Framsókn hrapar Sigurjón M. Egilsson skrifar 25. október 2014 07:00 Hugsanlega hafa framsóknarmenn ekki náð að koma skilaboðum áleiðis um allt það jákvæða sem gert hefur verið að undanförnu, voru viðbrögð Sigrúnar Magnúsdóttur, þingflokksformanns Framsóknarflokksins, þegar hún var innt eftir viðbrögðum við nýrri skoðanakönnun Fréttablaðsins, en samkvæmt könnuninni hefur flokkurinn misst tvo af hverjum þremur þingmönnum sínum og um leið tvo af hverjum þremur kjósendum. Allt þetta hefur gerst á aðeins hálfu öðru ári. Er þetta rétt hjá Sigrúnu? Framsóknarflokkurinn hefur fengið sín tækifæri. Síðustu daga hafa verið fluttar margar fréttir af gerðum, hugsunum og ákvörðunum forystufólks Framsóknarflokksins. Í hugann kemur flutningur Fiskistofu, hvalabeinin, gámahúsin og áburðarverksmiðjan svo eitthvað sé nefnt. Ekki vantar athyglina sem flokksmenn hafa fengið. „Mér finnst ótrúlega margt hafa gerst og merki sjást um bættan þjóðarhag á mörgum sviðum. Hér er lítið atvinnuleysi og ekki verið meiri kaupmáttaraukning lengi, jafnvel kannski ekki í sögunni,“ sagði Sigrún líka í samtalinu við Fréttablaðið. Ef við gefum okkur að þessi greining sé öll rétt þá er ljóst að tveir af hverjum þremur sem kusu Framsóknarflokkinn í kosningunum í fyrra þakka honum aldeilis ekki það sem vel hefur verið gert. Sjálfstæðisflokkurinn, flokkur fjármálaráðherra, fær viðurkenningu fyrir efnahagsárangurinn með haftakrónunni. En alls ekki Framsóknarflokkurinn. Það er grafalvarlegt mál, fyrir flokk forsætisráðherra, hvernig fylgið hefur hrunið af flokknum. Kjörfylgi Framsóknarflokksins varð minnst, allavega á seinni tímum, í kosningunum 2007, þegar flokkurinn fékk 11,7 prósent atkvæða og aðeins sjö þingmenn. Það voru kosningarnar eftir að Halldór Ásgrímsson hafði um tíma gegnt embætti forsætisráðherra. Nú mælist flokkurinn með aðeins 8,7 prósent og fengi einungis sex þingmenn. Engum dylst hversu alvarlegt þetta er, nema kannski þingflokksformanninum, sem sagði við Fréttablaðið: „Við höfum ákveðið að dvelja ekki við skoðanakannanir.“ Þessi orð eru léttvægari en orð er á gerandi. Ekki nokkur manneskja trúir því að það fólk, sem ber ábyrgð á Framsóknarflokknum, geti ákveðið að dvelja ekki við skoðanakannanir. Við bætist, eins og kemur fram í Fréttablaðinu í dag, að einungis rétt um þriðjungur kjósenda styður ríkisstjórnina. Og ekki bara það, meira en tíundi hver sem segist enn ætla að kjósa Framsókn styður ekki ríkisstjórn Framsóknarflokksins. Óðum styttist í opinberun skuldaleiðréttinganna. Fari svo, sem suma grunar, að niðurstaðan þar verði undir væntingum mun enn fjara undan Framsóknarflokknum, elsta flokki landsins sem verður aldargamall eftir rétt rúm tvö ár. Nei, Sigrún Magnúsdóttir og annað forystufólk Framsóknarflokksins. Þið hafið fengið tækifæri til að segja skoðanir ykkar, hugsanir, fyrirætlanir og allt sem þið teljið eiga erindi við kjósendur. Hafi ekki tekist að koma sjónarmiðunum á framfæri er aðeins við Framsóknarflokkinn að sakast. Þingmaður flokksins vill blása ungu fólki von í brjóst með áburðarverksmiðju. Það þarf trúlegast annað og meira en verksmiðju til að snúa við fylgisþróun Framsóknarflokksins. Viltu birta grein á Vísi? Sendu okkur póst. Senda grein Sigurjón M. Egilsson Mest lesið „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Er eitt næturgaman þess virði? Reynir Böðvarsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Krossinn er fallegur Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun Veðjað á rétta skólann Pawel Bartoszek Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Innviðir og orkuskipti Sigurður Ingi Friðleifsson Skoðun Þetta reddast eða hvað? Marinó G. Njálsson Skoðun
Hugsanlega hafa framsóknarmenn ekki náð að koma skilaboðum áleiðis um allt það jákvæða sem gert hefur verið að undanförnu, voru viðbrögð Sigrúnar Magnúsdóttur, þingflokksformanns Framsóknarflokksins, þegar hún var innt eftir viðbrögðum við nýrri skoðanakönnun Fréttablaðsins, en samkvæmt könnuninni hefur flokkurinn misst tvo af hverjum þremur þingmönnum sínum og um leið tvo af hverjum þremur kjósendum. Allt þetta hefur gerst á aðeins hálfu öðru ári. Er þetta rétt hjá Sigrúnu? Framsóknarflokkurinn hefur fengið sín tækifæri. Síðustu daga hafa verið fluttar margar fréttir af gerðum, hugsunum og ákvörðunum forystufólks Framsóknarflokksins. Í hugann kemur flutningur Fiskistofu, hvalabeinin, gámahúsin og áburðarverksmiðjan svo eitthvað sé nefnt. Ekki vantar athyglina sem flokksmenn hafa fengið. „Mér finnst ótrúlega margt hafa gerst og merki sjást um bættan þjóðarhag á mörgum sviðum. Hér er lítið atvinnuleysi og ekki verið meiri kaupmáttaraukning lengi, jafnvel kannski ekki í sögunni,“ sagði Sigrún líka í samtalinu við Fréttablaðið. Ef við gefum okkur að þessi greining sé öll rétt þá er ljóst að tveir af hverjum þremur sem kusu Framsóknarflokkinn í kosningunum í fyrra þakka honum aldeilis ekki það sem vel hefur verið gert. Sjálfstæðisflokkurinn, flokkur fjármálaráðherra, fær viðurkenningu fyrir efnahagsárangurinn með haftakrónunni. En alls ekki Framsóknarflokkurinn. Það er grafalvarlegt mál, fyrir flokk forsætisráðherra, hvernig fylgið hefur hrunið af flokknum. Kjörfylgi Framsóknarflokksins varð minnst, allavega á seinni tímum, í kosningunum 2007, þegar flokkurinn fékk 11,7 prósent atkvæða og aðeins sjö þingmenn. Það voru kosningarnar eftir að Halldór Ásgrímsson hafði um tíma gegnt embætti forsætisráðherra. Nú mælist flokkurinn með aðeins 8,7 prósent og fengi einungis sex þingmenn. Engum dylst hversu alvarlegt þetta er, nema kannski þingflokksformanninum, sem sagði við Fréttablaðið: „Við höfum ákveðið að dvelja ekki við skoðanakannanir.“ Þessi orð eru léttvægari en orð er á gerandi. Ekki nokkur manneskja trúir því að það fólk, sem ber ábyrgð á Framsóknarflokknum, geti ákveðið að dvelja ekki við skoðanakannanir. Við bætist, eins og kemur fram í Fréttablaðinu í dag, að einungis rétt um þriðjungur kjósenda styður ríkisstjórnina. Og ekki bara það, meira en tíundi hver sem segist enn ætla að kjósa Framsókn styður ekki ríkisstjórn Framsóknarflokksins. Óðum styttist í opinberun skuldaleiðréttinganna. Fari svo, sem suma grunar, að niðurstaðan þar verði undir væntingum mun enn fjara undan Framsóknarflokknum, elsta flokki landsins sem verður aldargamall eftir rétt rúm tvö ár. Nei, Sigrún Magnúsdóttir og annað forystufólk Framsóknarflokksins. Þið hafið fengið tækifæri til að segja skoðanir ykkar, hugsanir, fyrirætlanir og allt sem þið teljið eiga erindi við kjósendur. Hafi ekki tekist að koma sjónarmiðunum á framfæri er aðeins við Framsóknarflokkinn að sakast. Þingmaður flokksins vill blása ungu fólki von í brjóst með áburðarverksmiðju. Það þarf trúlegast annað og meira en verksmiðju til að snúa við fylgisþróun Framsóknarflokksins.
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun