Rúmir tveir klukkutímar með Timberlake

Þórunn Högnadóttir ritstjóri Home magasín fór á tónleika í desember síðastliðnum með Justin Timberlake í Orlando á Florída með fjöskyldunni. Justin boðaði komu sína til Íslands í morgun en hann heldur tónleika í Kópavogi 24. ágúst næstkomandi.

„Við fjölskyldan fórum til Florída núna um síðustu jól. Það var engin spurning þegar við fréttum að hann væri með tónleika að við myndum fara,“ segir Þórunn. 

„Okkur hefur alltaf langað til að sjá hann „live“ og hann stóðst svo sannarlega undir væntingum. Hann er frábær söngvari, dansari og skemmtikraftur. Þetta var þvílíkt flott „show“ sem stóð yfir í tvo og hálfan klukkutíma.“

Ætlið þið að sjá hann þegar hann kemur til Íslands? 

„Já ég held að maður verði bara að láta sjá sig aftur í Kórnum í ágúst,“ segir Þórunn.