VW Golf R 400 í framleiðslu Finnur Thorlacius skrifar 13. nóvember 2014 09:33 Volkswagen sýndi þennan hugmyndabíl, Golf R 400, á bílasýningunni í Peking fyrr á þessu ári. Er hér á ferð enn ein útgáfan af Golf, sú langöflugasta og er hann búinn 400 hestafla vél, eins og nafn hans gefur reyndar til kynna. Ekki var búist við því að tekin yrði sú ákvörðun í höfuðstöðvunum í Wolfsburg að fjöldaframleiða þennan bíl, en það er nú samt raunin að sögn Car Magazine. Vélin í bílnum er sú sama og finna má í Audi TT Quattro Sport og skilar milli 400 og 414 hestöflum. Það eru því a.m.k. hundrað fleiri hestöfl í kagganum en í öflugum Golf R með sín 300 hestöfl. Svo öflugur bíll sem þessi fær að sjálfsögðu nýja fjöðrun og mjög öflugar bremsur og sjá má netta en straumlínulaga útlitsbreytingu á yfirbyggingu bílsins, sem samt heldur flestum Golf línunum. Getgátur eru uppi um að bíllinn verði fyrst aðeins í boði í Evrópu og að ekki standi til að bjóða hann í Bandaríkjunum. Vonandi hefur Car Magazine rétt fyrir sér um fjöldaframleiðslu þessa bíls, enda afar spennandi græja hér á ferð. Mest lesið Orbán ber til baka ummæli ráðgjafa um uppgjöf fyrir Rússum Erlent Draumurinn að fríbúðir skjóti upp kollinum um alla borg Innlent Loftárásir á meint vopnabúr Hezbollah í Beirút Erlent Nýliðar hlakka til að láta að sér kveða: „Finnst vanta fólk eins og mig“ Innlent Líf segir söguna um stóladans Mörtu og Hildar dagsanna Innlent Mennirnir tveir fundnir Innlent Listamaðurinn Jón Gnarr hættir og pólitíkusinn tekur við Innlent Tugir látnir í fjórum ríkjum af völdum Helenar Erlent Ekki hægt að aldursskipta börnum á Stuðlum í miðjum stormi Innlent Netanjahú sagðist mættur til að svara „lygum“ annarra þjóða Erlent
Volkswagen sýndi þennan hugmyndabíl, Golf R 400, á bílasýningunni í Peking fyrr á þessu ári. Er hér á ferð enn ein útgáfan af Golf, sú langöflugasta og er hann búinn 400 hestafla vél, eins og nafn hans gefur reyndar til kynna. Ekki var búist við því að tekin yrði sú ákvörðun í höfuðstöðvunum í Wolfsburg að fjöldaframleiða þennan bíl, en það er nú samt raunin að sögn Car Magazine. Vélin í bílnum er sú sama og finna má í Audi TT Quattro Sport og skilar milli 400 og 414 hestöflum. Það eru því a.m.k. hundrað fleiri hestöfl í kagganum en í öflugum Golf R með sín 300 hestöfl. Svo öflugur bíll sem þessi fær að sjálfsögðu nýja fjöðrun og mjög öflugar bremsur og sjá má netta en straumlínulaga útlitsbreytingu á yfirbyggingu bílsins, sem samt heldur flestum Golf línunum. Getgátur eru uppi um að bíllinn verði fyrst aðeins í boði í Evrópu og að ekki standi til að bjóða hann í Bandaríkjunum. Vonandi hefur Car Magazine rétt fyrir sér um fjöldaframleiðslu þessa bíls, enda afar spennandi græja hér á ferð.
Mest lesið Orbán ber til baka ummæli ráðgjafa um uppgjöf fyrir Rússum Erlent Draumurinn að fríbúðir skjóti upp kollinum um alla borg Innlent Loftárásir á meint vopnabúr Hezbollah í Beirút Erlent Nýliðar hlakka til að láta að sér kveða: „Finnst vanta fólk eins og mig“ Innlent Líf segir söguna um stóladans Mörtu og Hildar dagsanna Innlent Mennirnir tveir fundnir Innlent Listamaðurinn Jón Gnarr hættir og pólitíkusinn tekur við Innlent Tugir látnir í fjórum ríkjum af völdum Helenar Erlent Ekki hægt að aldursskipta börnum á Stuðlum í miðjum stormi Innlent Netanjahú sagðist mættur til að svara „lygum“ annarra þjóða Erlent