Umfjöllun og viðtöl: Haukar - ÍR 26-22 | Haukar halda sínu striki Guðmundur Marinó Ingvarsson skrifar 20. mars 2014 17:10 Vísir/Daníel Haukar lögðu ÍR að velli í Olís deild karla í handbolta í kvöld 26-22 eftir að hafa verið 14-9 yfir í hálfleik. Haukar eru því enn með þriggja stiga forystu á toppi deildarinnar. ÍR virtist ekki hafa nokkra trú á verkefninu í upphafi leiks. Enginn ákefð var í leik liðsins og töpuðu leikmenn liðsins boltanum trekk í trekk framan af leik. Haukar gátu sjálfum sér um kennt að hafa ekki klárað leikinn í fyrri hálfleik en liðið fór illa með fjölda dauðafæra og tók margar slakar ákvarðanir í sókninni gegn slakri vörn ÍR. ÍR-ingar vöknuðu í hálfleik og þá sérstaklega í vörninni. Liðið klippti vinstri vænginn þar sem Sigurbergur Sveinsson var út og við það riðlaðist sóknarleikur Hauka mikið og ÍR náði að minnka muninn í eitt mark þegar tíu mínútur voru til leiksloka. Kristófer Fannar Guðmundsson markvörður ÍR fór á kostum í seinni hálfleik og kom ÍR inn í leikinn en hann réð ekkert við Þórð Rafn Guðmundsson í vinstra horninu hjá Haukum og gerðu mörk Þórðar og Elíasar Más Halldórssonar gæfu muninn eftir að ÍR minnkaði muninn í eitt mark. Besti leikmaður vallarins var þó Giedrius Morkunas í marki Hauka. Hann varði vel allan leikinn og steig upp þegar ÍR átti tækifæri á að jafna leikinn. Allt annað var að sjá til ÍR í seinni hálfleik. Liðið fékk trú á verkefninu en það dugði ekki til því Haukar rifu sig upp þegar á þurfti að halda og tryggðu sér dýrmæt stig í baráttunni um deildarmeistaratitilinn. ÍR má ekki við því að tapa fleiri stigum í baráttunni um sæti í úrslitakeppninni og þarf að treysta á önnur lið í þeirri baráttu. Þórður: Slökuðum á„Þetta var voðalega kaflaskipt. Við náðum forystu en svo slökum við og förum að rótera liðinu og missum þetta niður,“ sagði Þórður Rafn Guðmundsson sem átti mjög góðan leik fyrir Hauka í vinstra horninu og í vörninni. „Við byrjuðum seinni hálfleikinn ekki nógu vel. Þetta var ströggl. Um leið og við slökum á þá minnka þeir muninn og þá ætlum við að gefa í, í staðin fyrir að vera á fullu allan tímann. Þá hefðum við unnið þennan leik mjög sannfærandi. „Þeir eru með gott lið en hafa misst Ingimund (Ingimundarson) og Björgvin (Þór Hólmgeirsson). Svo var Arnór (Freyr Stefánsson) ekki í dag. Klárlega hefðum við átt að klára þetta meira sannfærandi,“ sagði Þórður sem fór mikinn í vinstra horninu og sýndi góða skottækni en hann er að upplagi skytta. „Þetta er að gera eitthvað heilalaust og vona það besta, nei, nei. Ég er á fullu í horninu á æfingum og það hefur gengið mjög vel. Ég er mjög ánægður með mína frammistöðu. Ég er kominn með betri tækni, það er ekki bara að negla alltaf.“ Haukar eru í kjörstöðu með þriggja stiga forystu á toppi deildarinnar þegar þrjár umferðir eru eftir og getur liðið verið búið að tryggja sér titilinn þegar ÍBV kemur í heimsókn í síðustu umferðinni. „Við stefnum að því að vinna hvern einasta leik sem við förum í og auðvitað væri þægilegt að vinna næstu tvo og fara í síðasta leikinn með enga pressu á sér,“ sagði Þórður Rafn. Jón Heiðar: Þetta er spurning um að kasta og grípa, handbolti 101„Fyrri hálfleikur var mjög dapur og við köstum þessu frá okkur sóknarlega. Þetta minnti á bikarúrslitaleikinn,“ sagði Jón Heiðar Gunnarsson línumaður og varnartröll ÍR. „Við vorum á löngum köflum að spila góða vörn. Við héldum þeim ágætlega og fengum hraðaupphlaup og skyndisóknir. Við köstum þessu frá okkur í sóknarleiknum eins og svo oft áður. Allt of margir tæknifeilar. „Okkur vantar sjálfstraust í sóknarleikinn. Menn eru óöryggir og eru að kasta boltanum útaf.“ Daníel Ingi Guðmundsson hávaxinn ungur leikmaður átti mjög góða innkomu í sóknarleikinn hjá ÍR í seinni hálfleik en hefði hann ekki mátt koma fyrr inn á? „Hann kom virkilega öflugur inn. Hann er með það sem okkur vantar, smá hæð. Við erum margir litlir. Við hefðum klárlega getað notað hann meira. Hann kemur með hæð og skotógnun fyrir utan. Það er eitthvað sem okkur hefur vantað. „Okkur vantar fleiri lausnir og sjálfstraust í sóknarleikinn. Við erum einhæfir þar en það er einfalt að laga þessa hluti. Þetta er spurning um að kasta og grípa, handbolti 101,“ sagði Jón Heiðar en ófáar sendingar ÍR höfnuðu í höndum Patreks Jóhannessonar þjálfara Hauka. „Ef það er hægt að laga þessa einföldu hluti sem eru búnir að plaga okkur. Það koma alltaf tíu mínútna kaflar í hverjum hálfleik. Þá erum við góðir. „Þegar við töpuðum svona boltum þá er það mark í bakið, maður nær ekki að hlaupa til baka þegar við töpum boltanum úti á punktalínu. „Við þurfum að laga þetta ef við ætlum að eiga séns í úrslitakeppnina, sá séns fer minnkandi með hverjum leiknum. „Það er ekkert í boði annað en að vinna rest,“ sagði Jón Heiðar. Olís-deild karla Mest lesið Rúnar Páll skýtur á KR: Svona vinna „snillingarnir í Vesturbænum“ Íslenski boltinn Meistararnir byrja á sterkum sigri Enski boltinn HK - Fylkir 0-2 | Manni færri með afar mikilvægan sigur Íslenski boltinn Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Brady ánægður með ráðherrasoninn Enski boltinn Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti Ungu strákarnir okkar grátlega nálægt bronsi Handbolti „Við höfum ekki þekkst lengi en það gengur vel“ Sport Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Haukar lögðu ÍR að velli í Olís deild karla í handbolta í kvöld 26-22 eftir að hafa verið 14-9 yfir í hálfleik. Haukar eru því enn með þriggja stiga forystu á toppi deildarinnar. ÍR virtist ekki hafa nokkra trú á verkefninu í upphafi leiks. Enginn ákefð var í leik liðsins og töpuðu leikmenn liðsins boltanum trekk í trekk framan af leik. Haukar gátu sjálfum sér um kennt að hafa ekki klárað leikinn í fyrri hálfleik en liðið fór illa með fjölda dauðafæra og tók margar slakar ákvarðanir í sókninni gegn slakri vörn ÍR. ÍR-ingar vöknuðu í hálfleik og þá sérstaklega í vörninni. Liðið klippti vinstri vænginn þar sem Sigurbergur Sveinsson var út og við það riðlaðist sóknarleikur Hauka mikið og ÍR náði að minnka muninn í eitt mark þegar tíu mínútur voru til leiksloka. Kristófer Fannar Guðmundsson markvörður ÍR fór á kostum í seinni hálfleik og kom ÍR inn í leikinn en hann réð ekkert við Þórð Rafn Guðmundsson í vinstra horninu hjá Haukum og gerðu mörk Þórðar og Elíasar Más Halldórssonar gæfu muninn eftir að ÍR minnkaði muninn í eitt mark. Besti leikmaður vallarins var þó Giedrius Morkunas í marki Hauka. Hann varði vel allan leikinn og steig upp þegar ÍR átti tækifæri á að jafna leikinn. Allt annað var að sjá til ÍR í seinni hálfleik. Liðið fékk trú á verkefninu en það dugði ekki til því Haukar rifu sig upp þegar á þurfti að halda og tryggðu sér dýrmæt stig í baráttunni um deildarmeistaratitilinn. ÍR má ekki við því að tapa fleiri stigum í baráttunni um sæti í úrslitakeppninni og þarf að treysta á önnur lið í þeirri baráttu. Þórður: Slökuðum á„Þetta var voðalega kaflaskipt. Við náðum forystu en svo slökum við og förum að rótera liðinu og missum þetta niður,“ sagði Þórður Rafn Guðmundsson sem átti mjög góðan leik fyrir Hauka í vinstra horninu og í vörninni. „Við byrjuðum seinni hálfleikinn ekki nógu vel. Þetta var ströggl. Um leið og við slökum á þá minnka þeir muninn og þá ætlum við að gefa í, í staðin fyrir að vera á fullu allan tímann. Þá hefðum við unnið þennan leik mjög sannfærandi. „Þeir eru með gott lið en hafa misst Ingimund (Ingimundarson) og Björgvin (Þór Hólmgeirsson). Svo var Arnór (Freyr Stefánsson) ekki í dag. Klárlega hefðum við átt að klára þetta meira sannfærandi,“ sagði Þórður sem fór mikinn í vinstra horninu og sýndi góða skottækni en hann er að upplagi skytta. „Þetta er að gera eitthvað heilalaust og vona það besta, nei, nei. Ég er á fullu í horninu á æfingum og það hefur gengið mjög vel. Ég er mjög ánægður með mína frammistöðu. Ég er kominn með betri tækni, það er ekki bara að negla alltaf.“ Haukar eru í kjörstöðu með þriggja stiga forystu á toppi deildarinnar þegar þrjár umferðir eru eftir og getur liðið verið búið að tryggja sér titilinn þegar ÍBV kemur í heimsókn í síðustu umferðinni. „Við stefnum að því að vinna hvern einasta leik sem við förum í og auðvitað væri þægilegt að vinna næstu tvo og fara í síðasta leikinn með enga pressu á sér,“ sagði Þórður Rafn. Jón Heiðar: Þetta er spurning um að kasta og grípa, handbolti 101„Fyrri hálfleikur var mjög dapur og við köstum þessu frá okkur sóknarlega. Þetta minnti á bikarúrslitaleikinn,“ sagði Jón Heiðar Gunnarsson línumaður og varnartröll ÍR. „Við vorum á löngum köflum að spila góða vörn. Við héldum þeim ágætlega og fengum hraðaupphlaup og skyndisóknir. Við köstum þessu frá okkur í sóknarleiknum eins og svo oft áður. Allt of margir tæknifeilar. „Okkur vantar sjálfstraust í sóknarleikinn. Menn eru óöryggir og eru að kasta boltanum útaf.“ Daníel Ingi Guðmundsson hávaxinn ungur leikmaður átti mjög góða innkomu í sóknarleikinn hjá ÍR í seinni hálfleik en hefði hann ekki mátt koma fyrr inn á? „Hann kom virkilega öflugur inn. Hann er með það sem okkur vantar, smá hæð. Við erum margir litlir. Við hefðum klárlega getað notað hann meira. Hann kemur með hæð og skotógnun fyrir utan. Það er eitthvað sem okkur hefur vantað. „Okkur vantar fleiri lausnir og sjálfstraust í sóknarleikinn. Við erum einhæfir þar en það er einfalt að laga þessa hluti. Þetta er spurning um að kasta og grípa, handbolti 101,“ sagði Jón Heiðar en ófáar sendingar ÍR höfnuðu í höndum Patreks Jóhannessonar þjálfara Hauka. „Ef það er hægt að laga þessa einföldu hluti sem eru búnir að plaga okkur. Það koma alltaf tíu mínútna kaflar í hverjum hálfleik. Þá erum við góðir. „Þegar við töpuðum svona boltum þá er það mark í bakið, maður nær ekki að hlaupa til baka þegar við töpum boltanum úti á punktalínu. „Við þurfum að laga þetta ef við ætlum að eiga séns í úrslitakeppnina, sá séns fer minnkandi með hverjum leiknum. „Það er ekkert í boði annað en að vinna rest,“ sagði Jón Heiðar.
Olís-deild karla Mest lesið Rúnar Páll skýtur á KR: Svona vinna „snillingarnir í Vesturbænum“ Íslenski boltinn Meistararnir byrja á sterkum sigri Enski boltinn HK - Fylkir 0-2 | Manni færri með afar mikilvægan sigur Íslenski boltinn Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Lærisveinar Mourinho hentu frá sér tveggja marka forystu og ráðist var að forsetanum Fótbolti Brady ánægður með ráðherrasoninn Enski boltinn Þrír leikmenn Marseille með vafasama fortíð Fótbolti Gomes á batavegi eftir höfuðhöggið skelfilega Fótbolti Ungu strákarnir okkar grátlega nálægt bronsi Handbolti „Við höfum ekki þekkst lengi en það gengur vel“ Sport Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira