Hafdís Magnúsdóttir heldur úti girnilegu matarbloggi, sem hún kallar Dísukökur. Í uppskriftunum á síðunni er ekki að finna ögn af hefðbundum sykri og eru þær tilvaldar fyrir þá sem vilja minnka sykurmagnið í mataræðinu. Þessi dásamlega súkkulaðikaka er ein af þessum frábærum uppskriftum.
Brownies með hnetusmjöri
60g smjör
60g sykurlaust súkkulaði
1 egg
1 eggjarauða
3 msk Fínmalað Erytrítól frá Via-Health eða sukrin melis
1/2 tsk vanillu extract eða dropar
6 dropar Via-health original stevía
1.5-2 msk ósykrað kakó
2 tsk eða msk af hnetusmjöri
Smjör og súkkulaði sett í pott og brætt á lágum hita. Egg, eggjarauða, strásæta, stevía og kakó þeitt vel saman í tvær mínútur.
Bætið súkkulaðið við og blandið vel. Smyrjið með smjöri tvö lítil eldföst mót (eins og maður notar fyrir creme brulee) Setjið helminginn af deiginu í formin, setjið sitthvora tsk eða msk af hnetusmjöri í mitt formið og svo hellið rest af deigi yfir. Bakið við 190C° í 10-12 mínútur. Látið kólna. Notið hníf til að losa kökuna frá hliðum formsins og setjið á disk. Setjið smá fínmalaða strásætu yfir og berið fram með þeyttum rjóma.
