Umfjöllun,viðtöl og myndir: Fram - Haukar 35-30 | Fram er komið í 2-0 Guðmundur Marinó Ingvarsson í Safamýri skrifar 1. maí 2013 12:43 Haraldur Þorvarðarson fékk umdeilt rautt spjald í Safamýri í kvöld. mynd/daníel Fram er komið í 2-0 í úrslitum N1 deildar karla í handbolta eftir 35-30 sigur á Haukum í tví framlengdum leik. Staðan að loknum venjulegum leiktíma var 25-25. Gríðarleg spenna var í leiknum og jafnt á flestum tölum fyrri hálfleiks venjulegs leiktíma. Haukar voru þó einu marki yfir í hálfleik 13-12. Haukar byrjuðu seinni hálfleik mjög vel og voru fjórum mörkum yfir 19-15 þegar 20 mínútur voru til leiksloka. Fram minnkaði muninn fljótt í eitt mark en náði ekki að jafna metinn fyrr en með síðasta kasti venjulegs leiktíma 25-25. Það vantaði ekki dramatíkina í kringum jöfnunarmark Fram. Haukar voru í sókn þegar hálf mínúta var eftir, einum manni færri. Sigurbergur Sveinsson fer í árás og skorar en fær dæmdan á sig ruðning og tvær mínútur að auki. Ákaflega strangur dómur sem Haukar eiga erfitt með að sætta sig við eins og lesa má í viðtali við Aron Kristjánsson hér að neðan. Liðin skiptu fjórum mörkum bróðurlega á milli sín í fyrri framlengingunni en í seinni framlengingunni stungu heimamenn af strax í upphafi. Haukar virtust fara á taugum við það og reyndu erfið skot eftir fáar sendingar í hverri sókninni á fætur annarri og það nýttu Framarar sér. Fram komst í 31-27 og þann mun náðu Haukar aldrei að brúa og Fram fer því á Ásvelli með 2-0 stöðu á laugardaginn og geta tryggt sér Íslandsmeistaratitilinn. Sigurður Eggertsson bar Fram á herðum sér í venjulegum leiktíma og fór á kostum. Það voru svo Róbert Aron Hostert og Jóhann Gunnar Einarsson sem stigu upp í framlengingunni auk þess sem breiddin í liði Fram sýndi styrk sinn. Árni Steinn Steinþórsson var lang öflugastur í sóknarleik Hauka en miklu munaði um að markverðir liðsins náðu sér ekki á strik. Aron: Átti aldrei að fara í framlengingu„Við erum einu marki yfir og 30 sekúndur eftir. Hvað heldur þú að maður sé að reyna að gera, auðvitað reyna að komast i gegn og skora. Þetta orkar tvímælis,“ sagði Aron Kristjánsson þjálfari Hauka um það atvikið þegar Sigurbergur Sveinsson virðist koma Haukum tveimur mörkum yfir og hálf mínúta eftir en í staðin er dæmdur ruðningur og Sigurbergur fær tvær mínútur að auki og Haukar tveimur færri síðustu 30 sekúndur venjulegs leiktíma. „Ég get tekið mörg atvik í viðbót í leiknum. Við áttum auðvitað að vinna þennan leik í venjulegum leiktíma. Ég fatta ekki að það sé verið að setja tvo Framara á leik í úrslita einvígi í Framheimilinu. Ég fatta ekki ákvörðun dómaranefndar. „Það kom berlega í ljós í venjulegum leiktíma. Þetta ræður úrslitum í venjulegum leiktíma. Ég vil taka það fram að þetta er í fyrsta skipti sem ég hef rætt dómara eftir leik. Ég hef haft það fyrir reglu að gera það ekki en ég get ekki orða minna bundist,“ sagði Aron allt annað en sáttur. „Við töpum þessu sjálfir í framlengingunni. Klikkum á dauðafæri og í annarri framlengingunni missum við haus þegar þeir komast tveimur mörkum yfir. Menn léku eins og það væru tíu sekúndur eftir en ekki sex mínútur. Það þurfum við að laga en þessi leikur átti aldrei að fara í framlengingu. „Nú þurfum við að safna kröftum og undirbúa okkur undir slaginn á laugardaginn. Það er ekki boðlegt að þetta vinnist svona. „Við komum mjög öflugir inn þessa úrslitakeppnina og vinnum ÍR sannfærandi. Mér finnst við berjast vel og það er auðvitað fúlt að við áttum að vinna þetta í venjulegum leiktíma. Þetta er bara einn leikur í einu og við þurfum að vinna leikinn á laugardag,“ sagði Aron sem hefur ekki gefist upp þó staðan sé svört. Einar: Sýndum ótrúlegan karakter„Þið eruð alltaf að væla um að þetta séu svo lítil gæði og lítil skemmtun þannig að við höfum komið okkur saman um að skemmta fólki og ef menn skemmtu sér ekki við þetta, allavega Framarar og handboltaáhugafólk þá verða menn að snúa sér að öðru,“ sagði Einar Jónsson þjálfari Fram. „Það er ekkert grín að vera fjórum mörkum undir á móti Haukum en við sýndum ótrúlegan karakter að koma okkur inn í þetta og að klára þetta, lið með enga breidd og alla menn meidda. Að spila í 80 mínútur er þokkalegt afrek. „Við byrjum seinni framlenginguna mjög vel og það skapaði þetta forkost og við náðum að sigla þessu í höfn. „Það er betra að vera 2-0 yfir en 2-0 undir eða 1-1. Það telur ekkert þegar í næsta leik er komið. Sá leikur er bara einn og sér og við þurfum að fara að hugsa um hann. „Við stefnum að því að vinna leikinn og þá er þetta búið. Við ætlum að mæta í leikinn og reyna að ná fram topp frammistöðu og vonandi skilar það einhverju,“ sagði jarðbundinn Einar Jónsson eftir leikinn.Það var hart tekist á í Safamýri í kvöld.Mynd/DaníelFast tekið á Adam Baumruk.Mynd/Daníel Olís-deild karla Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn „Við höfum ekki þekkst lengi en það gengur vel“ Sport Ancelotti gæti gefið leikmönnum sínum frí á miðju tímabili Fótbolti Aðsóknarmet mölbrotið í fyrsta leik kvennaliðs FCK Fótbolti Þrír leikmenn Marseille með vafasama fortíð Fótbolti Ronaldo á skotskónum en Al Nassr beið afhroð Fótbolti Dagskráin í dag: Fallbaráttan í Bestu, enski og svo margt fleira Sport Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Fram er komið í 2-0 í úrslitum N1 deildar karla í handbolta eftir 35-30 sigur á Haukum í tví framlengdum leik. Staðan að loknum venjulegum leiktíma var 25-25. Gríðarleg spenna var í leiknum og jafnt á flestum tölum fyrri hálfleiks venjulegs leiktíma. Haukar voru þó einu marki yfir í hálfleik 13-12. Haukar byrjuðu seinni hálfleik mjög vel og voru fjórum mörkum yfir 19-15 þegar 20 mínútur voru til leiksloka. Fram minnkaði muninn fljótt í eitt mark en náði ekki að jafna metinn fyrr en með síðasta kasti venjulegs leiktíma 25-25. Það vantaði ekki dramatíkina í kringum jöfnunarmark Fram. Haukar voru í sókn þegar hálf mínúta var eftir, einum manni færri. Sigurbergur Sveinsson fer í árás og skorar en fær dæmdan á sig ruðning og tvær mínútur að auki. Ákaflega strangur dómur sem Haukar eiga erfitt með að sætta sig við eins og lesa má í viðtali við Aron Kristjánsson hér að neðan. Liðin skiptu fjórum mörkum bróðurlega á milli sín í fyrri framlengingunni en í seinni framlengingunni stungu heimamenn af strax í upphafi. Haukar virtust fara á taugum við það og reyndu erfið skot eftir fáar sendingar í hverri sókninni á fætur annarri og það nýttu Framarar sér. Fram komst í 31-27 og þann mun náðu Haukar aldrei að brúa og Fram fer því á Ásvelli með 2-0 stöðu á laugardaginn og geta tryggt sér Íslandsmeistaratitilinn. Sigurður Eggertsson bar Fram á herðum sér í venjulegum leiktíma og fór á kostum. Það voru svo Róbert Aron Hostert og Jóhann Gunnar Einarsson sem stigu upp í framlengingunni auk þess sem breiddin í liði Fram sýndi styrk sinn. Árni Steinn Steinþórsson var lang öflugastur í sóknarleik Hauka en miklu munaði um að markverðir liðsins náðu sér ekki á strik. Aron: Átti aldrei að fara í framlengingu„Við erum einu marki yfir og 30 sekúndur eftir. Hvað heldur þú að maður sé að reyna að gera, auðvitað reyna að komast i gegn og skora. Þetta orkar tvímælis,“ sagði Aron Kristjánsson þjálfari Hauka um það atvikið þegar Sigurbergur Sveinsson virðist koma Haukum tveimur mörkum yfir og hálf mínúta eftir en í staðin er dæmdur ruðningur og Sigurbergur fær tvær mínútur að auki og Haukar tveimur færri síðustu 30 sekúndur venjulegs leiktíma. „Ég get tekið mörg atvik í viðbót í leiknum. Við áttum auðvitað að vinna þennan leik í venjulegum leiktíma. Ég fatta ekki að það sé verið að setja tvo Framara á leik í úrslita einvígi í Framheimilinu. Ég fatta ekki ákvörðun dómaranefndar. „Það kom berlega í ljós í venjulegum leiktíma. Þetta ræður úrslitum í venjulegum leiktíma. Ég vil taka það fram að þetta er í fyrsta skipti sem ég hef rætt dómara eftir leik. Ég hef haft það fyrir reglu að gera það ekki en ég get ekki orða minna bundist,“ sagði Aron allt annað en sáttur. „Við töpum þessu sjálfir í framlengingunni. Klikkum á dauðafæri og í annarri framlengingunni missum við haus þegar þeir komast tveimur mörkum yfir. Menn léku eins og það væru tíu sekúndur eftir en ekki sex mínútur. Það þurfum við að laga en þessi leikur átti aldrei að fara í framlengingu. „Nú þurfum við að safna kröftum og undirbúa okkur undir slaginn á laugardaginn. Það er ekki boðlegt að þetta vinnist svona. „Við komum mjög öflugir inn þessa úrslitakeppnina og vinnum ÍR sannfærandi. Mér finnst við berjast vel og það er auðvitað fúlt að við áttum að vinna þetta í venjulegum leiktíma. Þetta er bara einn leikur í einu og við þurfum að vinna leikinn á laugardag,“ sagði Aron sem hefur ekki gefist upp þó staðan sé svört. Einar: Sýndum ótrúlegan karakter„Þið eruð alltaf að væla um að þetta séu svo lítil gæði og lítil skemmtun þannig að við höfum komið okkur saman um að skemmta fólki og ef menn skemmtu sér ekki við þetta, allavega Framarar og handboltaáhugafólk þá verða menn að snúa sér að öðru,“ sagði Einar Jónsson þjálfari Fram. „Það er ekkert grín að vera fjórum mörkum undir á móti Haukum en við sýndum ótrúlegan karakter að koma okkur inn í þetta og að klára þetta, lið með enga breidd og alla menn meidda. Að spila í 80 mínútur er þokkalegt afrek. „Við byrjum seinni framlenginguna mjög vel og það skapaði þetta forkost og við náðum að sigla þessu í höfn. „Það er betra að vera 2-0 yfir en 2-0 undir eða 1-1. Það telur ekkert þegar í næsta leik er komið. Sá leikur er bara einn og sér og við þurfum að fara að hugsa um hann. „Við stefnum að því að vinna leikinn og þá er þetta búið. Við ætlum að mæta í leikinn og reyna að ná fram topp frammistöðu og vonandi skilar það einhverju,“ sagði jarðbundinn Einar Jónsson eftir leikinn.Það var hart tekist á í Safamýri í kvöld.Mynd/DaníelFast tekið á Adam Baumruk.Mynd/Daníel
Olís-deild karla Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn „Við höfum ekki þekkst lengi en það gengur vel“ Sport Ancelotti gæti gefið leikmönnum sínum frí á miðju tímabili Fótbolti Aðsóknarmet mölbrotið í fyrsta leik kvennaliðs FCK Fótbolti Þrír leikmenn Marseille með vafasama fortíð Fótbolti Ronaldo á skotskónum en Al Nassr beið afhroð Fótbolti Dagskráin í dag: Fallbaráttan í Bestu, enski og svo margt fleira Sport Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira