Umfjöllun, viðtöl og einkunnir: ÍBV - Fylkir 1-3 | Fylkismenn komnir á blað Guðmundur Tómas Sigfússon í Eyjum skrifar 12. maí 2014 13:46 Brynjar Gauti Guðjónsson, miðvörður ÍBV. Vísir/Vilhelm ÍBV þarf að bíða enn eftir fyrsta sigrinum eftir að Eyjamenn töpuðu fyrir botnliði Fylkis á Hásteinsvelli í kvöld.Jonathan Glenn kom reyndar ÍBV yfir strax á sjöttu mínútu en Fylkismenn voru fljótir að snúa leiknum sér í vil með mörkum Andrew Sousa og Gunnars Arnar Jónssonar.Andrés Már Jóhannesson innsiglaði svo sigurinn eftir að hafa komið inn á sem varamaður. Þetta voru fyrstu stig og fyrstu mörk Fylkismanna í Pepsi-deildinni í sumar. ÍBV er með eitt stig eftir þrjár umferðir en Þórsarar eru nú eina liðið sem er enn án stiga. Leikurinn fór alls ekki rólega af stað en ljóst var að bæði lið ætluðu sér ekki færri en þrjú stig í kvöld. Glenn opnaði markareikning sinn hjá ÍBV með marki eftir sex mínútna leik í kvöld en þá fylgdi hann eftir skoti Víðis Þorvarðarsonar. Glenn hefur fengið mikla gagnrýni eftir fyrstu leiki mótsins en svaraði þeim gagnrýnisröddum í kvöld. Eftir að heimamenn komust yfir efldust gestirnir og áttu nokkur marktækifæri en á 18. mínútu skoraði Sousa mark beint úr aukaspyrnu, rétt við vítateigslínu. Sousa kom til liðsins fyrir mót en hann lék mjög vel í kvöld og var besti maður vallarins að mati Vísis. Fylkismenn léku á alls oddi næstu mínútur og þegar að Gunnar Örn fékk færi rétt utan vítateigs söng boltinn í þriðja skiptið í markinu en hann átti fast skot á nærstöng sem Abel Dhaira markvörður Eyjamanna réði ekki við. Næstu mínútur eftir markið voru rólegar en gestirnir áttu þó skalla í stöng. Leikmenn Fylkis létu Eyjamenn oft á tíðum líta illa út en þeir sýndu á sér allt aðrar hliðar en þær sem fengu að líta dagsins ljós í síðasta leik þeirra, gegn FH-ingum þar sem þeir steinlágu 3-0. Sadmir Zekovic kom einnig til liðsins fyrir mót en hann lék vel í sínum fyrsta leik i byrjunarliði. Skiptingar Eyjamanna hafa oft á tíðum valdið miklum usla hjá gestum Hásteinsvallar en í kvöld réðu Fylkismenn vel við þær og komust Eyjamenn ekki í mörg færi. Árbæingar áttu góða sókn undir lok leiksins en þá skoraði Andrés Már mark eftir að hann fékk boltann í teignum frá Zekovic. Andrés skaut boltanum upp í þaknetið en þá var öll von úti hjá heimamönnum. Ásmundur: Sérstaklega gott að vinna í EyjumÁsmundur Arnarsson, þjálfari Fylkis.Vísir/Anton„Maður er alltaf ánægður að vinna og sérstaklega gott að vinna hér í Eyjum. Það er einnig gott að ná fyrstu mörkunum og fyrsta sigrinum,“ sagði Ásmundur Arnarsson, þjálfari Fylkis, eftir sigur sinna manna gegn slökum Eyjamönnum í kvöld. „Mér fannst við byrja leikinn illa, en við vorum þá töluvert á eftir þeim og gáfum þeim of mikið pláss og tíma. Þeir komust verðskuldað yfir en ég er ánægður með hvernig menn svöruðu því. Þetta var nokkuð sannfærandi sigur.“ „Síðasti leikur var svona „one-off“ - hann var mjög slakur. Ef maður lítur aftur í tímann var þetta okkar langslakasti leikur og við viljum dvelja sem minnst við hann,“ bætti Ásmundur við en hann var gríðarlega ánægður með sína menn sem voru mun betri aðilinn í kvöld.Gunnar Örn: Kærkominn sigur „Þetta var gríðarlega mikilvægur leikur, það var að duga eða drepast fyrir okkur núna. Við vorum búnir að fara á erfiða útileiki í fyrstu leikjunum og erum búnir að fara á þrjá af fjórum erfiðustu útivöllum landsins. Þetta var því hrikalega kærkominn sigur,“ sagði Gunnar Örn Jónsson, leikmaður Fylkis, eftir fyrsta sigur mótsins hjá Árbæingum. „Við ætluðum að halda áfram að spila boltanum og ná að klára þetta. Það kom í lokin með glæsilegu marki hjá Adda.“ Fylkismenn steinlágu fyrir FH-ingum í Kaplakrika á fimmtudaginn en liðið spilaði mun betur í kvöld. „Við vorum með allt bókstaflega niður um okkur á móti FH, við vorum ekki tilbúnir í þann leik, hugsuðum okkar gang og fórum yfir málin og í dag leit þetta betur út.“ Brynjar Gauti: Þurfum að taka okkur áBrynjar Gauti GuðjónssonVísir/Vilhelm„Við þurfum alvarlega að fara að endurskoða sjálfa okkur og virkilega að fara að taka okkur á því að þetta er alls ekki nógu gott,“ sagði Brynjar Gauti Guðjónsson, leikmaður ÍBV, þungur á brún í leikslok. „Við byrjuðum ágætlega og náðum að setja á þá mark strax í byrjun. Þá var eins og menn héldu að þetta væri komið og að við þyrftum ekki að hafa fyrir þessu, þetta var skelfilegt.“ „Við ætluðum að byggja mótið á því að vera þéttir og ná svo að pota inn einum eða tveimur mörkum. Við fáum á okkur þrjú mörk hér á heimavelli og þurfum aðeins að fara að taka okkur á,“ sagði Brynjar að lokum en hann vildi meina að það ætti ekki að gerast að Eyjamenn væru ekki komnir með stig úr fyrstu tveimur heimaleikjum deildarinnar. Sigurður Ragnar: Þurfum að fara yfir og bæta okkar leikSigurður Ragnar Eyjólfsson.Vísir/Vilhelm„Við vorum að ræða hvað hefði mátt betur fara og það var nóg að tala um. Við spiluðum ekki vel í dag og þá sérstaklega ekki í fyrri hálfleik sem var slakur af okkar hálfu. Það var eins og við héldum að við myndum fá allt upp í hendurnar, ekkert lið getur leyft sér það,“ sagði Sigurður Ragnar Eyjólfsson, þjálfari ÍBV, en hann hélt sínum mönnum í langan tíma inni í klefa eftir leik. Aðspurður hvort eitthvað jákvætt væri hægt að taka út úr leiknum nefndi Sigurður það að Jonathan Glenn hefði skorað sem væri jákvætt. „Hann hefur fengið útreið í fjölmiðlum, en það hefur ekki komið fram að hann var meiddur í þrjár vikur fyrir mót og er hann því eftir á í formi og er að verða betri og betri.“ „Leikirnir verða ekki léttari og eru FH-ingar með eitt af tveimur bestu liðum deildarinnar að mínu mati og verður það því mjög erfiður leikur. Við þurfum að fara yfir okkar leik og reyna að bæta hann fyrir leikinn gegn FH-ingunum.“ Pepsi Max-deild karla Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Ærandi þögn þegar Elías Ingi lenti í lyftu með Skagamönnum Íslenski boltinn Stuðningsmenn Chelsea og Man. City þurfa að afhenda lögreglu vegabréf sín Enski boltinn Arne Slot: Við vorum ekki heppnir, reglan er svona Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Mourinho reif í nefið á stjóra mótherjanna eftir leik Fótbolti Fleiri fréttir Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Besta-spáin 2025: Máttur fjöldans Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Skelfileg meiðsli Stefáns Árna: „Fóturinn var í mjög ljótri stöðu“ Frumraun Gylfa í beinni í kvöld Sjá meira
ÍBV þarf að bíða enn eftir fyrsta sigrinum eftir að Eyjamenn töpuðu fyrir botnliði Fylkis á Hásteinsvelli í kvöld.Jonathan Glenn kom reyndar ÍBV yfir strax á sjöttu mínútu en Fylkismenn voru fljótir að snúa leiknum sér í vil með mörkum Andrew Sousa og Gunnars Arnar Jónssonar.Andrés Már Jóhannesson innsiglaði svo sigurinn eftir að hafa komið inn á sem varamaður. Þetta voru fyrstu stig og fyrstu mörk Fylkismanna í Pepsi-deildinni í sumar. ÍBV er með eitt stig eftir þrjár umferðir en Þórsarar eru nú eina liðið sem er enn án stiga. Leikurinn fór alls ekki rólega af stað en ljóst var að bæði lið ætluðu sér ekki færri en þrjú stig í kvöld. Glenn opnaði markareikning sinn hjá ÍBV með marki eftir sex mínútna leik í kvöld en þá fylgdi hann eftir skoti Víðis Þorvarðarsonar. Glenn hefur fengið mikla gagnrýni eftir fyrstu leiki mótsins en svaraði þeim gagnrýnisröddum í kvöld. Eftir að heimamenn komust yfir efldust gestirnir og áttu nokkur marktækifæri en á 18. mínútu skoraði Sousa mark beint úr aukaspyrnu, rétt við vítateigslínu. Sousa kom til liðsins fyrir mót en hann lék mjög vel í kvöld og var besti maður vallarins að mati Vísis. Fylkismenn léku á alls oddi næstu mínútur og þegar að Gunnar Örn fékk færi rétt utan vítateigs söng boltinn í þriðja skiptið í markinu en hann átti fast skot á nærstöng sem Abel Dhaira markvörður Eyjamanna réði ekki við. Næstu mínútur eftir markið voru rólegar en gestirnir áttu þó skalla í stöng. Leikmenn Fylkis létu Eyjamenn oft á tíðum líta illa út en þeir sýndu á sér allt aðrar hliðar en þær sem fengu að líta dagsins ljós í síðasta leik þeirra, gegn FH-ingum þar sem þeir steinlágu 3-0. Sadmir Zekovic kom einnig til liðsins fyrir mót en hann lék vel í sínum fyrsta leik i byrjunarliði. Skiptingar Eyjamanna hafa oft á tíðum valdið miklum usla hjá gestum Hásteinsvallar en í kvöld réðu Fylkismenn vel við þær og komust Eyjamenn ekki í mörg færi. Árbæingar áttu góða sókn undir lok leiksins en þá skoraði Andrés Már mark eftir að hann fékk boltann í teignum frá Zekovic. Andrés skaut boltanum upp í þaknetið en þá var öll von úti hjá heimamönnum. Ásmundur: Sérstaklega gott að vinna í EyjumÁsmundur Arnarsson, þjálfari Fylkis.Vísir/Anton„Maður er alltaf ánægður að vinna og sérstaklega gott að vinna hér í Eyjum. Það er einnig gott að ná fyrstu mörkunum og fyrsta sigrinum,“ sagði Ásmundur Arnarsson, þjálfari Fylkis, eftir sigur sinna manna gegn slökum Eyjamönnum í kvöld. „Mér fannst við byrja leikinn illa, en við vorum þá töluvert á eftir þeim og gáfum þeim of mikið pláss og tíma. Þeir komust verðskuldað yfir en ég er ánægður með hvernig menn svöruðu því. Þetta var nokkuð sannfærandi sigur.“ „Síðasti leikur var svona „one-off“ - hann var mjög slakur. Ef maður lítur aftur í tímann var þetta okkar langslakasti leikur og við viljum dvelja sem minnst við hann,“ bætti Ásmundur við en hann var gríðarlega ánægður með sína menn sem voru mun betri aðilinn í kvöld.Gunnar Örn: Kærkominn sigur „Þetta var gríðarlega mikilvægur leikur, það var að duga eða drepast fyrir okkur núna. Við vorum búnir að fara á erfiða útileiki í fyrstu leikjunum og erum búnir að fara á þrjá af fjórum erfiðustu útivöllum landsins. Þetta var því hrikalega kærkominn sigur,“ sagði Gunnar Örn Jónsson, leikmaður Fylkis, eftir fyrsta sigur mótsins hjá Árbæingum. „Við ætluðum að halda áfram að spila boltanum og ná að klára þetta. Það kom í lokin með glæsilegu marki hjá Adda.“ Fylkismenn steinlágu fyrir FH-ingum í Kaplakrika á fimmtudaginn en liðið spilaði mun betur í kvöld. „Við vorum með allt bókstaflega niður um okkur á móti FH, við vorum ekki tilbúnir í þann leik, hugsuðum okkar gang og fórum yfir málin og í dag leit þetta betur út.“ Brynjar Gauti: Þurfum að taka okkur áBrynjar Gauti GuðjónssonVísir/Vilhelm„Við þurfum alvarlega að fara að endurskoða sjálfa okkur og virkilega að fara að taka okkur á því að þetta er alls ekki nógu gott,“ sagði Brynjar Gauti Guðjónsson, leikmaður ÍBV, þungur á brún í leikslok. „Við byrjuðum ágætlega og náðum að setja á þá mark strax í byrjun. Þá var eins og menn héldu að þetta væri komið og að við þyrftum ekki að hafa fyrir þessu, þetta var skelfilegt.“ „Við ætluðum að byggja mótið á því að vera þéttir og ná svo að pota inn einum eða tveimur mörkum. Við fáum á okkur þrjú mörk hér á heimavelli og þurfum aðeins að fara að taka okkur á,“ sagði Brynjar að lokum en hann vildi meina að það ætti ekki að gerast að Eyjamenn væru ekki komnir með stig úr fyrstu tveimur heimaleikjum deildarinnar. Sigurður Ragnar: Þurfum að fara yfir og bæta okkar leikSigurður Ragnar Eyjólfsson.Vísir/Vilhelm„Við vorum að ræða hvað hefði mátt betur fara og það var nóg að tala um. Við spiluðum ekki vel í dag og þá sérstaklega ekki í fyrri hálfleik sem var slakur af okkar hálfu. Það var eins og við héldum að við myndum fá allt upp í hendurnar, ekkert lið getur leyft sér það,“ sagði Sigurður Ragnar Eyjólfsson, þjálfari ÍBV, en hann hélt sínum mönnum í langan tíma inni í klefa eftir leik. Aðspurður hvort eitthvað jákvætt væri hægt að taka út úr leiknum nefndi Sigurður það að Jonathan Glenn hefði skorað sem væri jákvætt. „Hann hefur fengið útreið í fjölmiðlum, en það hefur ekki komið fram að hann var meiddur í þrjár vikur fyrir mót og er hann því eftir á í formi og er að verða betri og betri.“ „Leikirnir verða ekki léttari og eru FH-ingar með eitt af tveimur bestu liðum deildarinnar að mínu mati og verður það því mjög erfiður leikur. Við þurfum að fara yfir okkar leik og reyna að bæta hann fyrir leikinn gegn FH-ingunum.“
Pepsi Max-deild karla Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Ærandi þögn þegar Elías Ingi lenti í lyftu með Skagamönnum Íslenski boltinn Stuðningsmenn Chelsea og Man. City þurfa að afhenda lögreglu vegabréf sín Enski boltinn Arne Slot: Við vorum ekki heppnir, reglan er svona Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Mourinho reif í nefið á stjóra mótherjanna eftir leik Fótbolti Fleiri fréttir Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Besta-spáin 2025: Máttur fjöldans Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Skelfileg meiðsli Stefáns Árna: „Fóturinn var í mjög ljótri stöðu“ Frumraun Gylfa í beinni í kvöld Sjá meira