Jennifer Lawrence og Chris Martin hætt saman

Jennifer Lawrence leikkona og Chris Martin, söngvari hljómsveitarinnar Coldplay, hafa slitið sambandi sínu. Frá þessu greinir fréttaveitan E!

Skötuhjúin hófu að rugla saman reitum í júní síðastliðnum stuttu eftir að Lawrence hætti með Nicolas Hoult, sem lék með henni í kvikmyndunum um X-Fólkið. Martin sleit aftur á móti tíu ára sambúð sinni með leikkonunni Gwyneth Palthrow í mars. 

Lawrence og Martin fóru nokkuð leynt með samband sitt og þau voru til að mynda aðeins mynduð einu sinni saman.