal undra. Samkvæmt spámönnum var þeim spáð botnbaráttu en þeir sýndu í dag að þeir munu berjast í öllum leikjum. Geir Guðmundsson var flottur í liði Valsmanna með níu mörk og í liði gestanna var Garðar Sigurjónsson með átta. Sá sem stal senunni var hinsvegar Svavar Már Ólafsson, 11 varðir boltar af 17 í seinni hálfleik og lagði grundvöllinn að sigrinum. Garðar: Þurfum að sýna að við erum ennþá Íslandsmeistarar„Þetta var frábært, þetta er sennilega ótrúlegasti sigur og skemmtilegasti leikur sem ég hef nokkurntíman spilað," sagði Garðar Sigurjónsson, leikmaður Fram brosmildur eftir leikinn. „Við fögnum örugglega ekki aftur svona þegar við vinnum einn leik. Það héldu eflaust allir að þetta væri búið þegar Valsliðið náði fimm marka forskoti en við vissum að við ættum ennþá séns," Gríðarleg fagnaðarlæti brugðust út hjá gestunum eftir leikinn, þessi sigur var þeim kærkominn. „Við berjumst allan tímann og náum að koma til baka og vinna þetta með einu, annað árið í röð. Það eru ekki margir eftir úr því liði svo þetta var alveg ótrúlegt." „Við berum ekki virðingu fyrir neinu liði, við mætum dýrvitlausir í alla leiki og ætlum að sýna að við getum barist. Þótt við séum ekki með sterkasta hópinn getum við ennþá barist," Framarar eru ríkjandi Íslandsmeistarar og Garðar vill að þeir sýni að þeir séu þess verðugir. „Bikarinn er í Safamýrinni og verður þar þangað til einhverjir aðrir verða Íslandsmeistarar. Alveg sama hversu margir fóru frá því í fyrra þurfum við að sýna að við erum ennþá Íslandsmeistarar." Garðar mætti í kvöld gömlum félaga á línunni, Ægir Hrafn varð Íslandsmeistari með liðinu á síðasta tímabili áður en hann skipti yfir í Val. „Ég fór einusinni aðeins utan í hann og hann svaraði í sömu mynt. Það er gaman af Ægi, hann er toppnáungi og það var gaman að berjast við hann í kvöld," sagði Garðar að lokum. Geir: Engin afsökun fyrir þessu„Ég hefði frekar tekið 0 mörk og vinna þennan leik, þetta er mjög fúlt," sagði Geir Guðmundsson, leikmaður Vals eftir leikinn. Geir átti góðan leik í sóknarleiknum í dag og skoraði 9 mörk. „Vörnin var léleg í 45 mínútur í dag þar sem við réðum ekkert við línumanninn hjá þeim. Svo um miðbik seinni hálfleiksis frýs sóknarleikurinn og það er bara okkur að kenna," Um miðbik seinni hálfleiksins leit allt út fyrir að Valsmenn ætluðu að gera út um leikinn þegar þeir náðu fimm marka forskoti. Framarar gáfust hinsvegar ekki upp og unnu lokamínútur leiksins 7-1. „Ég veit ekki hvað gerðist, þeir tóku Gumma úr umferð sem kom okkur kannski eitthvað á óvart en það er ekki afsökun fyrir þessu. Ég verð að hrósa Frömurum, þeir hættu aldrei og komu á okkur allan leikinn. Gulli og Framarar fá hrós frá mér," Valsmenn voru í miklum vandræðum með að stoppa Garðar á línunni hjá Fram. „Við einfaldlega náðum ekki að loka á hann né á sendingarnar. Við töluðum um þetta fyrir leikinn og við vissum hvað við ættum að gera en við vorum bara alltaf of seinir." Miklar hrókeringar voru á leikmannahóp Valsmanna fyrir tímabilið og menn eru enn að læra inn á hvorn annan í varnarleiknum. „Þetta er allt annar varnarleikur en við höfum allir verið að læra síðustu ár, aðrar hreyfingar. Við erum hinsvegar búnir að vera að gera þetta í þrjá mánuði og við eigum að geta mun betur, ég er mjög ósáttur með þetta," sagði Geir að lokum. Svavar: Ótrúlega gaman að fá að koma inná„Það var ótrúlega gaman að fá að koma inná og spreyta sig í dag," sagði Svavar Már Ólafsson, markmaður Fram eftir leik. Svavar stimplaði sig inn með látum, fékk aðeins eitt mark á sig á síðasta korterinu og hélt búrinu hreinu í tólf mínútur samfleytt. „Ég var nú ekkert að telja, maður hugsar bara um næsta bolta og leikinn. Það er það sem skiptir máli í þessu, ef maður lokar markinu gengur vel," Allt annað var að sjá til gestanna fyrsta korterið og seinna korterið í seinni hálfleik. „Við ætluðum ekki að gefa þeim neina virðingu, við börðumst eins og ljón allan leikinn. Á tímabili datt það niður í seinni hálfleik en svo small allt saman seinasta korterið," Framarar leiddu lengst af í fyrri hálfleik og Svavar var ánægður með spilamennsku liðsins í þeim hálfleik. „Ég var ánægður með spilamennskuna í fyrri hálfleik, við vorum virkilega flottir áður en þetta datt skyndilega niður rétt fyrir lok hálfleiksins. Sem betur náðum við að rífa okkur upp og hengdum aldrei haus heldur héldum áfram," Þetta var annar sigurleikur Framara í röð sem byrja tímabilið vel. „Þrátt fyrir miklar hrókeringar á liðinu ætlum við að berjast fyrir hverju stigi. Það er góð liðsheild og það eru frábærir strákar í liðinu. Það er gaman að vera hluti af þessu, sérstaklega í dag," sagði Svavar.
Íslenski handboltinn Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira