Ágústa Eva illa útleikin eftir áhættuatriði

„Þetta er það hættulegasta sem ég hef gert,“ segir leikkonan Ágústa Eva Erlendsdóttir, en hún er við tökur á nýjustu kvikmynd sinni Borgríki 2.

„Þetta er bara byrjunin, ég á eftir að vera í miklu hættulegri atriðum en þetta,“ segir Ágústa Eva, sem er þegar illa útleikin, þrátt fyrir að aðeins einn tökudagur sé að baki. Hún leikur sjálf í öllum áhættuatriðum.

Aðspurð segist Ágústa Eva ekkert vera hrædd. „Ég treysti mínu fólki og hlakka til að takast á við fleiri áhættuatriði,“ segir hún jafnframt.

Borgríki 2 er framhald af kvikmyndinni Borgríki en henni var leikstýrt af Ólafi Jóhannessyni, betur þekktum sem Olaf de Fleur.