Íþróttafréttamaður styður Michael Sam í hjartnæmri ræðu

Íþróttafréttamaðurinn Dale Hansen hefur vakið athygli fyrir umfjöllun sína um Michael Sam, unga Bandaríkjamanninn sem stefnir í að verði fyrsti opinberlega samkynhneigði maðurinn í NFL-deildinni í amerískum fótbolta.

Ferli Sams í háskólaboltanum er lokið og er hann meðal þeirra leikmanna sem NFL-liðin koma til með að berjast um í nýliðavalinu 8. maí. Hann opinberaði kynhneigð sína fyrir liðsfélögum sínum í liði Missouri-háskóla í fyrra og fái hann samning verður hann fyrsti opinberlega samkynhneigði leikmaður í sögu deildarinnar.

Hansen er íþróttafréttamaður hjá fréttastofu ABC í Dallas, en Texasríki verður seint þekkt fyrir frjálslyndi í málefnum á borð við samkynhneigð. En ummæli Hansens koma skemmtilega á óvart og sjá má ræðu hans í spilaranum hér fyrir ofan.