Fjölnir með ástinni á Spáni

Fjölnir Þorgeirsson sem heldur úti vefnum Hestafréttir.is og kærastan hans, viðskiptafræðingurinn Þóra Steina Jóns­dótt­ir eru stödd í Barcelona. Parið kynntist 28. maí síðastliðinn og er ástfangið upp fyrir haus þrátt fyrir nítján ára aldursmun.  

„Í dag hefði Gunni bróðir orðið 55 ára og við erum því hér fjölskylda og vinir að fagna því að dóttir hans hún Birta Ósk og Mark maðurinn hennar eru að giftast. Þau eru með brúðkaupsveislu," svarar Fjölnir kátur yfir lífinu og tilverunni spurður hvað þau eru að gera á Spáni en parið mun dvelja þar í viku.