Tveir heimar mætast á töfrandi hátt Freyr Bjarnason skrifar 3. júlí 2013 23:00 Samaris hefur gengið allt í haginn síðan hún vann Músíktilraunir árið 2011. fréttablaðið/valli Tónlist. Samaris. Samaris. 12 Tónar Hljómsveitinni Samaris hefur gengið allt í haginn síðan hún vann Músíktilraunir árið 2011. Hún hefur gefið út EP-plöturnar Hljómar þú og Stofnar falla, fengið góða útvarpsspilun, spilað á Sónar-hátíðinni (bæði í Reykjavík og í Barselóna) og nýlega gerði hún útgáfusamning við breska fyrirtækið One Little Indian. Þessi nýja plata er einmitt fyrsta útgáfa Samaris hjá fyrirtækinu í samstarfi við 12 Tóna og hefur að geyma EP-plöturnar tvær, auk fjögurra endurhljóðblandana, en samningurinn við One Little Indian hljómar upp á að minnsta kosti tvær breiðskífur til viðbótar með nýju efni. Öll þessi velgengni tríósins kemur ekki á óvart þegar hlustað er á þennan nýja grip. Klarinettleikur Áslaugar Rúnar Magnúsdóttur og raftaktar Þórðar Kára Steinþórssonar blandast fullkomlega saman við seiðandi rödd Jófríðar þannig að úr verður gullfalleg tónlist. Í raun mætast tveir heimar á plötunni. Annars vegar söngstíll Áslaugar Rúnar og góðir textarnir sem byggja á gömlum íslenskum grunni og hins vegar nútímalegir raftaktarnir.Endurhljóðblönduðu lögin eru áhugaverð, sérstaklega þó Viltu vitrast í meðferð Futuregrapher og Stofnar falla sem Subminimal hristir upp í með hröðum trommutakti. Þrátt fyrir að platan sé þrískipt hljómar hún vel sem ein heild og ætti enginn tónlistaráhugamaður að vera svikinn af þessu eðal, rammíslenska rafpoppi.Niðurstaða: Töfrandi rammíslenskt rafpopp frá hinni stórefnilegu Samaris. Gagnrýni Mest lesið Andrés og Margrét gengin í það heilaga Lífið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Bankaforstjóri selur glæsihýsi í Laugardalnum Lífið Keypti lóð Gylfa og Alexöndru á 225 milljónir Lífið Myndaveisla: Suðræn stemning í afmælisveislu Tres Locos Lífið „Ekki fylgja hverju einasta tískutrendi“ Tíska og hönnun Freyja snýr sér að þáttastjórnun Lífið Allt í keng: Varð brátt í brók í vorveiðinni Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Slæmt jafnvægi á milli Baggalúts og Sinfóníunnar Sturluð rödd gerði áheyrendur tryllta The Lazarus Project: Varúð, veldur svefnleysi Sjá meira
Tónlist. Samaris. Samaris. 12 Tónar Hljómsveitinni Samaris hefur gengið allt í haginn síðan hún vann Músíktilraunir árið 2011. Hún hefur gefið út EP-plöturnar Hljómar þú og Stofnar falla, fengið góða útvarpsspilun, spilað á Sónar-hátíðinni (bæði í Reykjavík og í Barselóna) og nýlega gerði hún útgáfusamning við breska fyrirtækið One Little Indian. Þessi nýja plata er einmitt fyrsta útgáfa Samaris hjá fyrirtækinu í samstarfi við 12 Tóna og hefur að geyma EP-plöturnar tvær, auk fjögurra endurhljóðblandana, en samningurinn við One Little Indian hljómar upp á að minnsta kosti tvær breiðskífur til viðbótar með nýju efni. Öll þessi velgengni tríósins kemur ekki á óvart þegar hlustað er á þennan nýja grip. Klarinettleikur Áslaugar Rúnar Magnúsdóttur og raftaktar Þórðar Kára Steinþórssonar blandast fullkomlega saman við seiðandi rödd Jófríðar þannig að úr verður gullfalleg tónlist. Í raun mætast tveir heimar á plötunni. Annars vegar söngstíll Áslaugar Rúnar og góðir textarnir sem byggja á gömlum íslenskum grunni og hins vegar nútímalegir raftaktarnir.Endurhljóðblönduðu lögin eru áhugaverð, sérstaklega þó Viltu vitrast í meðferð Futuregrapher og Stofnar falla sem Subminimal hristir upp í með hröðum trommutakti. Þrátt fyrir að platan sé þrískipt hljómar hún vel sem ein heild og ætti enginn tónlistaráhugamaður að vera svikinn af þessu eðal, rammíslenska rafpoppi.Niðurstaða: Töfrandi rammíslenskt rafpopp frá hinni stórefnilegu Samaris.
Gagnrýni Mest lesið Andrés og Margrét gengin í það heilaga Lífið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Bankaforstjóri selur glæsihýsi í Laugardalnum Lífið Keypti lóð Gylfa og Alexöndru á 225 milljónir Lífið Myndaveisla: Suðræn stemning í afmælisveislu Tres Locos Lífið „Ekki fylgja hverju einasta tískutrendi“ Tíska og hönnun Freyja snýr sér að þáttastjórnun Lífið Allt í keng: Varð brátt í brók í vorveiðinni Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Slæmt jafnvægi á milli Baggalúts og Sinfóníunnar Sturluð rödd gerði áheyrendur tryllta The Lazarus Project: Varúð, veldur svefnleysi Sjá meira