Semur alla tónlist fyrir Broadchurch Elín Albertsdóttir skrifar 31. júlí 2013 13:45 Ólafur Arnalds semur alla tónlist fyrir glænýja sjónvarpsþætti, Broadchurch, sem hafa slegið áhorfsmet í Bretlandi. Þættirnir verða sýndir á Stöð 2 á sunnudögum, fyrsti þáttur þann 11. ágúst. Þættirnir hafa hlotið frábærar viðtökur og slegið í gegn á Bretlandi. Þeir eru nú að fara í sýningu í Bandaríkjunum og hundrað öðrum löndum. Ólafur var spurður hvernig það hefði komið til að hann var valinn í þetta stóra verkefni. „Chris Chibnall, höfundur Broadchurch, hafði samband við mig en hann var að hlusta á lögin mín þegar fyrstu drög að þáttunum urðu til. Hann býr við ströndina þar sem þættirnir gerast og fór oft í kvöldgöngur til að fá innblástur. Þá var hann með tónlistina mína í eyrunum. Hún var þess vegna frá upphafi tengd hugmyndinni,“ útskýrir Ólafur. „Mér fannst verkefnið spennandi þótt ég vissi ekkert í upphafi hvernig það myndi þróast. Chris sendi mér uppkast að handriti sem mér leist mjög vel á. Síðan fór ég til London og hitti þá sem tengdust þáttunum. Mér leist vel á allt þetta góða fólk og langaði strax að vinna frekar með því. Ég vissi ekkert þá hvort þættirnir næðu vinsældum,“ segir Ólafur og bætir við að margt sé hægt að læra af slíkum fagmönnum sem þarna voru. „Þetta var því mikil reynsla fyrir mig.“Framhald í undirbúningi Næsta þáttaröð er í undirbúningi og Ólafur verður áfram með alla músik. „Tónlistin er töluvert fyrirferðarmikil í þáttunum og skiptir miklu máli í þeim. Ég fór út og fylgdist með nokkrum tökum en þar fann ég rétta andann fyrir framhaldið. Síðan beið ég eftir að fá gróft klipp af þáttunum til að ljúka við tónlistina. Þetta var sérstaklega skemmtilegt verkefni þótt það hafi tekið mikinn tíma og verið strembið. Ég bjó til fjóran og hálfan klukkutíma af músik á rúmum fjórum mánuðum sem jafngildir fimm hljómplötum.“David Tennant, sem leikur Alec Hardy, og Olivia Colman í hlutverki Ellie Miller í sjónvarpsþáttunum Broadchurch.Spennandi þættir Ólafur segir að þættirnir séu gríðarlega spennandi og áhorfendur Stöðvar 2 eigi frábær sjónvarpskvöld í vændum með Broadchurch. „Ég var búinn að lesa handrit að nokkrum þáttum en hafði samt enga hugmynd um hver morðinginn væri fyrr en ég las það á síðustu blaðsíðunni. „Mér komu í hug þættir eins og Glæpurinn og The Killing, það er einhver skandinavískur blær á þeim. Þættirnir eru dýpri en margir breskir sakamálaþættir, þeir fjalla ekki bara um hver er morðinginn heldur einnig samfélagsmeinið sem veldur og hvaða áhrif atburðurinn hefur á tíu þúsund manna bæ. Íslendingar geta vel samsamað sig efni þáttanna,“ segir Ólafur. „Ég mæli hiklaust með Broadchurch þótt ég sé hlutdrægur.“ Broadchurch gerist í litlum, breskum bæ við strönd Dorset. Lík af ellefu ára dreng finnst á ströndinni og fljótlega kemur í ljós að hann hefur verið myrtur.Mörg atvinnutilboð Eftir að þættirnir voru sýndir í Bretlandi hafa Ólafi boðist mörg atvinnutilboð fyrir sjónvarp og kvikmyndir. Hann er hins vegar fullbókaður út þetta ár. „Ég hef afþakkað nokkur stór og spennandi verkefni.“ Ólafur vinnur tónlistina hér heima en hann þurfti þó að vera með annan fótinn í London meðan á vinnunni stóð. „Við tókum tónlistina upp í Langholtskirkju og í mínu eigin stúdíói með íslensku tónlistarfólki.“ Ólafur gaf út sína fjórðu plötu, For Now I Am Winter, í febrúar. „Ég hef verið á tónleikaferðalagi um heiminn frá því í apríl meðal annars um Evrópu og Bandaríkin. Ég er í smá fríi hér heima núna og var meðal annars að ganga á Hornstrandir. Í september fer ég til Asíu og Ástralíu í áframhaldandi tónleikaferð og síðan aftur til Bandaríkjanna. Tónleikarnir verða yfir hundrað á þessu ári svo það fer mikill tími í þá,“ segir Ólafur sem segist ekki vilja festast í kvikmyndatónlist þótt það sé skemmtilegt með öðru. Hann segist vera byrjaður að hugsa næstu plötu en fyrst koma nokkur kvikmyndaverkefni. „Ég er núna að byrja á tónlist fyrir íslenska kvikmynd sem heitir Vonarstræti.“ Mest lesið Hefur gefið út tvö hundruð lög á fimm mánuðum Lífið Alain Delon látinn Lífið Heitustu hinsegin pör landsins Lífið Hrútaþukl á Íslandsmeistaramóti í hrútadómum Lífið Byrjaði í smábrotum en vatt svo upp á sig Lífið Krakkatían: Teiknimyndir, mjólkurvörur og tölvuleikir Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Dró Antonio grunlausan með sér í Gamla bíó Lífið Ekki búið spil Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira
Þættirnir hafa hlotið frábærar viðtökur og slegið í gegn á Bretlandi. Þeir eru nú að fara í sýningu í Bandaríkjunum og hundrað öðrum löndum. Ólafur var spurður hvernig það hefði komið til að hann var valinn í þetta stóra verkefni. „Chris Chibnall, höfundur Broadchurch, hafði samband við mig en hann var að hlusta á lögin mín þegar fyrstu drög að þáttunum urðu til. Hann býr við ströndina þar sem þættirnir gerast og fór oft í kvöldgöngur til að fá innblástur. Þá var hann með tónlistina mína í eyrunum. Hún var þess vegna frá upphafi tengd hugmyndinni,“ útskýrir Ólafur. „Mér fannst verkefnið spennandi þótt ég vissi ekkert í upphafi hvernig það myndi þróast. Chris sendi mér uppkast að handriti sem mér leist mjög vel á. Síðan fór ég til London og hitti þá sem tengdust þáttunum. Mér leist vel á allt þetta góða fólk og langaði strax að vinna frekar með því. Ég vissi ekkert þá hvort þættirnir næðu vinsældum,“ segir Ólafur og bætir við að margt sé hægt að læra af slíkum fagmönnum sem þarna voru. „Þetta var því mikil reynsla fyrir mig.“Framhald í undirbúningi Næsta þáttaröð er í undirbúningi og Ólafur verður áfram með alla músik. „Tónlistin er töluvert fyrirferðarmikil í þáttunum og skiptir miklu máli í þeim. Ég fór út og fylgdist með nokkrum tökum en þar fann ég rétta andann fyrir framhaldið. Síðan beið ég eftir að fá gróft klipp af þáttunum til að ljúka við tónlistina. Þetta var sérstaklega skemmtilegt verkefni þótt það hafi tekið mikinn tíma og verið strembið. Ég bjó til fjóran og hálfan klukkutíma af músik á rúmum fjórum mánuðum sem jafngildir fimm hljómplötum.“David Tennant, sem leikur Alec Hardy, og Olivia Colman í hlutverki Ellie Miller í sjónvarpsþáttunum Broadchurch.Spennandi þættir Ólafur segir að þættirnir séu gríðarlega spennandi og áhorfendur Stöðvar 2 eigi frábær sjónvarpskvöld í vændum með Broadchurch. „Ég var búinn að lesa handrit að nokkrum þáttum en hafði samt enga hugmynd um hver morðinginn væri fyrr en ég las það á síðustu blaðsíðunni. „Mér komu í hug þættir eins og Glæpurinn og The Killing, það er einhver skandinavískur blær á þeim. Þættirnir eru dýpri en margir breskir sakamálaþættir, þeir fjalla ekki bara um hver er morðinginn heldur einnig samfélagsmeinið sem veldur og hvaða áhrif atburðurinn hefur á tíu þúsund manna bæ. Íslendingar geta vel samsamað sig efni þáttanna,“ segir Ólafur. „Ég mæli hiklaust með Broadchurch þótt ég sé hlutdrægur.“ Broadchurch gerist í litlum, breskum bæ við strönd Dorset. Lík af ellefu ára dreng finnst á ströndinni og fljótlega kemur í ljós að hann hefur verið myrtur.Mörg atvinnutilboð Eftir að þættirnir voru sýndir í Bretlandi hafa Ólafi boðist mörg atvinnutilboð fyrir sjónvarp og kvikmyndir. Hann er hins vegar fullbókaður út þetta ár. „Ég hef afþakkað nokkur stór og spennandi verkefni.“ Ólafur vinnur tónlistina hér heima en hann þurfti þó að vera með annan fótinn í London meðan á vinnunni stóð. „Við tókum tónlistina upp í Langholtskirkju og í mínu eigin stúdíói með íslensku tónlistarfólki.“ Ólafur gaf út sína fjórðu plötu, For Now I Am Winter, í febrúar. „Ég hef verið á tónleikaferðalagi um heiminn frá því í apríl meðal annars um Evrópu og Bandaríkin. Ég er í smá fríi hér heima núna og var meðal annars að ganga á Hornstrandir. Í september fer ég til Asíu og Ástralíu í áframhaldandi tónleikaferð og síðan aftur til Bandaríkjanna. Tónleikarnir verða yfir hundrað á þessu ári svo það fer mikill tími í þá,“ segir Ólafur sem segist ekki vilja festast í kvikmyndatónlist þótt það sé skemmtilegt með öðru. Hann segist vera byrjaður að hugsa næstu plötu en fyrst koma nokkur kvikmyndaverkefni. „Ég er núna að byrja á tónlist fyrir íslenska kvikmynd sem heitir Vonarstræti.“
Mest lesið Hefur gefið út tvö hundruð lög á fimm mánuðum Lífið Alain Delon látinn Lífið Heitustu hinsegin pör landsins Lífið Hrútaþukl á Íslandsmeistaramóti í hrútadómum Lífið Byrjaði í smábrotum en vatt svo upp á sig Lífið Krakkatían: Teiknimyndir, mjólkurvörur og tölvuleikir Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Dró Antonio grunlausan með sér í Gamla bíó Lífið Ekki búið spil Lífið Fleiri fréttir „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sjá meira