Guðlaugur tekur við Fram

Guðlaugur Arnarsson verður næsti þjálfari karlaliðs Fram en það kom fram í tilkynningu frá félaginu í dag.

Guðlaugur lék síðast með Akureyri í N1-deild karla en hann átti langan feril að baki sem leikmaður, bæði hér á landi og sem atvinnumaður.

Hann tekur við starfinu af Einari Jónssyni sem lætur af störfum í lok tímabilsins til að taka við norska liðinu Molde.

Fram keppir í úrslitakeppni N1-deildar karla sem hefst um helgina og mætir FH í undanúrslitum.