Á átján pör af Nike-skóm Lilja Katrín Gunnarsdóttir skrifar 3. júlí 2014 10:00 Ragna er dugleg við að losa sig við gömul skópör um leið og hún kaupir ný. Vísir/GVA „Þetta hefur þróast hægt og rólega af sjálfu sér eiginlega. Ég kom einstaklega vel skóuð úr ferð minni til Tókýó árið 2007 og þá kannski kviknaði áhuginn af alvöru,“ segir tónlistarkonan Ragna Kjartansdóttir, betur þekkt sem Cell 7. Hún er mikill aðdáandi skóbúnaðar frá Nike og er dugleg að kaupa sér ný pör í safnið. „Eins og staðan er í dag á ég átján pör. Úff, ég hefði ekki átt að telja þetta. Ég reyni samt helst að losa mig við einhver gömul og mikið notuð um leið og ég kaupi mér ný. Annars fer þetta að taka svo mikið skápapláss,“ segir Ragna. En notar hún öll pörin? „Mig langar að segja já, en svo er ekki. Ég hef alveg átt það til að vera hvatvís á síðasta degi í útlöndum og keypt flotta skó sem virðast svo ekki passa við neitt eða eru örlítið of litlir og valda því óþægindum. Snædís systir, sem notar hálfu númeri minna en ég, nýtur þá góðs af og tekur glöð við þeim.“ Aðspurð hvaða par hún haldi mest upp á stendur ekki á svörunum. „Nýjasta parið er alltaf í uppáhaldi, þó svo að ég sé ansi hrifin að Nike Dunk Sky Hi-skónum.“ Það kom því Rögnu lítið á óvart þegar hún var beðin um að troða upp á Sneakerball-tónleikum Nike í Hörpu föstudaginn 11. júlí. Þar svífur Nike-andinn yfir vötnum og þurfa allir gestir tónleikanna að mæta í Nike-skóm – annars komast þeir ekki inn. Ragna er byrjuð að hugsa um hvaða skópari hún ætli að klæðast á tónleikunum. „Ég hef einhvern grun um það. Hvað varðar þessa tónleika þá verð ég að hugsa fyrst um hvaða skó ég ætla í og síðan hvaða föt passa við þá, öfugt við það sem ég geri venjulega,“ segir Ragna en einnig koma DJ Margeir, John Grant, Ásdís María og Unnsteinn Manuel fram á tónleikunum. „Ég er alveg viss um að þetta verður einstakur viðburður. Ég kem fram með hljómsveit en við erum ekki alveg búin að ákveða prógrammið. Munum þó sennilega skilja rólegu lögin eftir heima.“ Fyrirmyndin að tónleikunum er frá Pompidou-safninu í París en myndband af þeim má sjá hér fyrir neðan. Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Hildur Vala og Kjartan keyptu raðhús í Fossvogi Lífið Fleiri fréttir Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ „Ekki fylgja hverju einasta tískutrendi“ Enn að ná sér niður eftir að hafa hitt Miuccia Prada Leyfir bumbunni að njóta sín á meðgöngunni Sjóðheit trend beint af tískupallinum í París Skvísuviðburður þar sem hátískuflíkum rigndi yfir gesti Þotulið listagyðja fögnuðu að sænskum stíl „Ef ég væri ekki prestur væri gaman að vera poppstjarna“ „Mér þykir alltaf vænt um hlutina mína“ Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Sjá meira
„Þetta hefur þróast hægt og rólega af sjálfu sér eiginlega. Ég kom einstaklega vel skóuð úr ferð minni til Tókýó árið 2007 og þá kannski kviknaði áhuginn af alvöru,“ segir tónlistarkonan Ragna Kjartansdóttir, betur þekkt sem Cell 7. Hún er mikill aðdáandi skóbúnaðar frá Nike og er dugleg að kaupa sér ný pör í safnið. „Eins og staðan er í dag á ég átján pör. Úff, ég hefði ekki átt að telja þetta. Ég reyni samt helst að losa mig við einhver gömul og mikið notuð um leið og ég kaupi mér ný. Annars fer þetta að taka svo mikið skápapláss,“ segir Ragna. En notar hún öll pörin? „Mig langar að segja já, en svo er ekki. Ég hef alveg átt það til að vera hvatvís á síðasta degi í útlöndum og keypt flotta skó sem virðast svo ekki passa við neitt eða eru örlítið of litlir og valda því óþægindum. Snædís systir, sem notar hálfu númeri minna en ég, nýtur þá góðs af og tekur glöð við þeim.“ Aðspurð hvaða par hún haldi mest upp á stendur ekki á svörunum. „Nýjasta parið er alltaf í uppáhaldi, þó svo að ég sé ansi hrifin að Nike Dunk Sky Hi-skónum.“ Það kom því Rögnu lítið á óvart þegar hún var beðin um að troða upp á Sneakerball-tónleikum Nike í Hörpu föstudaginn 11. júlí. Þar svífur Nike-andinn yfir vötnum og þurfa allir gestir tónleikanna að mæta í Nike-skóm – annars komast þeir ekki inn. Ragna er byrjuð að hugsa um hvaða skópari hún ætli að klæðast á tónleikunum. „Ég hef einhvern grun um það. Hvað varðar þessa tónleika þá verð ég að hugsa fyrst um hvaða skó ég ætla í og síðan hvaða föt passa við þá, öfugt við það sem ég geri venjulega,“ segir Ragna en einnig koma DJ Margeir, John Grant, Ásdís María og Unnsteinn Manuel fram á tónleikunum. „Ég er alveg viss um að þetta verður einstakur viðburður. Ég kem fram með hljómsveit en við erum ekki alveg búin að ákveða prógrammið. Munum þó sennilega skilja rólegu lögin eftir heima.“ Fyrirmyndin að tónleikunum er frá Pompidou-safninu í París en myndband af þeim má sjá hér fyrir neðan.
Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Hélt niðri í sér hlátrinum yfir fölskum þjóðsöngnum Lífið Hildur Vala og Kjartan keyptu raðhús í Fossvogi Lífið Fleiri fréttir Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ „Ekki fylgja hverju einasta tískutrendi“ Enn að ná sér niður eftir að hafa hitt Miuccia Prada Leyfir bumbunni að njóta sín á meðgöngunni Sjóðheit trend beint af tískupallinum í París Skvísuviðburður þar sem hátískuflíkum rigndi yfir gesti Þotulið listagyðja fögnuðu að sænskum stíl „Ef ég væri ekki prestur væri gaman að vera poppstjarna“ „Mér þykir alltaf vænt um hlutina mína“ Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Sjá meira