Umfjöllun og viðtöl: Haukar - FH 21-25 | FH náði að hefna Guðmundur Marinó Ingvarsson skrifar 9. febrúar 2013 00:01 FH varð í dag fyrsta liðið til að sigra Hauka í N1 deild karla í handbolta þegar FH vann leik liðanna á Ásvöllum 25-21. FH lagði grunninn að sigrinum í byrjun leiks þegar liðið skoraði sex fyrstu mörk leiksins. Haukar unnu fyrri leik liðanna í deildinni í Kaplakrika með þrettán marka mun og það var ljóst strax í upphafi að það slys ætlaði FH ekki að endurtaka. Liðið lék frábæra vörn og var staðan orðin 6-0 þegar Haukar skoruðu sitt fyrsta mark á 11 mínútu leiksins. FH náði mest sjö marka forystu í fyrri hálfleik, 10-3, en Haukar náðu að vinna sig hægt og rólega inn í leikinn þegar liðið fór að leika betri vörn og liðið fór að finna Jón Þorbjörn Jóhannsson inni á línunni en FH réð lítið við Jón á löngum köflum í leiknum. Aðeins munaði þremur mörkum í hálfleik, 12-9, og skoruðu Haukar auk þess fyrsta mark seinni hálfleiks og leikurinn því galopinn. Nær komust Haukar ekki því FH svaraði af krafti með góðum leik jafnt í vörn og sókn. FH komst fimm mörkum yfir 22-17 þegar tíu mínútur voru eftir en þá skoruðu Haukar þrjú mörk í röð og staðan 22-20 þegar fjórar mínútur voru eftir. Aftur svaraði FH með góðum varnarleik og þrjú FH mörk í röð gerðu endanlega út um leikinn. Daníel Freyr Andrésson átti góðan leik í marki FH fyrir aftan frábæra vörn liðsins en vörn FH þvingaði mörg skota Hauka framhjá markinu. Ásbjörn Friðriksson lét mikið til sín taka og dró vagninn en margir leikmanna FH áttu mjög góðan leik. Einar Rafn Eiðsson nýtti færin sín mjög vel, Ragnar Jóhannsson fór á kostum á kafla og Magnús Óli Magnússon var mjög drjúgur. Svo má ekki gleyma varnartröllinu unga Ísaki Rafnssyni sem átti frábæran leik í vörninni eins reyndar allt liðið. Fyrir utan Jón Þorbjörn náðu fáir leikmanna Hauka sér á strik. Aron Rafn Eðvarðsson byrjaði á bekknum en varði vel eftir að hann kom inn á í fyrri hálfleik en náði sér ekki á strik eftir hálfleikinn. Sigurbergur Sveinsson átti góða rispu en var of mistækur eins og flestir samherjar hans. Með sigrinum minnkaði FH forystu Hauka á toppi N1 deildarinnar niður í sex stig þegar sjö umferðir eru eftir. Staða Hauka á toppi deildarinnar er því enn góð en liðið má ekki misstíga sig mikið haldi FH áfram að vinna en FH hefur unnið sex leiki í röð í deildinni, liðið tapaði síðast 15. nóvember. Á þessum tíma hefur liðið auk þess unnið bikarleik og báða leiki sína í deildarbikarnum. Alls níu sigrar hjá FH í röð frá því um miðjan nóvember. Einar Andri: Fáum á baukinn ef við höldum að við séum ósigrandi„Þetta var frábær leikur hjá strákunum. Það small allt hjá okkur í dag. Við mættum klárir til leiks og vorum mjög einbeittir. Spennustigið var virkilega gott og mér fannst þetta vera mjög sanngjarnt og sannfærandi allan leikinn," sagði Einar Andri Einarsson þjálfari FH eftir leikinn. „Við töluðum ekki mikið um úrslit fyrri leiksins. Við ætluðum bara að spila góðan handbolta. Ef menn eru í einhverjum hefndarhug þá fer það yfirleitt í einhverjar allt aðrar áttir. „Við reynum að spila vel í hverjum leik og ná í sigra. Ef við förum að halda að við séum ósigrandi þá eigum við eftir að fá á baukinn eins og við fengum næstum því í síðustu umferð á móti Aftureldingu. Það er stutt á milli í þessu. „Ég held að það sé algjörlega útilokað að ná Haukum miðað við þeirra spilamennsku í vetur. Við horfum að minnsta kosti ekki á það. Við ætlum að einbeita okkur að því að tryggja sæti í úrslitakeppninni," sagði Einar Andri að lokum um möguleika FH á að ná Haukum á toppi deildarinnar. Aron: Ágætis áminning og gott kjaftshögg að fá„Ég er ósáttur við ósigurinn. Við mættum ekki til leiks hér í dag. Lendum 6-0 undir og það var þannig að það var ekkert í lagi hjá okkur í upphafi leiks. En við náðum að rífa okkur upp eftir þessa slæmu byrjun og koma okkur inn í leikinn. Svo vantaði aðeins meiri markvörslu í byrjun seinni hálfleiks og aðeins meiri karakter og klókindi sóknarlega en það má ekki taka það af FH-ingunum, þeir spiluðu mjög vel í dag," sagði Aron Kristjánsson þjálfari Hauka. „Við vorum gjörsamlega sofandi í byrjun og það gengur ekki upp á móti jafn sterku liði og FH er. FH er með mjög jafna og sterka einstaklinga eins og skytturnar þeirra í dag sem voru mjög öflugar og þá er erfitt við þá að eiga. „Heilt yfir hefði ég viljað sjá betri markvörslu, betri varnarleik og meiri skynsemi í sókninni. Það var í raun allt að. Ég er frekar ósáttur við allt í okkar leik í dag og hugarfarið. Að mæta svona í leik á móti FH. „Menn eru að láta þetta átta stiga forskot á toppnum svæfa sig. Spennustigið var allt of lágt. Ég fann það í upphitun. Menn voru voðalega dofnir og við náðum ekki að rífa okkur upp. Það var ekki fyrr en eftir þetta kjaftshögg í byrjun að menn vöknuðu. „Það er erfitt að þurfa að elta þessi sex mörk í byrjun en menn lögðu sig fram og börðust og reyndu að vinna leikinn. Það er ánægjulegt en það er þessi undirbúningur fyrir leikinn sem er ekki í lagi. „Ef við höldum svona eftir áramót þá verður þetta mjög erfitt en við sýndum það fyrir áramót og við höfum sýnt það áður að þegar menn eru virkilega einbeittir og vinna vel utan vallar þá erum við stöðugir og öflugir. Þetta var ágætis áminning og gott kjaftshögg að fá. Nú þurfum við að rífa okkur upp," sagði Aron að lokum. Ásbjörn: Hefðum getað skorað ennþá meira„Við vorum ekki sérstaklega í hefndar hug heldur vorum við meira að sanna fyrir okkur sjálfum, áhorfendum og þeim sem standa að félaginu hvað við getum með því að mæta klárir og leika góðan leik og sjá hvað það skilar okkur. Þegar við spilum eins vel og við getum skilar það yfirleitt sigri og það gerðist í dag,“ sagði Ásbjörn Friðriksson leikstjórnandi FH en fyrsti leikur hans með FH á nýjan leik var í fyrri leik liðanna á Kaplakrika þar sem Haukar höfðu betur. „Það er gott þegar við erum svona þéttir og náum upp varnarleiknum. Við vitum að við erum með frábæran markmann. Hann lokar stundum heilu æfingarnar og það er fínt þegar hann nær því í leikjum líka. „Þegar þetta fór niður í tvö, þrjú, þá náum við að skora og vera skynsamir. Þá spilum við það sem okkur fannst þægilegt. Þegar við klúðruðum sóknum þá var það meira okkar feilar en þeir væru að gera vel. Við héldum áfram okkar taktík og það skilaði sér í opnum færum trekk í trekk. Við hefðum getað skorað ennþá meira. „Við erum á útivelli á móti toppliðinu og maður getur ekki verið það hrokafullur að halda að þetta sé í hendi sér. Forystan virkaði þægileg þar sem við náðum alltaf að skora en um leið og maður klikkar þá lítur þetta ekki eins vel út. „Þegar það skipti máli þá náðum við góðri markvörslu og spiluðum góða vörn en ég hefði viljað fá í þessum tveimur síðustu leikjum fleiri hraðaupphlaup. Við höfum staðið vörnina vel og þurfum þá að fá hrein hraðaupphlaup. Það er eitthvað sem við getum bætt og nokkur smá atriði sóknar- og varnarlega sem við þurfum að halda áfram að bæta,“ sagði Ásbjörn. Olís-deild karla Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti „Við höfum ekki þekkst lengi en það gengur vel“ Sport Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Þrír leikmenn Marseille með vafasama fortíð Fótbolti Ancelotti gæti gefið leikmönnum sínum frí á miðju tímabili Fótbolti Aðsóknarmet mölbrotið í fyrsta leik kvennaliðs FCK Fótbolti Ronaldo á skotskónum en Al Nassr beið afhroð Fótbolti Atli Barkarson á leið til Belgíu Fótbolti Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
FH varð í dag fyrsta liðið til að sigra Hauka í N1 deild karla í handbolta þegar FH vann leik liðanna á Ásvöllum 25-21. FH lagði grunninn að sigrinum í byrjun leiks þegar liðið skoraði sex fyrstu mörk leiksins. Haukar unnu fyrri leik liðanna í deildinni í Kaplakrika með þrettán marka mun og það var ljóst strax í upphafi að það slys ætlaði FH ekki að endurtaka. Liðið lék frábæra vörn og var staðan orðin 6-0 þegar Haukar skoruðu sitt fyrsta mark á 11 mínútu leiksins. FH náði mest sjö marka forystu í fyrri hálfleik, 10-3, en Haukar náðu að vinna sig hægt og rólega inn í leikinn þegar liðið fór að leika betri vörn og liðið fór að finna Jón Þorbjörn Jóhannsson inni á línunni en FH réð lítið við Jón á löngum köflum í leiknum. Aðeins munaði þremur mörkum í hálfleik, 12-9, og skoruðu Haukar auk þess fyrsta mark seinni hálfleiks og leikurinn því galopinn. Nær komust Haukar ekki því FH svaraði af krafti með góðum leik jafnt í vörn og sókn. FH komst fimm mörkum yfir 22-17 þegar tíu mínútur voru eftir en þá skoruðu Haukar þrjú mörk í röð og staðan 22-20 þegar fjórar mínútur voru eftir. Aftur svaraði FH með góðum varnarleik og þrjú FH mörk í röð gerðu endanlega út um leikinn. Daníel Freyr Andrésson átti góðan leik í marki FH fyrir aftan frábæra vörn liðsins en vörn FH þvingaði mörg skota Hauka framhjá markinu. Ásbjörn Friðriksson lét mikið til sín taka og dró vagninn en margir leikmanna FH áttu mjög góðan leik. Einar Rafn Eiðsson nýtti færin sín mjög vel, Ragnar Jóhannsson fór á kostum á kafla og Magnús Óli Magnússon var mjög drjúgur. Svo má ekki gleyma varnartröllinu unga Ísaki Rafnssyni sem átti frábæran leik í vörninni eins reyndar allt liðið. Fyrir utan Jón Þorbjörn náðu fáir leikmanna Hauka sér á strik. Aron Rafn Eðvarðsson byrjaði á bekknum en varði vel eftir að hann kom inn á í fyrri hálfleik en náði sér ekki á strik eftir hálfleikinn. Sigurbergur Sveinsson átti góða rispu en var of mistækur eins og flestir samherjar hans. Með sigrinum minnkaði FH forystu Hauka á toppi N1 deildarinnar niður í sex stig þegar sjö umferðir eru eftir. Staða Hauka á toppi deildarinnar er því enn góð en liðið má ekki misstíga sig mikið haldi FH áfram að vinna en FH hefur unnið sex leiki í röð í deildinni, liðið tapaði síðast 15. nóvember. Á þessum tíma hefur liðið auk þess unnið bikarleik og báða leiki sína í deildarbikarnum. Alls níu sigrar hjá FH í röð frá því um miðjan nóvember. Einar Andri: Fáum á baukinn ef við höldum að við séum ósigrandi„Þetta var frábær leikur hjá strákunum. Það small allt hjá okkur í dag. Við mættum klárir til leiks og vorum mjög einbeittir. Spennustigið var virkilega gott og mér fannst þetta vera mjög sanngjarnt og sannfærandi allan leikinn," sagði Einar Andri Einarsson þjálfari FH eftir leikinn. „Við töluðum ekki mikið um úrslit fyrri leiksins. Við ætluðum bara að spila góðan handbolta. Ef menn eru í einhverjum hefndarhug þá fer það yfirleitt í einhverjar allt aðrar áttir. „Við reynum að spila vel í hverjum leik og ná í sigra. Ef við förum að halda að við séum ósigrandi þá eigum við eftir að fá á baukinn eins og við fengum næstum því í síðustu umferð á móti Aftureldingu. Það er stutt á milli í þessu. „Ég held að það sé algjörlega útilokað að ná Haukum miðað við þeirra spilamennsku í vetur. Við horfum að minnsta kosti ekki á það. Við ætlum að einbeita okkur að því að tryggja sæti í úrslitakeppninni," sagði Einar Andri að lokum um möguleika FH á að ná Haukum á toppi deildarinnar. Aron: Ágætis áminning og gott kjaftshögg að fá„Ég er ósáttur við ósigurinn. Við mættum ekki til leiks hér í dag. Lendum 6-0 undir og það var þannig að það var ekkert í lagi hjá okkur í upphafi leiks. En við náðum að rífa okkur upp eftir þessa slæmu byrjun og koma okkur inn í leikinn. Svo vantaði aðeins meiri markvörslu í byrjun seinni hálfleiks og aðeins meiri karakter og klókindi sóknarlega en það má ekki taka það af FH-ingunum, þeir spiluðu mjög vel í dag," sagði Aron Kristjánsson þjálfari Hauka. „Við vorum gjörsamlega sofandi í byrjun og það gengur ekki upp á móti jafn sterku liði og FH er. FH er með mjög jafna og sterka einstaklinga eins og skytturnar þeirra í dag sem voru mjög öflugar og þá er erfitt við þá að eiga. „Heilt yfir hefði ég viljað sjá betri markvörslu, betri varnarleik og meiri skynsemi í sókninni. Það var í raun allt að. Ég er frekar ósáttur við allt í okkar leik í dag og hugarfarið. Að mæta svona í leik á móti FH. „Menn eru að láta þetta átta stiga forskot á toppnum svæfa sig. Spennustigið var allt of lágt. Ég fann það í upphitun. Menn voru voðalega dofnir og við náðum ekki að rífa okkur upp. Það var ekki fyrr en eftir þetta kjaftshögg í byrjun að menn vöknuðu. „Það er erfitt að þurfa að elta þessi sex mörk í byrjun en menn lögðu sig fram og börðust og reyndu að vinna leikinn. Það er ánægjulegt en það er þessi undirbúningur fyrir leikinn sem er ekki í lagi. „Ef við höldum svona eftir áramót þá verður þetta mjög erfitt en við sýndum það fyrir áramót og við höfum sýnt það áður að þegar menn eru virkilega einbeittir og vinna vel utan vallar þá erum við stöðugir og öflugir. Þetta var ágætis áminning og gott kjaftshögg að fá. Nú þurfum við að rífa okkur upp," sagði Aron að lokum. Ásbjörn: Hefðum getað skorað ennþá meira„Við vorum ekki sérstaklega í hefndar hug heldur vorum við meira að sanna fyrir okkur sjálfum, áhorfendum og þeim sem standa að félaginu hvað við getum með því að mæta klárir og leika góðan leik og sjá hvað það skilar okkur. Þegar við spilum eins vel og við getum skilar það yfirleitt sigri og það gerðist í dag,“ sagði Ásbjörn Friðriksson leikstjórnandi FH en fyrsti leikur hans með FH á nýjan leik var í fyrri leik liðanna á Kaplakrika þar sem Haukar höfðu betur. „Það er gott þegar við erum svona þéttir og náum upp varnarleiknum. Við vitum að við erum með frábæran markmann. Hann lokar stundum heilu æfingarnar og það er fínt þegar hann nær því í leikjum líka. „Þegar þetta fór niður í tvö, þrjú, þá náum við að skora og vera skynsamir. Þá spilum við það sem okkur fannst þægilegt. Þegar við klúðruðum sóknum þá var það meira okkar feilar en þeir væru að gera vel. Við héldum áfram okkar taktík og það skilaði sér í opnum færum trekk í trekk. Við hefðum getað skorað ennþá meira. „Við erum á útivelli á móti toppliðinu og maður getur ekki verið það hrokafullur að halda að þetta sé í hendi sér. Forystan virkaði þægileg þar sem við náðum alltaf að skora en um leið og maður klikkar þá lítur þetta ekki eins vel út. „Þegar það skipti máli þá náðum við góðri markvörslu og spiluðum góða vörn en ég hefði viljað fá í þessum tveimur síðustu leikjum fleiri hraðaupphlaup. Við höfum staðið vörnina vel og þurfum þá að fá hrein hraðaupphlaup. Það er eitthvað sem við getum bætt og nokkur smá atriði sóknar- og varnarlega sem við þurfum að halda áfram að bæta,“ sagði Ásbjörn.
Olís-deild karla Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti „Við höfum ekki þekkst lengi en það gengur vel“ Sport Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Þrír leikmenn Marseille með vafasama fortíð Fótbolti Ancelotti gæti gefið leikmönnum sínum frí á miðju tímabili Fótbolti Aðsóknarmet mölbrotið í fyrsta leik kvennaliðs FCK Fótbolti Ronaldo á skotskónum en Al Nassr beið afhroð Fótbolti Atli Barkarson á leið til Belgíu Fótbolti Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira