6 matartegundir með földum sykri

Við á Heilsuvísi viljum stuðla að bættri heilsu og betra líferni og skorum á þig að taka þátt í Sykurlausum september.
Átakið fer þannig fram að þú átt eftir bestu getu að sneiða framhjá viðbættum sykri út september. Heilsuvísir verður með góð ráð og greinar um hvernig þú getur sneitt framhjá sykri allan september.


Hér bendum við á 6 vinsælar matartegundir sem margir borða reglulega án þess að gera sér grein fyrir hversu mikið magn sykurs þeir eru að innbyrða.

Barbecue sósa

Þessi tegund sósu er oftar en ekki með hátt hlutfall sykurs eða allt að 7 grömmum af sykri í einni teskeið. Fæstir borða bara eina teskeið af sósu með kjötinu og eru því að innbyrða mikið magn sykur án þess að gera sér grein fyrir því. Sykurinn er oftast í formi kornsíróps sem er alls ekkert skárri en þessi hvíti.

Pasta sósur

Pasta sósur í krukku eða dós eru oft með viðbættum sykri. Það borgar sig að lesa á krukkurnar og finna sósu sem er ekki með neinum sykri í eða búa til sína eigin sósu úr tómötum, hvítlauk og öðru góðu kryddi.

Tómatsósa

Það er mikill viðbættur sykur í tómatsósu í formi kornsíróps þrátt fyrir að það sé í raun algjör óþarfi. Prófaðu að nota hreint tómatmauk án sykurs í staðinn, tómatar eru neflilega alveg nógu sætir.

Jógúrt

Jógúrt er oftast með miklum viðbættum sykri. Sumar tegundir eru markaðsettar sem hollari kostir og eru með annarri tegund sykurs eins og til dæmis agave sírópi. Agave sykur er ekkert hollari en annar sykur og því alls engin hollustuvara. Þær tegundir sem eru merktar sykurlausar eru oft með gervisætu sem er ekkert skárra. Best er að kaupa hreina jógúrt og nota ávexti til þess að fá sæta bragðið ef þess þarf.

Möndlumjólk

Sírópi og öðrum sykri er bætt við í margar tegundir af möndlumjólk, annarri hnetumjólk, sojamjólk eða hrísmjólk. Það eru þó til sykurlausar tegundir og því mikilvægt að lesa alltaf á pakkingarnar og finna réttu mjólkina. Svo er mjög einfalt að búa til sína eigin möndlumjólk og þá þarf ekki að hafa neinar áhyggjur af því hverju er búið að bæta við.

Hafraklattar

Hafraklattar eru markaðsettir sem einhverskonar heilsuvara en innihalda oftar en ekki jafn mikinn sykur og hvert annað súkkulaðistykki eða annað sælgæti í búðinni. Passaðu að lesa á pakkningarnar og ekki láta blekkjast.

Heilsuvísir vill verðlauna þig
Við á Heilsuvísi viljum hvetja þig til góðra verka og drögum út heilsutengda vinninga vikulega í september. Vertu með á Facebook og Instagram og hastaggaðu #Heilsuvísir #sykurlausseptember. Myndirnar geta verið af hvatningarorðum, drykkjum, sykurlausum mataruppskriftum, sætum bitum án sykurs, fyrirmyndum og öllu sem að tengist ferðalagi þínu í sykurlausum september.