Umfjöllun og viðtöl: ÍBV - FH 23-24 | FH-ingar sóttu tvö stig út í Eyjar Guðmundur Tómas Sigfússon í Vestmannaeyjum skrifar 13. október 2013 14:30 Sigurður Ágústsson var hetja FH-inga í Eyjum í dag. Mynd/Valli FH-ingar sóttu tvö stig til Vestmannaeyja í dag en lokatölur urðu 23-24. Leikurinn var jafn og spennandi allan tímann en úrslitin réðust á seinustu sekúndunum þegar að Sigurður Ágústsson fór inn af línunni og skoraði framhjá Hauki Jónssyni. Beðið var eftir leiknum með mikilli eftirvæntingu en Eyjamenn hefðu getað lyft sér á toppinn með sigri en bæði lið hafa byrjað mótið með miklum ágætum. Í byrun leiks sást strax í hvað stefndi en mikil grimmd var í leikmönnum beggja liða. Eyjamenn náðu forystunni þegar leið á hálfleikinn en Daníel Freyr Andrésson átti stórleik í marki FH-inga en hann varði hvert skotið á fætur öðru. Eyjamenn héldu þriggja marka forystu alveg upp að stöðunni 10-7 en þá spýttu gestirnir úr Hafnarfirðinum í lófana og komust einu marki yfir 10-11 en þannig var staðan í hálfleik. Seinni hálfleikurinn byrjaði jafnvel og sá fyrri en jafnt var á flest öllum tölum. Í stöðunni 14-13 fyrir heimamenn var Magnúsi Óla Magnússyni vísað af velli eftir viðskipti sín við Grétar Rafn Eyþórsson en á þeim tímapunkti var Magnús markahæstur gestanna. Í stöðunni 15-15 tóku FH-ingar á rás og komust tveimur mörkum yfir en það var forysta sem að þeir ætluðu ekki að missa frá sér. Sindri Haraldsson jafnaði leikinn fyrir heimamenn þegar að hann kastaði sér aftur fyrir sig og lagði boltann nánast í markið. Aftur varð jafnt í stöðunni 22-22 en þá fékk Grétar Þór Eyþórsson tveggja mínútna brottvísun í það mund sem að Halldór Ingi Jónasson kom gestunum yfir og voru Eyjamenn því einum manni færri seinustu andartök leiksins. Eyjamenn unnu boltann þegar að dæmdur var ruðningur á Einar Rafn Eiðsson markahæsta leikmann FH-liðsins og fóru fram völlinn til þess að skora sigurmarkið. Agnari Smára Jónssyni brást bogalistinn en hann vildi meina að brotið hefði verið á sér í skotinu. FH-ingum var alveg sama um mótmæli heimamenn og geystust upp völlinn með þeim afleiðingum að Sigurður Ágústsson fékk dauðafæri á línunni, en hann þakkaði pent fyrir sig og skaut boltanum yfir hausinn á Hauki Jónssyni. Sigur FH-inga var kærkominn en þeir lyfta sér í þriðja sæti deildarinnar einu stigi á eftir toppliðum Fram og ÍR. Gunnar Magnússon: Vissum að við þyrftum að eiga toppleik„Mér fannst þetta vera fínn leikur að okkar hálfu. Við vorum frábærir varnarlega en sóknarlega vorum við í vandræðum, skytturnar voru kaldar og Daníel var okkur erfiður í markinu,“ sagði Gunnar Magnússon en hann var að vonum nokkuð ósáttur með úrslitin þó svo að hann hafi getað tekið nokkra ljósa punkta úr leiknum. Eyjamenn hafa byrjað leiktíðina ágætlega en hafa ekki en unnið heimaleik en að sama skapi ekki tapað útileik. „Við ætluðum að koma grimmir til leiks, við vissum einnig að við þyrftum að eiga toppleik til þess að vinna hér í dag. Við vorum nálægt því en það er ekki nóg,“ sagði Gunnar en stuðningur á leiknum í dag var nokkuð lítill til að byrja með en jókst svo jafnt og þétt með spennustigi leiksins. Einar Andri: Sýnum ótrúlegan karakter„Ég alveg ótrúlega ánægður með liðið, það vantaði þrjá lykilmenn og við missum einn útaf með rautt spjald. Mér fannst við sýna ótrúlegan karakter,“ sagði Einar Andri Einarsson þjálfari FH-inga sem var að vonum gríðarlega sáttur í leikslok. „Við lögðum leikinn upp bara á seinustu stundu en það vegna þess að við missum menn út í morgun. Við reyndum að setja saman vörn sem myndi berjast og menn sem myndu leggja allt í þetta,“ sagði Einar en Ásbjörn Friðriksson og Ragnar Jóhannsson gátu ekki spilað í dag. Magnúsi Óla Magnússyni var vísað af velli á sjöttu mínútu seinni hálfleiks í dag fyrir að hrinda Grétari Þór Eyþórssyni í jörðina eftir að leikurinn hafði verið stöðvaður til þess að hlúa að meiðslum Magnúsar. „Mér fannst þetta harður dómur, hann ýtir honum vissulega en ég hef oftar séð tvær mínútur á þetta heldur en rautt,“ sagði Einar í leikslok, ekki liggur fyrir hvort að skýrsla hafi fylgt rauða spjaldinu en gaman verður að fylgjast með því. Olís-deild karla Mest lesið Meistararnir byrja á sterkum sigri Enski boltinn Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti „Við höfum ekki þekkst lengi en það gengur vel“ Sport Leik lokið: KA - Stjarnan 1-1 | Stigum deilt eftir skalla í stöng í blálokin Íslenski boltinn Ungu strákarnir okkar grátlega nálægt bronsi Handbolti Slot sammála Klopp varðandi hádegisleiki Enski boltinn Aðsóknarmet mölbrotið í fyrsta leik kvennaliðs FCK Fótbolti Fleiri fréttir Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Sjá meira
FH-ingar sóttu tvö stig til Vestmannaeyja í dag en lokatölur urðu 23-24. Leikurinn var jafn og spennandi allan tímann en úrslitin réðust á seinustu sekúndunum þegar að Sigurður Ágústsson fór inn af línunni og skoraði framhjá Hauki Jónssyni. Beðið var eftir leiknum með mikilli eftirvæntingu en Eyjamenn hefðu getað lyft sér á toppinn með sigri en bæði lið hafa byrjað mótið með miklum ágætum. Í byrun leiks sást strax í hvað stefndi en mikil grimmd var í leikmönnum beggja liða. Eyjamenn náðu forystunni þegar leið á hálfleikinn en Daníel Freyr Andrésson átti stórleik í marki FH-inga en hann varði hvert skotið á fætur öðru. Eyjamenn héldu þriggja marka forystu alveg upp að stöðunni 10-7 en þá spýttu gestirnir úr Hafnarfirðinum í lófana og komust einu marki yfir 10-11 en þannig var staðan í hálfleik. Seinni hálfleikurinn byrjaði jafnvel og sá fyrri en jafnt var á flest öllum tölum. Í stöðunni 14-13 fyrir heimamenn var Magnúsi Óla Magnússyni vísað af velli eftir viðskipti sín við Grétar Rafn Eyþórsson en á þeim tímapunkti var Magnús markahæstur gestanna. Í stöðunni 15-15 tóku FH-ingar á rás og komust tveimur mörkum yfir en það var forysta sem að þeir ætluðu ekki að missa frá sér. Sindri Haraldsson jafnaði leikinn fyrir heimamenn þegar að hann kastaði sér aftur fyrir sig og lagði boltann nánast í markið. Aftur varð jafnt í stöðunni 22-22 en þá fékk Grétar Þór Eyþórsson tveggja mínútna brottvísun í það mund sem að Halldór Ingi Jónasson kom gestunum yfir og voru Eyjamenn því einum manni færri seinustu andartök leiksins. Eyjamenn unnu boltann þegar að dæmdur var ruðningur á Einar Rafn Eiðsson markahæsta leikmann FH-liðsins og fóru fram völlinn til þess að skora sigurmarkið. Agnari Smára Jónssyni brást bogalistinn en hann vildi meina að brotið hefði verið á sér í skotinu. FH-ingum var alveg sama um mótmæli heimamenn og geystust upp völlinn með þeim afleiðingum að Sigurður Ágústsson fékk dauðafæri á línunni, en hann þakkaði pent fyrir sig og skaut boltanum yfir hausinn á Hauki Jónssyni. Sigur FH-inga var kærkominn en þeir lyfta sér í þriðja sæti deildarinnar einu stigi á eftir toppliðum Fram og ÍR. Gunnar Magnússon: Vissum að við þyrftum að eiga toppleik„Mér fannst þetta vera fínn leikur að okkar hálfu. Við vorum frábærir varnarlega en sóknarlega vorum við í vandræðum, skytturnar voru kaldar og Daníel var okkur erfiður í markinu,“ sagði Gunnar Magnússon en hann var að vonum nokkuð ósáttur með úrslitin þó svo að hann hafi getað tekið nokkra ljósa punkta úr leiknum. Eyjamenn hafa byrjað leiktíðina ágætlega en hafa ekki en unnið heimaleik en að sama skapi ekki tapað útileik. „Við ætluðum að koma grimmir til leiks, við vissum einnig að við þyrftum að eiga toppleik til þess að vinna hér í dag. Við vorum nálægt því en það er ekki nóg,“ sagði Gunnar en stuðningur á leiknum í dag var nokkuð lítill til að byrja með en jókst svo jafnt og þétt með spennustigi leiksins. Einar Andri: Sýnum ótrúlegan karakter„Ég alveg ótrúlega ánægður með liðið, það vantaði þrjá lykilmenn og við missum einn útaf með rautt spjald. Mér fannst við sýna ótrúlegan karakter,“ sagði Einar Andri Einarsson þjálfari FH-inga sem var að vonum gríðarlega sáttur í leikslok. „Við lögðum leikinn upp bara á seinustu stundu en það vegna þess að við missum menn út í morgun. Við reyndum að setja saman vörn sem myndi berjast og menn sem myndu leggja allt í þetta,“ sagði Einar en Ásbjörn Friðriksson og Ragnar Jóhannsson gátu ekki spilað í dag. Magnúsi Óla Magnússyni var vísað af velli á sjöttu mínútu seinni hálfleiks í dag fyrir að hrinda Grétari Þór Eyþórssyni í jörðina eftir að leikurinn hafði verið stöðvaður til þess að hlúa að meiðslum Magnúsar. „Mér fannst þetta harður dómur, hann ýtir honum vissulega en ég hef oftar séð tvær mínútur á þetta heldur en rautt,“ sagði Einar í leikslok, ekki liggur fyrir hvort að skýrsla hafi fylgt rauða spjaldinu en gaman verður að fylgjast með því.
Olís-deild karla Mest lesið Meistararnir byrja á sterkum sigri Enski boltinn Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti „Við höfum ekki þekkst lengi en það gengur vel“ Sport Leik lokið: KA - Stjarnan 1-1 | Stigum deilt eftir skalla í stöng í blálokin Íslenski boltinn Ungu strákarnir okkar grátlega nálægt bronsi Handbolti Slot sammála Klopp varðandi hádegisleiki Enski boltinn Aðsóknarmet mölbrotið í fyrsta leik kvennaliðs FCK Fótbolti Fleiri fréttir Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Sjá meira