Góðir dómar Ragnheiðar

Hróður óperunnar Ragnheiður eftir Gunnar Þórðarson og Friðrik Erlingsson hefur borist út fyrir landsteinana en hið virta breska óperurit Opera Now gefur verkinu fjórar stjörnur af fimm í nýlegum dómi.

Einnig fer gagnrýnandi fögrum orðum um höfundana, söngvara og listræna stjórnendur.

Ragnheiður hlaut góðar viðtökur er óperan var sýnd í Hörpu og voru áhorfendur vel á 13. þúsund.

Erlendir gestir eru þar á meðal sem útskýrir lofsamlega erlenda dóma en ofangreindur gagnrýnandi segir verkið eiga skilið að vera sýnt erlendis.