Umfjöllun, viðtöl og myndir: Stjarnan - Þór Þ. 85-79 | Stjörnumenn betri undir lokin Stefán Árni Pálsson í Ásgarði skrifar 27. nóvember 2014 18:30 Dagur Kár Jónsson, með boltann fyrir Stjörnuna. vísir/valli Stjarnan vann góðan sigur, 85-79, á Þór frá Þorlákshöfn í Domino-deild karla í körfubolta í kvöld en leikurinn var virkilega spennandi frá fyrstu mínútu. Leikurinn fór fram í Garðabæ og voru heimamenn sterkari aðilinn undir lok fjórða leikhlutans. Leikurinn byrjaði vel fyrir heimamenn sem voru með frumkvæðið fyrstu mínúturnar. Jarrid Frye, leikmaður Stjörnunnar, var tæpur af meiðslum fyrir leikinn en byrjaði á parketinu í kvöld. Hann fór mikinn í fyrsta leikhluta. Þrátt fyrir nokkuð góða byrjun hjá Garðbæingum voru Þórsarar frá Þorlákshöfn aldrei langt undan og þegar fyrsti leikhluti var búinn var staðan 26-18 fyrir Stjörnuna. Þórsarar voru ekki lengi að vinna til baka þennan átta stiga mun og var í raun allt annað að sjá til liðsins í öðrum leikhluta. Sóknarleikur þeirra gekk betur og liðið lét boltann vinna vel á milli leikmanna. Þegar rúmlega tvær mínútur voru eftir af fyrri hálfleiknum voru gestirnir búnir að jafna leikinn 36-36. Staðan í hálfleik var 41-39 fyrir Stjörnuna en stuttu áður komust Þórsarar í fyrsta skipti yfir og þá aðeins með einu stigi. Vincent Sanford var kominn með 15 stig fyrir Þórsara í hálfleik. Hjá Stjörnunni var það Justin Shouse sem var atkvæðamestur þegar leikurinn var hálfnaður og hafði þá gert 12 stig.Justin Shouse gefur stoðsendingu.vísir/valliGestirnir voru ekki lengi að komast yfir í síðari hálfleiknum og fljótlega var staðan orðin 50-46 fyrir Þór Þorlákshöfn. Gestirnir náðu mest sjö stiga forskoti í leikhlutanum, 57-50. Stjörnumenn voru ekkert á því að hleypa þeim langt fram úr sér og munaði aðeins þremur stigum fyrir lokaleikhlutann, 63-60. Það vantaði samt töluvert uppá sóknarleik liðanna beggja. Þórsara gerðu fimm fyrstu stig fjórða leikhlutans og munaði allt í einu átta stigum á liðunum, 68-60. Eftir það kom flottur sprettur hjá heimamönnum þegar þeir gerðu sex stig í röð og voru ekki lengi að því að minnka muninn niður í tvö stig. Gríðarleg spenna var út leiktímann en að lokum voru það heimamenn sem stóðu uppi sem sigurvegari en þeir unnu leikinn 85-79. Justin Shouse var atkvæðamestur í liði Stjörnunnar með 19 stig. Marvin Valdimarsson gerði 18 einnig fyrir Stjörnuna. Vincent Sanford gerði 23 stig fyrir Þórsara í kvöld.Stjarnan - Þór Þ.85-79 (41-39)Stig Stjörnunnar: Justin Shouse 19, Marvin Valdimarsson 18, Dagur Kár Jónsson 16, Jarrid Frye 15, Tómas Þórður Hilmarsson 6, Sigurður Dagur Sturluson 4, Jón Orri Kristjánsson 4, Ágúst Angantýsson 2, Jón Sverrisson 1.Stig Þórs: Vincent Senford 23, Nemanja Sovic 19, Tómas Heiðar Tómasson 16, Þorsteinn Már Ragnarsson 6, Emil Karel Einarsson 4, Oddur Ólafsson 4, Grétar Ingi Erlendsson 4, Baldur Þór Ragnarsson 3. Benedikt: Bæði lið voru léleg í kvöld„Við vorum yfir stóran hluta af síðari hálfleiknum og áttum alltaf góðan möguleika,“ segir Benedikt Guðmundsson, þjálfari Þórs, eftir leikinn. „Mér fannst þessi leikur í heild sinni hálf dapur. Ég átti nú von á betri leik frá báðum liðum.“ Benedikt segir að Stjörnumenn hafi einfaldlega verið sterkari undir lokin og klókari. „Þeir eiga þessi stig fyllilega skilið. Þó svo að leikirnir séu ekki vel spilaðir þá eru stigin alveg jafn mikilvæg.“ Hann vonaðist eftir að einhver leikmaður myndi stíga upp undir lokin í hans herbúðum en svo varð ekki. Marvin: Tókum saman í höfðinu„Við byrjuðum leikinn alveg ágætlega en svo komu Þórsararnir alveg brjálaðir í þriðja leikhlutann,“ segir Marvin Valdimarsson, leikmaður Stjörnunnar, eftir sigurinn í kvöld. „Eftir að þeir komust átta stigum yfir undir lokin byrjuðum við aðeins að taka saman í höfðinu og fórum að spila okkar bolta.“ Marvin segir að það hafi verið lykilatriði og um leið hafi liði byrjað að skora auðveldar körfur. „Þetta var alls ekki fallega spilaður leikur, bara hörku barátta allan tímann.“Leik lokið (85-79): Stjörnumenn betri undir lokin.40. mín (82-76): 27 sekúndur eftir og Stjörnumenn svo gott sem komnir með þennan sigur. Sigurður Dagur setur niður tvö stig og kemur heimamönnum sex stigum yfir. 39. mín (79-76): Marvin fer á línuna fyrir Stjörnuna og kemur þeim þremur stigum yfir.38. mín (77-76): Svakaleg spenna. Shouse að koma heimamönnum einu yfir.36. mín (75-74): Frye með risaþrist. Kemur Stjörnunni einu stigi yfir.34. mín (71-72): Rosaleg stig frá Marvin. Setur niður tvö skot, brotið á honum og hann þrumar einnig niður vítaskotinu. Þriggja stiga sókn.33. mín (68-70): Sex stig í röð frá heimamönnum og nú munar aðeins tveimur stigum.31. mín (60-68): Þórsarar skora fimm fyrstu stig leikhlutans og munar því átta stigum.3. leikhluta lokið (60-63): Jæja það munar bara þremur stigum á liðunum fyrir lokaleikhlutann.29. mín (55-57): Jarrid Frye með flotta körfu. Mikil spenna í Ásgarðinum. 27. mín (50-55): Jarrid Frye brýtur á Tómasi Tómassyni þegar hann er kominn einn upp að körfunni. Tómas setur boltann í körfuna og fær villu að auki. Mikil stemmning með Þór.26. mín (48-53): Rosalegur þristur frá Baldri Þór Ragnarssyni. Gestirnir mun betri núna. 25. mín (46-47): Dagur Kár með fína körfu fyrir Stjörnuna. 24. mín (43-47): Stjörnumenn ekki mættir til leiks í síðari hálfleiknum. 22. mín (43-43): Jafnt. Þórsarar virka flottir í upphafi síðari hálfleiksins.Hálfleikur (41-39): Hörku spennandi leikur hér í Garðabænum. Þórsarar komust áðan einu stigi yfir en Stjörnumenn leiða með tveimur í hálfleik.18. mín (36-35): Gestirnir að saxa vel á forskot Stjörnunnar. 17. mín (35-31): Magnað vítaskot frá Jarrid Frye. Hann dreif ekki á körfuna og var í raun langt frá því. Þetta sér maður ekki á hverjum degi frá eins góðum leikmanni.15 mín (34-27): Justin Shouse með hrikalega flottan þrist. Hann er kominn með níu stig. 13. mín (31-24): Stjarnan heldur áfram sínu striki. 1. leikhluta lokið (26-18): Stjörnumenn með ágæt tök á þessum leik en augljóslega nóg eftir. 8. mín (17-12): Jarrid Frye með fína körfu fyrir Stjörnuna. Hann virðist vera nokkuð heill. 6. mín (13-9): Fjögur fljót stig í röð frá gestunum. 5. mín (13-5): Benni Guðmunds kominn með nóg og tekur leikhlé fyrir Þórsara. 4. mín (11-5): Marvin með tvö fín stig. Stjörnumenn byrja leikinn betur. 2. mín (7-2): Fín byrjun á leiknum. Mikill hraði.1. mín (0-0): Leikurinn er hafinn hér í Garðarbænum.Fyrir leik: Þá er fólk farið að streyma í húsið. Fyrir leik: Það er spurning með þátttöku Jarrid Frye í leiknum í kvöld en hann hefur verið að glíma við meiðsli. Hann hitar upp með liðinu.Fyrir leik: Bæði lið unnu í síðustu umferð en Stjörnumenn tóku Fjölnismenn í kennslustund á meðan Þórsarar unnu Skallagrím. Fyrir leik: Stjarnan er í fimmta sæti deildarinnar með fimm stig en Þórsarar hafa verið að finna taktinn og eru í þriðja sætinu með átta stig. Fyrir leik: Liðin komin út á völl og menn farnir að hita upp. Þrír áhorfendur mættir í salinn, enda langt í leik. Dominos-deild karla Mest lesið Samherji Stefáns Teits kærður fyrir meint bit Enski boltinn Ricciardo tapar sæti sínu hjá RB Formúla 1 Viktor Gísli öflugur gegn PSG Handbolti Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Amanda lagði upp á leið sinni í riðlakeppni Meistaradeildar Evrópu Fótbolti Andri Már spilaði stóran þátt í sigri Leipzig Handbolti Birkir á leið til Vals á nýjan leik Íslenski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira
Stjarnan vann góðan sigur, 85-79, á Þór frá Þorlákshöfn í Domino-deild karla í körfubolta í kvöld en leikurinn var virkilega spennandi frá fyrstu mínútu. Leikurinn fór fram í Garðabæ og voru heimamenn sterkari aðilinn undir lok fjórða leikhlutans. Leikurinn byrjaði vel fyrir heimamenn sem voru með frumkvæðið fyrstu mínúturnar. Jarrid Frye, leikmaður Stjörnunnar, var tæpur af meiðslum fyrir leikinn en byrjaði á parketinu í kvöld. Hann fór mikinn í fyrsta leikhluta. Þrátt fyrir nokkuð góða byrjun hjá Garðbæingum voru Þórsarar frá Þorlákshöfn aldrei langt undan og þegar fyrsti leikhluti var búinn var staðan 26-18 fyrir Stjörnuna. Þórsarar voru ekki lengi að vinna til baka þennan átta stiga mun og var í raun allt annað að sjá til liðsins í öðrum leikhluta. Sóknarleikur þeirra gekk betur og liðið lét boltann vinna vel á milli leikmanna. Þegar rúmlega tvær mínútur voru eftir af fyrri hálfleiknum voru gestirnir búnir að jafna leikinn 36-36. Staðan í hálfleik var 41-39 fyrir Stjörnuna en stuttu áður komust Þórsarar í fyrsta skipti yfir og þá aðeins með einu stigi. Vincent Sanford var kominn með 15 stig fyrir Þórsara í hálfleik. Hjá Stjörnunni var það Justin Shouse sem var atkvæðamestur þegar leikurinn var hálfnaður og hafði þá gert 12 stig.Justin Shouse gefur stoðsendingu.vísir/valliGestirnir voru ekki lengi að komast yfir í síðari hálfleiknum og fljótlega var staðan orðin 50-46 fyrir Þór Þorlákshöfn. Gestirnir náðu mest sjö stiga forskoti í leikhlutanum, 57-50. Stjörnumenn voru ekkert á því að hleypa þeim langt fram úr sér og munaði aðeins þremur stigum fyrir lokaleikhlutann, 63-60. Það vantaði samt töluvert uppá sóknarleik liðanna beggja. Þórsara gerðu fimm fyrstu stig fjórða leikhlutans og munaði allt í einu átta stigum á liðunum, 68-60. Eftir það kom flottur sprettur hjá heimamönnum þegar þeir gerðu sex stig í röð og voru ekki lengi að því að minnka muninn niður í tvö stig. Gríðarleg spenna var út leiktímann en að lokum voru það heimamenn sem stóðu uppi sem sigurvegari en þeir unnu leikinn 85-79. Justin Shouse var atkvæðamestur í liði Stjörnunnar með 19 stig. Marvin Valdimarsson gerði 18 einnig fyrir Stjörnuna. Vincent Sanford gerði 23 stig fyrir Þórsara í kvöld.Stjarnan - Þór Þ.85-79 (41-39)Stig Stjörnunnar: Justin Shouse 19, Marvin Valdimarsson 18, Dagur Kár Jónsson 16, Jarrid Frye 15, Tómas Þórður Hilmarsson 6, Sigurður Dagur Sturluson 4, Jón Orri Kristjánsson 4, Ágúst Angantýsson 2, Jón Sverrisson 1.Stig Þórs: Vincent Senford 23, Nemanja Sovic 19, Tómas Heiðar Tómasson 16, Þorsteinn Már Ragnarsson 6, Emil Karel Einarsson 4, Oddur Ólafsson 4, Grétar Ingi Erlendsson 4, Baldur Þór Ragnarsson 3. Benedikt: Bæði lið voru léleg í kvöld„Við vorum yfir stóran hluta af síðari hálfleiknum og áttum alltaf góðan möguleika,“ segir Benedikt Guðmundsson, þjálfari Þórs, eftir leikinn. „Mér fannst þessi leikur í heild sinni hálf dapur. Ég átti nú von á betri leik frá báðum liðum.“ Benedikt segir að Stjörnumenn hafi einfaldlega verið sterkari undir lokin og klókari. „Þeir eiga þessi stig fyllilega skilið. Þó svo að leikirnir séu ekki vel spilaðir þá eru stigin alveg jafn mikilvæg.“ Hann vonaðist eftir að einhver leikmaður myndi stíga upp undir lokin í hans herbúðum en svo varð ekki. Marvin: Tókum saman í höfðinu„Við byrjuðum leikinn alveg ágætlega en svo komu Þórsararnir alveg brjálaðir í þriðja leikhlutann,“ segir Marvin Valdimarsson, leikmaður Stjörnunnar, eftir sigurinn í kvöld. „Eftir að þeir komust átta stigum yfir undir lokin byrjuðum við aðeins að taka saman í höfðinu og fórum að spila okkar bolta.“ Marvin segir að það hafi verið lykilatriði og um leið hafi liði byrjað að skora auðveldar körfur. „Þetta var alls ekki fallega spilaður leikur, bara hörku barátta allan tímann.“Leik lokið (85-79): Stjörnumenn betri undir lokin.40. mín (82-76): 27 sekúndur eftir og Stjörnumenn svo gott sem komnir með þennan sigur. Sigurður Dagur setur niður tvö stig og kemur heimamönnum sex stigum yfir. 39. mín (79-76): Marvin fer á línuna fyrir Stjörnuna og kemur þeim þremur stigum yfir.38. mín (77-76): Svakaleg spenna. Shouse að koma heimamönnum einu yfir.36. mín (75-74): Frye með risaþrist. Kemur Stjörnunni einu stigi yfir.34. mín (71-72): Rosaleg stig frá Marvin. Setur niður tvö skot, brotið á honum og hann þrumar einnig niður vítaskotinu. Þriggja stiga sókn.33. mín (68-70): Sex stig í röð frá heimamönnum og nú munar aðeins tveimur stigum.31. mín (60-68): Þórsarar skora fimm fyrstu stig leikhlutans og munar því átta stigum.3. leikhluta lokið (60-63): Jæja það munar bara þremur stigum á liðunum fyrir lokaleikhlutann.29. mín (55-57): Jarrid Frye með flotta körfu. Mikil spenna í Ásgarðinum. 27. mín (50-55): Jarrid Frye brýtur á Tómasi Tómassyni þegar hann er kominn einn upp að körfunni. Tómas setur boltann í körfuna og fær villu að auki. Mikil stemmning með Þór.26. mín (48-53): Rosalegur þristur frá Baldri Þór Ragnarssyni. Gestirnir mun betri núna. 25. mín (46-47): Dagur Kár með fína körfu fyrir Stjörnuna. 24. mín (43-47): Stjörnumenn ekki mættir til leiks í síðari hálfleiknum. 22. mín (43-43): Jafnt. Þórsarar virka flottir í upphafi síðari hálfleiksins.Hálfleikur (41-39): Hörku spennandi leikur hér í Garðabænum. Þórsarar komust áðan einu stigi yfir en Stjörnumenn leiða með tveimur í hálfleik.18. mín (36-35): Gestirnir að saxa vel á forskot Stjörnunnar. 17. mín (35-31): Magnað vítaskot frá Jarrid Frye. Hann dreif ekki á körfuna og var í raun langt frá því. Þetta sér maður ekki á hverjum degi frá eins góðum leikmanni.15 mín (34-27): Justin Shouse með hrikalega flottan þrist. Hann er kominn með níu stig. 13. mín (31-24): Stjarnan heldur áfram sínu striki. 1. leikhluta lokið (26-18): Stjörnumenn með ágæt tök á þessum leik en augljóslega nóg eftir. 8. mín (17-12): Jarrid Frye með fína körfu fyrir Stjörnuna. Hann virðist vera nokkuð heill. 6. mín (13-9): Fjögur fljót stig í röð frá gestunum. 5. mín (13-5): Benni Guðmunds kominn með nóg og tekur leikhlé fyrir Þórsara. 4. mín (11-5): Marvin með tvö fín stig. Stjörnumenn byrja leikinn betur. 2. mín (7-2): Fín byrjun á leiknum. Mikill hraði.1. mín (0-0): Leikurinn er hafinn hér í Garðarbænum.Fyrir leik: Þá er fólk farið að streyma í húsið. Fyrir leik: Það er spurning með þátttöku Jarrid Frye í leiknum í kvöld en hann hefur verið að glíma við meiðsli. Hann hitar upp með liðinu.Fyrir leik: Bæði lið unnu í síðustu umferð en Stjörnumenn tóku Fjölnismenn í kennslustund á meðan Þórsarar unnu Skallagrím. Fyrir leik: Stjarnan er í fimmta sæti deildarinnar með fimm stig en Þórsarar hafa verið að finna taktinn og eru í þriðja sætinu með átta stig. Fyrir leik: Liðin komin út á völl og menn farnir að hita upp. Þrír áhorfendur mættir í salinn, enda langt í leik.
Dominos-deild karla Mest lesið Samherji Stefáns Teits kærður fyrir meint bit Enski boltinn Ricciardo tapar sæti sínu hjá RB Formúla 1 Viktor Gísli öflugur gegn PSG Handbolti Engin vandræði þrátt fyrir að vera manni færri nær allan leikinn Fótbolti ÍBV og Grótta með sigra Handbolti Andri Lucas lagði upp í óvæntu tapi Fótbolti Arsenal sneri dæminu sér í vil Fótbolti Amanda lagði upp á leið sinni í riðlakeppni Meistaradeildar Evrópu Fótbolti Andri Már spilaði stóran þátt í sigri Leipzig Handbolti Birkir á leið til Vals á nýjan leik Íslenski boltinn Fleiri fréttir Helena verður á skjánum í vetur Derrick Rose leggur skóna á hilluna Mögnuðu tímabili nýliðans Clark lokið: „Get orðið miklu betri“ Æfir eftir stæla þjálfarans og banna leikmenn í landsliðið Nóg að gera á skrifstofu Stjörnunnar Shabazz semur við Njarðvík Shaq í Stjörnuna Njarðvíkingar losa sig við Bandaríkjamanninn rétt fyrir mót Þarf ekkert að taka afa bak við hlöðu og skjóta hann Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Sjá meira