Snotur nýr Volvo Finnur Thorlacius skrifar 27. febrúar 2014 09:51 Volvo Concept Estate Einn af þeim nýju bílum sem sýndir verða á bílasýningunni í Genf sem brátt hefst verður þessi nýi langbakur frá Volvo sem kallaður er Concept Estate. Flestum ber saman um að þar fari einstaklega fagur bíll sem fylgir vel eftir álíka fögrum Concept Coupe sem Volvo sýndi á bílasýningunni í Frankfürt sl. haust. Reyndar eiga þessir tveir bílar mjög margt sameiginlegt, sömu aðalljós og grill og svo til eins neðri hluta. Bent hefur verið á líkindi beggja þessara bíla við gamla Volvo P1800 bílinn sem Dýrlingurinn ók á sínum tíma. Að innan er þessi nýi bíll mjög framúrstefnulegur með fjóra hvíta körfustóla úr hvítu leðri og bílbeltin og gólfteppin eru appelsínugul. Þakið er einn stór glerhleri svo býsna bjart er í bílnum. Að öðru leiti er innréttingin sveipuð sænskri naumhyggju þar sem einfaldleikinn ræður einn ríkjum. Allt er eins stílhreint og fagurt sem í sænskri húsgagnverslun. Bílaáhugamenn vona að þessi bíll fari í framleiðslu eins nálægt þessu útliti, en ekkert liggur ljóst fyrir í þeim efnum. Þó bendir margt til þess þar sem Concept Coupe og Concept Estate eru um margt sami bíllinn og Volvo hefði tæplega fyrir því að hanna tvo slíka bíla og yfirgefa svo útlit þeirra. Innanrými Volvo Concept EstateEinfalt og stílhreint mælaborðið. Mest lesið „Ég hef aldrei séð annan eins viðbjóð“ Innlent „Ekki sést á þessari öld“ Veður Bílaröð ísþyrstra Innlent Kúkalykt í kirkjugarði gerir út af við Grafavogsbúa Innlent Fylgjast náið með barnafjölskyldum í Grindavík Innlent Haraldur baunar á forstjóra Landsvirkjunar Innlent Neitaði að borga heita vatnið og slapp með skrekkinn Innlent Rekstraraðilar misvel undirbúnir Innlent Eldur logar í frægu listasafni í Lundúnum Erlent Slagsmál brutust út meðal þingmanna Erlent
Einn af þeim nýju bílum sem sýndir verða á bílasýningunni í Genf sem brátt hefst verður þessi nýi langbakur frá Volvo sem kallaður er Concept Estate. Flestum ber saman um að þar fari einstaklega fagur bíll sem fylgir vel eftir álíka fögrum Concept Coupe sem Volvo sýndi á bílasýningunni í Frankfürt sl. haust. Reyndar eiga þessir tveir bílar mjög margt sameiginlegt, sömu aðalljós og grill og svo til eins neðri hluta. Bent hefur verið á líkindi beggja þessara bíla við gamla Volvo P1800 bílinn sem Dýrlingurinn ók á sínum tíma. Að innan er þessi nýi bíll mjög framúrstefnulegur með fjóra hvíta körfustóla úr hvítu leðri og bílbeltin og gólfteppin eru appelsínugul. Þakið er einn stór glerhleri svo býsna bjart er í bílnum. Að öðru leiti er innréttingin sveipuð sænskri naumhyggju þar sem einfaldleikinn ræður einn ríkjum. Allt er eins stílhreint og fagurt sem í sænskri húsgagnverslun. Bílaáhugamenn vona að þessi bíll fari í framleiðslu eins nálægt þessu útliti, en ekkert liggur ljóst fyrir í þeim efnum. Þó bendir margt til þess þar sem Concept Coupe og Concept Estate eru um margt sami bíllinn og Volvo hefði tæplega fyrir því að hanna tvo slíka bíla og yfirgefa svo útlit þeirra. Innanrými Volvo Concept EstateEinfalt og stílhreint mælaborðið.
Mest lesið „Ég hef aldrei séð annan eins viðbjóð“ Innlent „Ekki sést á þessari öld“ Veður Bílaröð ísþyrstra Innlent Kúkalykt í kirkjugarði gerir út af við Grafavogsbúa Innlent Fylgjast náið með barnafjölskyldum í Grindavík Innlent Haraldur baunar á forstjóra Landsvirkjunar Innlent Neitaði að borga heita vatnið og slapp með skrekkinn Innlent Rekstraraðilar misvel undirbúnir Innlent Eldur logar í frægu listasafni í Lundúnum Erlent Slagsmál brutust út meðal þingmanna Erlent