Umfjöllun, viðtöl og myndir: Fram - ÍR 25-30 | Björgvin með stórleik Eyþór Atli Einarsson í Safamýri skrifar 15. september 2013 18:05 Björgvin Hólmgeirsson fór á kostum í Safamýri í kvöld. Myndir/Daníel Björgvin Hólmgeirsson skoraði ellefu mörk fyrir bikarmeistara ÍR sem unnu nokkuð sannfærandi sigur á Fram 30-25 í Meistarakeppni HSÍ í Safamýri í kvöld. Fram hafði frumkvæðið í fyrri hálfleik en í stöðunni 13-10 fyrir Safamýrarliðið snerist leikurinn við. ÍR skoraði fjögur mörk í röð og staðan í hálfleik 14-14. ÍR-ingar settu í nýjan gír í síðari hálfleik. Liðið skoraði sex fyrstu mörk hans og eftir það var sigurinn aldrei í hættu. ÍR-ingar byrjuðu leikinn betur en Frömurum óx ásmegin eftir því sem leið á fyrri hálfleikinn. Nýr markvörður í liði Fram, Daninn Steffan Nielsen, varði vel og má segja að hann smelli eins og flís við rass inn í lið Íslandsmeistarana. Hann hélt Fram yfir bróðurpart fyrri hálfleiks eða þar til staðan var orðin 13-10 Fram í vil. ÍR-ingar tóku þá við sér og metin undir lok hálfleiksins og fór Björgvin Hólmgeirsson fremstur fylkingar Breiðholtspilta. Arnór Birkir Hálfdánarson, fyrrverandi Framari, var mjög skotglaður fyrir ÍR í fyrri hálfleik en hafði oft ekki erindi sem erfiði og Daninn í markinu sá ýmist við honum eða hann skaut framhjá. Staðan í hálfleik var 14-14. ÍR-ingar byrjuðu síðari hálfleikinn af krafti en brösulega gekk hjá Fram að skora. Fyrsta markið kom ekki fyrr en rúmar 12 mínútur voru liðnar af hálfleiknum. Kristófer Fannar Guðmundsson kom í mark ÍR-inga og stóð sig vel. En hetja ÍR-inga var Björgvin Hólmgeirsson og skoraði hann nánast af vild á tímabili. Björgvin skoraði ellefu mörk í leiknum. Breiðhyltingar misstu öruggt forskot sitt aldrei niður og unnu góðan fimm marka sigur, 20-25. Íslandsmeistarar Fram eru með mjög breytt lið frá því þeir fögnuðu titlinum eftirsótta síðasta vor. Þungavigtarmenn eru horfnir á braut og yngri og reynsluminni menn þurfa að bera vagninn. Eins og fyrr segir var Björgvin frábær fyrir lið ÍR-inga í leiknum en Stefán Darri Þórsson var öflugur fyrir þá bláklæddu með sex mörk. Bjarki Sigurðsson: Menn verða þá að leggja sig fram„Sigur er sigur og alltaf gaman að fá titil í hús,“ sagði Bjarki Sigurðsson, þjálfari ÍR, eftir sigur sinna manna í Meistarakeppni HSÍ. „Ég er sáttur við síðari hálfleikinn. Það sem vantaði hjá okkur í fyrri hálfleik var að slípa saman varnarleik. Við erum að þróa með okkur nýja varnaraðferð þar sem við erum ekki með Didda (Ingimund Ingimundarson). Það hefur farið svakalegt púður í 5-1 vörnina og því hefur sóknarleikurinn svolítið setið á hakanum. Við fáum engu að síður á okkur 4-5 mörk úr hraðaupphlaupum þar sem sóknin er léleg og það hélt svolítið lífi í Fram.“ „Varnarleikurinn í síðari hálfeik var frábær og menn voru ekki að missa menn framhjá sér. Við töluðum um það í hálfleik að við þyrftum að bæta færsluna á liðinu og það gekk eftir og skilaði sér í auðveldum hraðaupphlaupum fyrir okkur.“ „Ef að menn leggja sig fram og spila alla leiki eins og þeir spiluðu síðari hálfleikinn í dag. Ekki bara í 15 mínútur þá erum við til alls líklegir í vetur. Við erum með breiddina, getuna og mannskapinn. Við verðum þá að leggja okkur fram því við spiluðum við þetta lið fyrir viku síðan og steinláum og það skrifast eingöngu á áhugaleysi. Menn verða bara að vera tilbúnir að leggja sig fram,“ sagði Bjarki að lokum spurður að því hvort hans menn væru líklegir til að hirða dolluna stóru í vor. Guðlaugur Arnarsson: Ég er súr með að tapa„Alltaf súrt að tapa og sérstaklega þegar það er bikar í boði. Þannig að mín fyrstu viðbrögð eru þau að ég er bara súr að tapa,“ sagði Guðlaugur Arnarsson, þjálfari Fram, súr eftir ósigur gegn ÍR í Meistarakeppni HSÍ. „Mér líst vel á baráttuna framundan, spennandi lið og skemmtilegur hópur. Mikil breyting hefur orðið á liðinu en eftir stendur samheldinn hópur svo ég er spenntur fyrir komandi tímabili.“ „Það var ákveðinn vorbragur á báðum liðum í leiknum. Mikið um „feila“ og þá kannski helst í sókninni. Við förum í hvern leik til að vinna og frammistaðan verður metin eftir því.“ „Við erum búnir að vinna meira í varnarleiknum og erum svolítið ryðgaðir í sókninni og erum ekki komnir á þann stað sem við viljum þar. Það er verðugt verkefni sem við verðum að halda áfram með.“ „Við erum með unga stráka í bland við reynslumeiri leikmenn. Þetta eru strákar sem kunna að berjast og við ætlum aldrei að láta valta yfir okkur,“ sagði Guðlaugur að lokum en hans menn gáfust ekki upp og náðu að saxa á forskot ÍR undir lok leiksins. Íslenski handboltinn Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ancelotti gæti gefið leikmönnum sínum frí á miðju tímabili Fótbolti Brady ánægður með ráðherrasoninn Enski boltinn Ronaldo á skotskónum en Al Nassr beið afhroð Fótbolti Dagskráin í dag: Fallbaráttan í Bestu, enski og svo margt fleira Sport Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Björgvin Hólmgeirsson skoraði ellefu mörk fyrir bikarmeistara ÍR sem unnu nokkuð sannfærandi sigur á Fram 30-25 í Meistarakeppni HSÍ í Safamýri í kvöld. Fram hafði frumkvæðið í fyrri hálfleik en í stöðunni 13-10 fyrir Safamýrarliðið snerist leikurinn við. ÍR skoraði fjögur mörk í röð og staðan í hálfleik 14-14. ÍR-ingar settu í nýjan gír í síðari hálfleik. Liðið skoraði sex fyrstu mörk hans og eftir það var sigurinn aldrei í hættu. ÍR-ingar byrjuðu leikinn betur en Frömurum óx ásmegin eftir því sem leið á fyrri hálfleikinn. Nýr markvörður í liði Fram, Daninn Steffan Nielsen, varði vel og má segja að hann smelli eins og flís við rass inn í lið Íslandsmeistarana. Hann hélt Fram yfir bróðurpart fyrri hálfleiks eða þar til staðan var orðin 13-10 Fram í vil. ÍR-ingar tóku þá við sér og metin undir lok hálfleiksins og fór Björgvin Hólmgeirsson fremstur fylkingar Breiðholtspilta. Arnór Birkir Hálfdánarson, fyrrverandi Framari, var mjög skotglaður fyrir ÍR í fyrri hálfleik en hafði oft ekki erindi sem erfiði og Daninn í markinu sá ýmist við honum eða hann skaut framhjá. Staðan í hálfleik var 14-14. ÍR-ingar byrjuðu síðari hálfleikinn af krafti en brösulega gekk hjá Fram að skora. Fyrsta markið kom ekki fyrr en rúmar 12 mínútur voru liðnar af hálfleiknum. Kristófer Fannar Guðmundsson kom í mark ÍR-inga og stóð sig vel. En hetja ÍR-inga var Björgvin Hólmgeirsson og skoraði hann nánast af vild á tímabili. Björgvin skoraði ellefu mörk í leiknum. Breiðhyltingar misstu öruggt forskot sitt aldrei niður og unnu góðan fimm marka sigur, 20-25. Íslandsmeistarar Fram eru með mjög breytt lið frá því þeir fögnuðu titlinum eftirsótta síðasta vor. Þungavigtarmenn eru horfnir á braut og yngri og reynsluminni menn þurfa að bera vagninn. Eins og fyrr segir var Björgvin frábær fyrir lið ÍR-inga í leiknum en Stefán Darri Þórsson var öflugur fyrir þá bláklæddu með sex mörk. Bjarki Sigurðsson: Menn verða þá að leggja sig fram„Sigur er sigur og alltaf gaman að fá titil í hús,“ sagði Bjarki Sigurðsson, þjálfari ÍR, eftir sigur sinna manna í Meistarakeppni HSÍ. „Ég er sáttur við síðari hálfleikinn. Það sem vantaði hjá okkur í fyrri hálfleik var að slípa saman varnarleik. Við erum að þróa með okkur nýja varnaraðferð þar sem við erum ekki með Didda (Ingimund Ingimundarson). Það hefur farið svakalegt púður í 5-1 vörnina og því hefur sóknarleikurinn svolítið setið á hakanum. Við fáum engu að síður á okkur 4-5 mörk úr hraðaupphlaupum þar sem sóknin er léleg og það hélt svolítið lífi í Fram.“ „Varnarleikurinn í síðari hálfeik var frábær og menn voru ekki að missa menn framhjá sér. Við töluðum um það í hálfleik að við þyrftum að bæta færsluna á liðinu og það gekk eftir og skilaði sér í auðveldum hraðaupphlaupum fyrir okkur.“ „Ef að menn leggja sig fram og spila alla leiki eins og þeir spiluðu síðari hálfleikinn í dag. Ekki bara í 15 mínútur þá erum við til alls líklegir í vetur. Við erum með breiddina, getuna og mannskapinn. Við verðum þá að leggja okkur fram því við spiluðum við þetta lið fyrir viku síðan og steinláum og það skrifast eingöngu á áhugaleysi. Menn verða bara að vera tilbúnir að leggja sig fram,“ sagði Bjarki að lokum spurður að því hvort hans menn væru líklegir til að hirða dolluna stóru í vor. Guðlaugur Arnarsson: Ég er súr með að tapa„Alltaf súrt að tapa og sérstaklega þegar það er bikar í boði. Þannig að mín fyrstu viðbrögð eru þau að ég er bara súr að tapa,“ sagði Guðlaugur Arnarsson, þjálfari Fram, súr eftir ósigur gegn ÍR í Meistarakeppni HSÍ. „Mér líst vel á baráttuna framundan, spennandi lið og skemmtilegur hópur. Mikil breyting hefur orðið á liðinu en eftir stendur samheldinn hópur svo ég er spenntur fyrir komandi tímabili.“ „Það var ákveðinn vorbragur á báðum liðum í leiknum. Mikið um „feila“ og þá kannski helst í sókninni. Við förum í hvern leik til að vinna og frammistaðan verður metin eftir því.“ „Við erum búnir að vinna meira í varnarleiknum og erum svolítið ryðgaðir í sókninni og erum ekki komnir á þann stað sem við viljum þar. Það er verðugt verkefni sem við verðum að halda áfram með.“ „Við erum með unga stráka í bland við reynslumeiri leikmenn. Þetta eru strákar sem kunna að berjast og við ætlum aldrei að láta valta yfir okkur,“ sagði Guðlaugur að lokum en hans menn gáfust ekki upp og náðu að saxa á forskot ÍR undir lok leiksins.
Íslenski handboltinn Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ancelotti gæti gefið leikmönnum sínum frí á miðju tímabili Fótbolti Brady ánægður með ráðherrasoninn Enski boltinn Ronaldo á skotskónum en Al Nassr beið afhroð Fótbolti Dagskráin í dag: Fallbaráttan í Bestu, enski og svo margt fleira Sport Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira