Zooey Deschanel hatar þessa spurningu

Leikkonan Zooey Deschanel, prýðir forsíðu InStyle Magazine í ágúst. Í viðtalinu segist hún hata að vera spurð að því hvort hún vilji eignast börn.

„Þegar ég var gift var það alltaf það fyrsta sem fólk vildi vita,“ segir Deschanel, sem er hvað best þekkt fyrir leik sinn í sjónvarpsþáttunum vinsælu, The New Girl.

„Eins og allar konur séu að bíða eftir því að eignast barn!“ heldur hún áfram.

„Enginn spyr heldur karlmenn að þessu. Og maður fer í verslun og framan á slúðurblöðunum eru fyrirsagnir á borð við: Ólett og einsömul! Við erum föst í einhverju áratugagamalli hugmynd um hvernig konur eiga að haga lífi sínu. Það skilgreinir mig ekki.“

Deschanel og fyrrverandi eiginmaður hennar, Ben Gibbard úr hljómsveitinni Death Cab for Cutie, skildu árið 2012 eftir þrjú ár saman. Nú er Deschanel í sambandi við handritshöfundinn Jamie Linden, sem hún vill einnig ræða sem minnst um.

„Maður þarf að fara varlega í hvað maður segir. Maður býður fólki inn og getur svo ekki losnað við það.“

Leikkonan reynir eftir bestu getu að haga lífi sínu þannig að það sé eðlilegt, þrátt fyrir frægðina.

„Ég verð að vera venjuleg. Mamma myndi ekki leyfa annað.“