Fluttu heilt hús frá Selfossi til Eyrarbakka Lilja Katrín Gunnarsdóttir skrifar 20. mars 2014 09:12 Herzog er ekkert lamb að leika sér við. „Ísland á að vera Noregur í myndinni en landið nýtur sín samt sem áður mjög vel,“ segir Ragnar Agnarsson, forstjóri framleiðslufyrirtækisins Sagafilm. Fyrirtækið samframleiddi norsku kvikmyndina Dead Snow: Red vs. Dead, sem var tekin upp hér á landi í fyrrasumar. Myndin verður frumsýnd á Íslandi á morgun. „Það var ódýrara fyrir aðstandendur myndarinnar að gera myndina hér. Gjaldmiðillinn er hagstæður og þeir fá tuttugu prósenta endurgreiðslu af framleiðslukostnaði frá íslenska ríkinu. Að auki er íslenskt starfsfólk í kvikmyndabransanum frábært – á heimsmælikvarða,“ bætir Ragnar við. „Við sáum tækifæri í þessari mynd og teljum að hún eigi eftir að fara víða. Við höfum trú á verkefninu en myndinni hefur verið vel tekið alls staðar og aðsóknin í Noregi hefur verið mjög góð,“ segir Ragnar um ástæðuna að baki því að Sagafilm framleiddi myndina. Myndin hefur nú þegar verið sýnd á Sundance-kvikmyndahátíðinni í Bandaríkjunum og var frumsýnd í Noregi fyrir stuttu. Myndin var tekin upp víðs vegar um landið – þar á meðal í stúdíói Sagafilm á Laugavegi, í Hvalfirði, Hafnarfirði, á Eyrarbakka og Stokkseyri. Ýmislegt gekk á í tökum og þurfti meðal annars að ferja heilt hús á milli staða. „Við fengum lánað hús á Selfossi og fluttum það á Eyrarbakka. Það var meiri háttar vesen og við þurftum að loka götum. En það var algjörlega þess virði.“Ragnar segir allt ferlið hafa verið afar ánægjulegt.Um fjögur hundruð manns alls staðar að úr heiminum komu að framleiðslunni en myndin fjallar um Martin sem lifir af árás nasistauppvakninga. Hann vaknar á sjúkrahúsi og lögreglan trúir ekki sögu hans um þessar blóðþyrstu verur og telur að Martin hafi myrt vini sína. Hann missti annan handlegginn en hægt var að græða á hann nýjan handlegg. Fljótlega kemur þó í ljós að handleggurinn er af aðalmanninum í hersveit nasistauppvakninga, Herzog, og býr mikið ofurafl í handleggnum. Norska fyrirtækið Tappeluft framleiðir myndina ásamt Sagafilm og hugsanlegt er að þessi tvö fyrirtæki haldi samstarfinu áfram. „Við vorum öll mjög ánægð með samstarfið. Við erum að skoða nokkur verkefni en ekkert sem ég get sagt frá á þessari stundu,“ segir Ragnar. Leikstjóri myndarinnar er Tommy Wirkola sem leikstýrði einnig fyrstu myndinni, Dead Snow, sem sló óvænt í gegn. Í kjölfarið leikstýrði hann Hollywood-myndinni Hansel & Gretel: Witch Hunters og vinnur nú að myndinni What Happened to Monday? með sænsku leikkonunni Noomi Rapace í aðalhlutverki. Með helstu hlutverk í Dead Snow: Red vs. Dead fara Amrita Acharia, Jocelyn DeBoer, Ørjan Gamst, Vegar Hoel og Martin Starr. Mest lesið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið Freyja snýr sér að þáttastjórnun Lífið „Ekki fylgja hverju einasta tískutrendi“ Tíska og hönnun Keypti lóð Gylfa og Alexöndru á 225 milljónir Lífið Einstakt hönnunarhús í Hlíðunum með gufu, heitum potti og útisturtu Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
„Ísland á að vera Noregur í myndinni en landið nýtur sín samt sem áður mjög vel,“ segir Ragnar Agnarsson, forstjóri framleiðslufyrirtækisins Sagafilm. Fyrirtækið samframleiddi norsku kvikmyndina Dead Snow: Red vs. Dead, sem var tekin upp hér á landi í fyrrasumar. Myndin verður frumsýnd á Íslandi á morgun. „Það var ódýrara fyrir aðstandendur myndarinnar að gera myndina hér. Gjaldmiðillinn er hagstæður og þeir fá tuttugu prósenta endurgreiðslu af framleiðslukostnaði frá íslenska ríkinu. Að auki er íslenskt starfsfólk í kvikmyndabransanum frábært – á heimsmælikvarða,“ bætir Ragnar við. „Við sáum tækifæri í þessari mynd og teljum að hún eigi eftir að fara víða. Við höfum trú á verkefninu en myndinni hefur verið vel tekið alls staðar og aðsóknin í Noregi hefur verið mjög góð,“ segir Ragnar um ástæðuna að baki því að Sagafilm framleiddi myndina. Myndin hefur nú þegar verið sýnd á Sundance-kvikmyndahátíðinni í Bandaríkjunum og var frumsýnd í Noregi fyrir stuttu. Myndin var tekin upp víðs vegar um landið – þar á meðal í stúdíói Sagafilm á Laugavegi, í Hvalfirði, Hafnarfirði, á Eyrarbakka og Stokkseyri. Ýmislegt gekk á í tökum og þurfti meðal annars að ferja heilt hús á milli staða. „Við fengum lánað hús á Selfossi og fluttum það á Eyrarbakka. Það var meiri háttar vesen og við þurftum að loka götum. En það var algjörlega þess virði.“Ragnar segir allt ferlið hafa verið afar ánægjulegt.Um fjögur hundruð manns alls staðar að úr heiminum komu að framleiðslunni en myndin fjallar um Martin sem lifir af árás nasistauppvakninga. Hann vaknar á sjúkrahúsi og lögreglan trúir ekki sögu hans um þessar blóðþyrstu verur og telur að Martin hafi myrt vini sína. Hann missti annan handlegginn en hægt var að græða á hann nýjan handlegg. Fljótlega kemur þó í ljós að handleggurinn er af aðalmanninum í hersveit nasistauppvakninga, Herzog, og býr mikið ofurafl í handleggnum. Norska fyrirtækið Tappeluft framleiðir myndina ásamt Sagafilm og hugsanlegt er að þessi tvö fyrirtæki haldi samstarfinu áfram. „Við vorum öll mjög ánægð með samstarfið. Við erum að skoða nokkur verkefni en ekkert sem ég get sagt frá á þessari stundu,“ segir Ragnar. Leikstjóri myndarinnar er Tommy Wirkola sem leikstýrði einnig fyrstu myndinni, Dead Snow, sem sló óvænt í gegn. Í kjölfarið leikstýrði hann Hollywood-myndinni Hansel & Gretel: Witch Hunters og vinnur nú að myndinni What Happened to Monday? með sænsku leikkonunni Noomi Rapace í aðalhlutverki. Með helstu hlutverk í Dead Snow: Red vs. Dead fara Amrita Acharia, Jocelyn DeBoer, Ørjan Gamst, Vegar Hoel og Martin Starr.
Mest lesið Garðar Gunnlaugs að verða afi Lífið Framhjáhöld: Annar rannsóknarlögga en hinn í hundakofann Áskorun Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið Freyja snýr sér að þáttastjórnun Lífið „Ekki fylgja hverju einasta tískutrendi“ Tíska og hönnun Keypti lóð Gylfa og Alexöndru á 225 milljónir Lífið Einstakt hönnunarhús í Hlíðunum með gufu, heitum potti og útisturtu Lífið „Þetta er enginn helvítis félagskvíði, það bara þolir mig enginn“ Áskorun Fleiri fréttir Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira