Raunsæ sveitasaga heillaði landann Valgerður Þ. Jónsdóttir skrifar 24. október 2014 10:30 Bjarni Harðarson, eigandi Bókaútgáfunnar Sæmundar, er alltaf að grúska í gömlum bókum. Hann hefur mikinn hug á að endurútgefa einhverjar þeirra. FRÉTTABLAÐIÐ/HÖRÐUR Raunsæ sveitasaga af stéttaskiptingu og baráttu lítilmagnans fyrir 100 árum heillaði landann umfram aðrar sögur í sumar og var þar til nýverið í 1. sæti á metsölulista Eymundsson. Þótt jólabækurnar streymi í bókaverslanir er Afdalabarn Guðrúnar frá Lundi enn í 7. sæti, þremur mánuðum eftir útkomu bókarinnar. Eftirspurnin var slík að bókin fór þrisvar í prentun. Upplagið er 6.500 eintök, þar af 1.000 harðkiljur, sem Bjarni Harðarson, bóksali og bókaútgefandi á Selfossi, er nýbúinn að dreifa í verslanir. „Tilvalin jólagjöf,“ segir hann að hætti góðs sölumanns. En af hverju ákvað hann að gefa út Afdalabarn? „Bókin er árennileg í útgáfu. Sagan er stutt og ekki þessi klassíska ástarsaga sem Guðrún er frægust fyrir. Vinsældirnar fóru þó fram úr okkar björtustu vonum. Það kom okkur líka skemmtilega á óvart hversu ungt fólk var áhugasamt og að bókin skyldi verða svona vinsæl flugvélabók, eins og metsala í Leifsstöð sannar,“ segir Bjarni. Þegar hann talar um „okkur“ á hann við sig sjálfan og Guðjón Ragnar Jónsson, markaðsstjóra Bókaútgáfunnar Sæmundar. „Guðjón, sem er bókmenntamaður og sveitamaður, á heiðurinn af þessu verkefni og líka málþingi um Guðrúnu frá Lundi í Eymundsson í Austurstræti á laugardaginn. Spurður hvort hann ætli að fylgja Afdalabarni eftir með fleiri bókum eftir Guðrúnu játar hann hvorki né neitar, „Við erum að skoða eitt og annað varðandi útgáfu fleiri bóka eftir hana og fleiri. Mig klæjar líka í lófana að endurvekja góða höfunda, sem verðskulda að vera meiri gaumur gefinn.“Afdalabarn eftir Guðrúnu frá Lundi birtist fyrst sem framhaldssaga í Nýja kvennablaðinu á árunum 1946-1949.Bjarni nefnir nokkra sem hann hefur augastað á, til dæmis Ragnheiði Jónsdóttur og Kristmann Guðmundsson, samtímafólk Guðrúnar. „Auk Dóru-bókanna og fleiri unglingabóka skrifaði hún Arf, stórmerkilega þjóðfélagsádeilu, og Í skugga Glæsibæjar 1945 þar sem Gaulverjabær er fyrirmyndin og atburðir sem þar gerðust. Hálfgerð hvítflibbaglæpasaga. Hvorki Guðrún né Ragnheiður voru teknar alvarlega sem rithöfundar þótt bækur þeirra nytu vinsælda hjá almenningi. Konur áttu bara að skrifa barnabækur í þá tíð,“ segir Bjarni. Kristmann Guðmundsson segir hann líka rithöfund, sem ekki hafi notið sannmælis. Eins og Guðrún hafi hann verið góður í að lýsa íslenskum sveitaraunveruleika. „Svo get ég nefnt Guðmund Daníelsson, okkar skáld hér á Selfossi.“ segir Bjarni og bætir við að allt séu þetta bollaleggingar, enda sé hann ekkert farinn að athuga með útgáfurétt og annað slíkt. Mest lesið Þriðja lag brúðgumans of klúrt fyrir athöfnina Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó Þriðja lag brúðgumans of klúrt fyrir athöfnina Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó Sjá meira
Raunsæ sveitasaga af stéttaskiptingu og baráttu lítilmagnans fyrir 100 árum heillaði landann umfram aðrar sögur í sumar og var þar til nýverið í 1. sæti á metsölulista Eymundsson. Þótt jólabækurnar streymi í bókaverslanir er Afdalabarn Guðrúnar frá Lundi enn í 7. sæti, þremur mánuðum eftir útkomu bókarinnar. Eftirspurnin var slík að bókin fór þrisvar í prentun. Upplagið er 6.500 eintök, þar af 1.000 harðkiljur, sem Bjarni Harðarson, bóksali og bókaútgefandi á Selfossi, er nýbúinn að dreifa í verslanir. „Tilvalin jólagjöf,“ segir hann að hætti góðs sölumanns. En af hverju ákvað hann að gefa út Afdalabarn? „Bókin er árennileg í útgáfu. Sagan er stutt og ekki þessi klassíska ástarsaga sem Guðrún er frægust fyrir. Vinsældirnar fóru þó fram úr okkar björtustu vonum. Það kom okkur líka skemmtilega á óvart hversu ungt fólk var áhugasamt og að bókin skyldi verða svona vinsæl flugvélabók, eins og metsala í Leifsstöð sannar,“ segir Bjarni. Þegar hann talar um „okkur“ á hann við sig sjálfan og Guðjón Ragnar Jónsson, markaðsstjóra Bókaútgáfunnar Sæmundar. „Guðjón, sem er bókmenntamaður og sveitamaður, á heiðurinn af þessu verkefni og líka málþingi um Guðrúnu frá Lundi í Eymundsson í Austurstræti á laugardaginn. Spurður hvort hann ætli að fylgja Afdalabarni eftir með fleiri bókum eftir Guðrúnu játar hann hvorki né neitar, „Við erum að skoða eitt og annað varðandi útgáfu fleiri bóka eftir hana og fleiri. Mig klæjar líka í lófana að endurvekja góða höfunda, sem verðskulda að vera meiri gaumur gefinn.“Afdalabarn eftir Guðrúnu frá Lundi birtist fyrst sem framhaldssaga í Nýja kvennablaðinu á árunum 1946-1949.Bjarni nefnir nokkra sem hann hefur augastað á, til dæmis Ragnheiði Jónsdóttur og Kristmann Guðmundsson, samtímafólk Guðrúnar. „Auk Dóru-bókanna og fleiri unglingabóka skrifaði hún Arf, stórmerkilega þjóðfélagsádeilu, og Í skugga Glæsibæjar 1945 þar sem Gaulverjabær er fyrirmyndin og atburðir sem þar gerðust. Hálfgerð hvítflibbaglæpasaga. Hvorki Guðrún né Ragnheiður voru teknar alvarlega sem rithöfundar þótt bækur þeirra nytu vinsælda hjá almenningi. Konur áttu bara að skrifa barnabækur í þá tíð,“ segir Bjarni. Kristmann Guðmundsson segir hann líka rithöfund, sem ekki hafi notið sannmælis. Eins og Guðrún hafi hann verið góður í að lýsa íslenskum sveitaraunveruleika. „Svo get ég nefnt Guðmund Daníelsson, okkar skáld hér á Selfossi.“ segir Bjarni og bætir við að allt séu þetta bollaleggingar, enda sé hann ekkert farinn að athuga með útgáfurétt og annað slíkt.
Mest lesið Þriðja lag brúðgumans of klúrt fyrir athöfnina Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó Þriðja lag brúðgumans of klúrt fyrir athöfnina Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Kveiktu í dansgólfinu í Iðnó Sjá meira