Litadýrð á rauða dreglinum

Independent Spirit-verðlaunin voru afhent í Santa Monica í Kaliforníu í gær og gáfu þau góða vísbendingu um hverjir sigurvegararnir verða á Óskarsverðlaunahátíðinni í kvöld.

Þræladramað 12 Years a Slave var valin besta myndin og þau Cate Blanchett og Matthew McConaughey voru verðlaunuð fyrir frammistöðu sína, Cate fyrir Blue Jasmine og Matthew fyrir Dallas Buyers Club.

Það kenndi ýmissa grasa á rauða dreglinum og voru stjörnurnar ekki bara smart heldur óhræddar við að leika sér með liti.