Jól

Frá ljósanna hásal

1. nóvember 2014 11:00

Frá ljósanna hásal, ljúfar stjörnur stara

og stafa um næturhúmið geislakrans

Fylkingar engla, létt um loftin fara

og ljúfir söngvar hljóma

um lífsins helgidóma

um eilíft heilagt alveldi kærleikans

Ó heilaga stjarna, rjúf þú voðans veldi

og varðaðu jarðarbarnsins myrkra stig

Ljósanna faðir lát á helgu kveldi

hvert fávíst hjarta finna

til friðar barna þinna.

Gef föllnum heimi ráð til að nálgast þig.

Höfundur: Jens Hermannsson, skólastjóri á Bíldudal og seinna kennari við Laugarnesskólann, lést 1953.

Jólalög