Missti vitið og brotnaði niður Henry Birgir Gunnarsson skrifar 10. júní 2013 06:30 Sunneva segist ekki hafa áhuga á að því að spila áfram á Íslandi.fréttablaðið/vilhelm „Ég er mjög ósátt við það hvernig þau stóðu að þessu máli. Mér finnst ég ekki eiga þetta skilið eftir að hafa lent í öðru sæti og staðið mig vel í úrslitakeppninni,“ segir markvörðurinn Sunneva Einarsdóttir sem er án félags en hún rifti samningi sínum við Stjörnuna fyrir helgi. Hún ákvað að gera það er stjórn handknattleiksdeildar tilkynnti henni að félagið væri búið að semja við Florentinu Stanciu sem hefur verið einn besti markvörður deildarinnar síðustu ár. Sunneva skrifaði undir svokallaðan einn plús einn samning við Stjörnuna í fyrra en nefndi í leiðinni að hún hefði áhuga á því að komast jafnvel út eftir tvö til þrjú ár. „Þau sögðu að það væri frábært. Ég gæti verið hjá þeim sem aðalmarkvörður og svo myndu þau aldrei standa í vegi fyrir því ef ég vildi komast út,“ segir Sunneva. Strax í úrslitakeppninni fór af stað orðrómur um að Florentina væri á leið í Stjörnuna. Sunnevu var þá tjáð að ekkert væri til í því. Á fimmtudegi í þar síðustu viku tjáir þjálfari liðsins, Skúli Gunnsteinsson, henni að Florentina sé væntanlega á leiðinni.Brotnaði niður á fundinum „Ég sagði við Skúla að ég myndi bilast ef hún kæmi. Ég sagði honum einnig að ég væri farin ef þannig færi. Svo heyri ég ekki frá neinum í viku. Ég er svo kölluð á fund á síðasta fimmtudag og á þessum fundi er mér tilkynnt að það sé klárt að Flora komi. Ég ætlaði að segja svo margt á þessum fundi en ég kom því ekki frá mér því ég byrjaði að gráta og hreinlega skalf. Ég missti bara vitið og brotnaði niður. Ég stóð svo upp, þurrkaði tárin og sagði þeim að ég myndi rifta samningnum. Svo rauk ég út,“ segir Sunneva en hún er ekki sátt við vinnubrögð handknattleiksdeildar. „Það var engin miskunn hjá þeim. Þau skildu ekki af hverju ég væri fúl og af hverju ég væri að kvarta yfir vinnubrögðunum. Kannski er ekki eðlilegt að tala við mig í viku en hvar er siðferðið á bak við þetta? Hvað með mig? Er í lagi að láta mig bara bíða í viku. Þetta er ein óþægilegasta vika sem ég hef upplifað.“Ég er ekki heimsk Stjarnan vildi halda Sunnevu og sagði að þær tvær gætu orðið frábært markvarðapar. „Þau sögðu að hún yrði ekki endilega fyrsti markvörður. Ég er ekki svo heimsk. Hún er frábær, betri og með meiri reynslu þó svo ég sé alveg ágæt líka. Ég er á þeim tímapunkti að ég þarf að spila í 50-60 mínútur.“ Sunneva segir að Stjarnan hafi tjáð henni að ástæðan fyrir því að þau hafi viljað fá Floru sé sú að Sunneva hafi verið að horfa til útlanda. „Þau eru að nota það og fela sig á bak við að ég sé að fara út. Segjast ekki vilja standa uppi markvarðarlaus næsta tímabil. Það er mjög ósanngjarnt að mínu mati. Það er verið að refsa mér fyrir að vilja fara út. Ég ætlaði mér að vera áfram og var búin að hafna félögum hér heima og þremur í Noregi,“ segir Sunneva og bætir við að hún sé mjög þakklát fyrir þann stuðning sem hún hefur fengið frá félögum sínum í Stjörnuliðinu. „Þær eru heldur ekki sáttar við þessi vinnubrögð og það segir margt. Auðvitað vilja þær fá Floru en þær vilja heldur ekki missa mig og sögðu mér það. Ég er mjög mikilvæg félagslega sem skiptir líka máli. Ég er trúðurinn í klefanum sem heldur uppi stemningu.“ Tímabilið byrjaði mjög illa hjá Stjörnunni en liðinu óx ásmegin eftir því sem leið á tímabilið. Stjarnan gerði sér lítið fyrir og lagði þáverandi Íslandsmeistara Vals í undanúrslitum en varð svo að játa sig sigraða í úrslitunum gegn Fram. „Miðað við hvernig ég stóð mig í úrslitakeppninni finnst mér ég ekki eiga það skilið að liðið sé að ná í Floru þó svo hún sé auðvitað frábær markvörður. Ég get líka staðið mig vel og er þar fyrir utan talsvert ódýrari en hún.“Komin með ógeð Sunneva er orðin 23 ára gömul og hefur farið víða á stuttum ferli. Hún hefur líka verið í Fylki, Fram og Val. Þessi uppákoma hefur ekki farið vel í hana og hún er búin að fá nóg af handbolta í bili. „Margir væru búnir að gefast upp og hætta. Ég á mjög auðvelt með að aðlagast nýjum hópum en núna sé ég mig ekki skipta um lið og spila handbolta hér heima. Ég er komin með ógeð og hef aldrei verið svona áður. Ég er að spá í taka mér frí og verða jafnvel flugfreyja,“ segir Sunneva og viðurkennir að eðlilega sé hún sár yfir þessari atburðarás. „Þetta er smá höfnun og þau voru að tala um að vinna titla. Við sáum í vetur að liðið getur vel unnið titla með mér. Við vorum ansi nálægt því.“ Eins og áður segir er Sunneva ekki spennt fyrir því að spila áfram hér heima þó svo hún hafi ætlað sér það. „Ég er með eitt lið í Noregi sem ég fer kannski að skoða fyrst staðan er orðin svona. Mig langar ekki að spila með liði á Íslandi.“ Olís-deild kvenna Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Slot sammála Klopp varðandi hádegisleiki Enski boltinn „Við höfum ekki þekkst lengi en það gengur vel“ Sport „Engar áhyggjur, við hittumst aftur“ Enski boltinn Ancelotti gæti gefið leikmönnum sínum frí á miðju tímabili Fótbolti Þrír leikmenn Marseille með vafasama fortíð Fótbolti Aðsóknarmet mölbrotið í fyrsta leik kvennaliðs FCK Fótbolti Ronaldo á skotskónum en Al Nassr beið afhroð Fótbolti Atli Barkarson á leið til Belgíu Fótbolti Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
„Ég er mjög ósátt við það hvernig þau stóðu að þessu máli. Mér finnst ég ekki eiga þetta skilið eftir að hafa lent í öðru sæti og staðið mig vel í úrslitakeppninni,“ segir markvörðurinn Sunneva Einarsdóttir sem er án félags en hún rifti samningi sínum við Stjörnuna fyrir helgi. Hún ákvað að gera það er stjórn handknattleiksdeildar tilkynnti henni að félagið væri búið að semja við Florentinu Stanciu sem hefur verið einn besti markvörður deildarinnar síðustu ár. Sunneva skrifaði undir svokallaðan einn plús einn samning við Stjörnuna í fyrra en nefndi í leiðinni að hún hefði áhuga á því að komast jafnvel út eftir tvö til þrjú ár. „Þau sögðu að það væri frábært. Ég gæti verið hjá þeim sem aðalmarkvörður og svo myndu þau aldrei standa í vegi fyrir því ef ég vildi komast út,“ segir Sunneva. Strax í úrslitakeppninni fór af stað orðrómur um að Florentina væri á leið í Stjörnuna. Sunnevu var þá tjáð að ekkert væri til í því. Á fimmtudegi í þar síðustu viku tjáir þjálfari liðsins, Skúli Gunnsteinsson, henni að Florentina sé væntanlega á leiðinni.Brotnaði niður á fundinum „Ég sagði við Skúla að ég myndi bilast ef hún kæmi. Ég sagði honum einnig að ég væri farin ef þannig færi. Svo heyri ég ekki frá neinum í viku. Ég er svo kölluð á fund á síðasta fimmtudag og á þessum fundi er mér tilkynnt að það sé klárt að Flora komi. Ég ætlaði að segja svo margt á þessum fundi en ég kom því ekki frá mér því ég byrjaði að gráta og hreinlega skalf. Ég missti bara vitið og brotnaði niður. Ég stóð svo upp, þurrkaði tárin og sagði þeim að ég myndi rifta samningnum. Svo rauk ég út,“ segir Sunneva en hún er ekki sátt við vinnubrögð handknattleiksdeildar. „Það var engin miskunn hjá þeim. Þau skildu ekki af hverju ég væri fúl og af hverju ég væri að kvarta yfir vinnubrögðunum. Kannski er ekki eðlilegt að tala við mig í viku en hvar er siðferðið á bak við þetta? Hvað með mig? Er í lagi að láta mig bara bíða í viku. Þetta er ein óþægilegasta vika sem ég hef upplifað.“Ég er ekki heimsk Stjarnan vildi halda Sunnevu og sagði að þær tvær gætu orðið frábært markvarðapar. „Þau sögðu að hún yrði ekki endilega fyrsti markvörður. Ég er ekki svo heimsk. Hún er frábær, betri og með meiri reynslu þó svo ég sé alveg ágæt líka. Ég er á þeim tímapunkti að ég þarf að spila í 50-60 mínútur.“ Sunneva segir að Stjarnan hafi tjáð henni að ástæðan fyrir því að þau hafi viljað fá Floru sé sú að Sunneva hafi verið að horfa til útlanda. „Þau eru að nota það og fela sig á bak við að ég sé að fara út. Segjast ekki vilja standa uppi markvarðarlaus næsta tímabil. Það er mjög ósanngjarnt að mínu mati. Það er verið að refsa mér fyrir að vilja fara út. Ég ætlaði mér að vera áfram og var búin að hafna félögum hér heima og þremur í Noregi,“ segir Sunneva og bætir við að hún sé mjög þakklát fyrir þann stuðning sem hún hefur fengið frá félögum sínum í Stjörnuliðinu. „Þær eru heldur ekki sáttar við þessi vinnubrögð og það segir margt. Auðvitað vilja þær fá Floru en þær vilja heldur ekki missa mig og sögðu mér það. Ég er mjög mikilvæg félagslega sem skiptir líka máli. Ég er trúðurinn í klefanum sem heldur uppi stemningu.“ Tímabilið byrjaði mjög illa hjá Stjörnunni en liðinu óx ásmegin eftir því sem leið á tímabilið. Stjarnan gerði sér lítið fyrir og lagði þáverandi Íslandsmeistara Vals í undanúrslitum en varð svo að játa sig sigraða í úrslitunum gegn Fram. „Miðað við hvernig ég stóð mig í úrslitakeppninni finnst mér ég ekki eiga það skilið að liðið sé að ná í Floru þó svo hún sé auðvitað frábær markvörður. Ég get líka staðið mig vel og er þar fyrir utan talsvert ódýrari en hún.“Komin með ógeð Sunneva er orðin 23 ára gömul og hefur farið víða á stuttum ferli. Hún hefur líka verið í Fylki, Fram og Val. Þessi uppákoma hefur ekki farið vel í hana og hún er búin að fá nóg af handbolta í bili. „Margir væru búnir að gefast upp og hætta. Ég á mjög auðvelt með að aðlagast nýjum hópum en núna sé ég mig ekki skipta um lið og spila handbolta hér heima. Ég er komin með ógeð og hef aldrei verið svona áður. Ég er að spá í taka mér frí og verða jafnvel flugfreyja,“ segir Sunneva og viðurkennir að eðlilega sé hún sár yfir þessari atburðarás. „Þetta er smá höfnun og þau voru að tala um að vinna titla. Við sáum í vetur að liðið getur vel unnið titla með mér. Við vorum ansi nálægt því.“ Eins og áður segir er Sunneva ekki spennt fyrir því að spila áfram hér heima þó svo hún hafi ætlað sér það. „Ég er með eitt lið í Noregi sem ég fer kannski að skoða fyrst staðan er orðin svona. Mig langar ekki að spila með liði á Íslandi.“
Olís-deild kvenna Mest lesið Brady ánægður með ráðherrasoninn Enski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Slot sammála Klopp varðandi hádegisleiki Enski boltinn „Við höfum ekki þekkst lengi en það gengur vel“ Sport „Engar áhyggjur, við hittumst aftur“ Enski boltinn Ancelotti gæti gefið leikmönnum sínum frí á miðju tímabili Fótbolti Þrír leikmenn Marseille með vafasama fortíð Fótbolti Aðsóknarmet mölbrotið í fyrsta leik kvennaliðs FCK Fótbolti Ronaldo á skotskónum en Al Nassr beið afhroð Fótbolti Atli Barkarson á leið til Belgíu Fótbolti Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira